|
|
|
له ڕاپرسینێکی ماڵپه‌ڕی سه‌ربه‌خۆدا 77 % له به‌شدار بووان ده‌نگیان بۆ سه‌ربه‌خۆیی کوردستان داوه.
له ڕاپرسینێکی ماڵپه‌ڕی سه‌ربه‌خۆیدا که تا سه‌ری ساڵی 2008 درێژه‌ی هه‌بووه،له‌و ڕاپرسینه‌دا که پێوه‌نده به چاره‌نووسی شێوه‌ی خه‌باتی گه‌له‌که‌مانه‌وه،له کۆی 513 به‌شدار بوو،77 % ده‌نگیان به خه‌بات بۆ سه‌ربه‌خۆیی یه‌کجاری کوردستان داوه.
پرسیاره‌کانی ڕاپرسییه‌که و نه‌تیجه‌ی ده‌نگ ده‌ران به شێوه‌ی خواره‌وه بووه:
77% به خه‌بات بۆ سه‌ربه‌خۆیی یه‌کجاری گه‌لی کورد 9 % خه‌بات بۆ فیدراڵی 3% بۆ خۆدموختاری (ئوتونۆمی) 11% خه‌بات بۆ دیاری کردنی مافی چاره‌ی خۆنووسی.
کۆپی ده‌قی ڕاپرسینه‌که‌ی ناو ماڵپه‌ڕی سه‌ربه‌خۆ:
به بۆچوونی ئێوه کام له‌م شێوه خه‌باتانه مافی ڕه‌وای گه‌لی کورده؟ خه‌بات بۆ دیاریکردنی مافی چاره‌ی خۆنووسی. خه‌بات بۆ فیدراڵی. خه‌بات بۆ خودموختاری ( ئوتونۆمی). خه‌بات بۆ سه‌ربه‌خۆیی یه‌کجاری گه‌لی کورد.
ژماره‌ی ده‌نگه‌كان 513
به ناوی به‌ڕێوه‌به‌رانی ماڵپه‌ڕی سه‌ربه‌خۆ، زۆرسوپاسی سه‌رجه‌م ئه‌و خوشک وبرایانه ده‌که‌ین که له‌و ڕاپرسیه‌دا به‌شدارییان کردوه، هیوادارین له ڕاپرسینه‌کانی داهاتووماندا به‌رده‌وام به‌شداری بکه‌ن، ماڵپه‌ڕی سه‌ربه‌خۆ به نیازه وه‌ک ئاژانسێکی نه‌ته‌وه‌یی کوردستانی، به‌رده‌وام بێت له بڵاوکردنه‌وه‌ی هه‌واڵ وبابه‌تی تایبه‌ت به کوردستان وخزمه‌ت کردن به ڕێبازی نه‌ته‌وه‌یی و سه‌ربه‌خۆخوازی له نێۆ کۆڕو کۆمه‌ڵی کورده‌واریدا، ماڵپه‌ڕی سه‌ربه‌خۆ له ئاینده‌یه‌کی نزیکدا ده‌بێته سه‌کۆی چه‌ندین ده‌زگای دیکه‌ی ڕاگه‌یاندنی نه‌ته‌وه‌یی کوردستانی . چاوه‌ڕوانی هاوکاری ڕۆژنامه نووسان و نوسه‌رانی کوردستانی ده‌که‌ین .
ڕێز و سوپاسی زۆرمان ،به‌ڕێوه‌به‌رانی ماڵپه‌ڕی سه‌ربه‌خۆی کوردستان ، www.serbexo.com
|
