١٨\١١\٢٠١١

لە رەخنە لە ئاسمان بۆ رەخنە لە زەوی.

نووسینی: کارل مارکس                                                                                                وەرگیرانی لەعەرەبییه‌وه‌: نەهرۆ

ئەرکی میژوو کەواتە دوای ئاوابوونی جیهان لە پشتەوەی راستی ئەوەیە ،راستی ئەم جیهانە بەرپا بکرێ ،ئەوە بە پلەی یەکەم ئەرکی فەلسەفەیە کە خزمەتی میژوو دەکا.

بناغەی رەخنەی غەیرە دینی/ مرۆڤ ئاین دروست دەکا ،ئاین مرۆڤ دروست ناکا ،دین لەواقیع دا وشیاری خودە، تەقدیری خودە لای ئەو ئینسانەی جاری خوی نەدوزیوەتەوە یان سەرلەنوێ خوی بزرکردۆتەوە ،بەڵام ئینسان بوونیکی دابراو نیە کەوتبێتە شوینیک لە دەرەوەی جیهان ،ئینسان جیهانی ئینسانە ،دەوڵەتە ،کۆمەڵگایە ، ئەم دەوڵەت وکۆمەڵگایە دین بەرهەم دینن ،هوشیاری ئاوەژووی جیهانە، لەبەر ئەوەی خوی لەخوی دا جیهانیکی ئاوەژووە. دین تیئوریکی گشتی یە بۆ ئەم جیهانە ،پوختەی فەرهەنگیەتی ،پانتاییکە لە دارشتنی میللی دا ،شەرەفی روحی پێ سپیردراوە .حەماسەت و جەزای ئەخلاقی یەتی ،تەواوکەری پر شکۆیەتی ،بنەمای دڵدانەوەیەتی وپاساوی بەربڵاویەتی.

خەیاڵی بەدیهاتووی کەینونەی ئینسانە لەکاتیکدا واقعیکی راستەقینە بۆ کەینونەی ئینسان نەبێ ، کەواتە خەبات دژی دین بە شیوەیەکی ناراستەوخۆ خەباتە دژی ئەو جیهانەی کەدین پیکهینەری بۆن وبەرامەی روحی یەتی ،بەدبەختی دین دەربرینی بەدبەختی واقیعە لە لایەکی دیکەوە پرۆتیستە دژیەتی ،دین ئاهی خەلقی چەوساوەیە ،دڵی جیهانیکە کە دڵی نیە هەروا روحی هەڵومەرجی کۆمەڵایەتی یە کە روحی نیە ،ئەفیونی گەلە ،لەناوبردنی دین بەو سیفەتەی بەختەوەری وەهمی گەلە مانای داخوازیە بۆ بەختەوەری راستەقینە ،داواکاری یە لە گەل واز لەوەهمەکانی بهینی دەربارەی بەدۆخی خوی ،بەواتای داخوازییە کە واز لە دۆخیک بهینی پیویستی بە وەهمە ،کەواتە رەخنە لەدین رەخنەی جەنینی یە لە دوڵی فرمێسک کە دین خەرمانەی داوە ،رەخنە دەستبەندی گوڵی وەهمی داپوشراوی لابرد نە لەبەر ئەوەی ئینسان دەستبەندی نارازاوە هەڵگری بەڵکو واز لەدەستبەند بهینی و گوڵی زیندوو بقرتینی ، رەخنە لەدین وەهمەکانی ئینسان تیک وپیک دەدا تا وەکو بیربکاتەوەو ئەکتیڤ بێ و واقیعی خوی دروست بکا بەو سیفەتەی کە ئینسانەو وازی لە وەهم هیناوەوگەیشتوتە تەمەنی پێگەیشتوو تاوەکو لەدەوری خوی بسوریتەوە بەواتای لەدەوری خوری راستەقینە ،دین هیچ نیە جگە لە خۆریکی وەهمی کە بەدەوری ئینسان دا دەسوریتەوە مادامەکی ئینسان لە دەوری خوی ناسوریتەوە.

کەواتە ئەرکی میژوو دوای جیهانی پشتەوەی راستی ئەوەیە راستی ئەم جیهانە بەرپا بکا، بەپلەی یەک ئەرکی فەلسەفەیە کەخزمەتی میژوو دەکا ،ئەمەش دوای ئەوە دەبێ کەشیوازی پیروزی سەندنەوەی خاوەنداریەتی خودی ئینسان ریسوا بکرێ ، ماسکی لێسەندنەوەی خاوەنداریەتی خود لاببردرێ لە شیوازی غەیرە موقەدەسی دا، بەم شیوەیە رەخنە لەئاسمان دەگۆردرێ بۆ رەخنە لە ئەرز ،رەخنەی دین بۆ رەخنەی ماف ،رەخنەی لاهوت بۆ رەخنەی سیاسی.

______________________________________________

سه‌رچاوه‌:
- بەشیک لە پیشەکیی (رەخنەی فەلسەفەی ماف لای هیگل).
- وەرگیرانی گۆڤاری (النقطة) - پاریس ١٩٨٣.

نەرویج

ماڵپەڕی نەهرۆ