|
٣٠\٨\٢٠١١
لە رۆژی
جیهانی بێسەروشوێنکراواندا ٣٠\٨
داوای
دیاریکردنی چارەنووسیان دەکه‌ین لە کوردستان.
بە بۆنەی رۆژی جیهانی بێسەروشوێنکراوان کە دەکاتە بەرواری 30-8 کە لە
لایەن هاوپەیمانی جیهانی دژ بە بێسەروشوێنکردنەوە لە ساڵی 2008 وەک
رۆژی بێسەروشوێنکراوان لە سەرتاسەری جیهان دیاریکراوە لەسەر پێشنیاری
FEDEFAM، رێکخراوەکەمان وەک یەکەم رێکخراوی کوردی کە گرنگی بەم کەیسە
داوە و چالاکی جۆراو جۆری بۆ ئەو قوربانیانە ئەنجامداوە، لە کاتێکدا لە
ئێستادا ئەنجامدانی هەر جۆرە چالاکییەک بۆ ئەو کەیسە لە ئێمە و
کەسوکاری ئەو قوربانیانە لە سنوری هەرێمی کوردستان زەوت کراوە ، بۆیە
لەم یادە کۆمەڵێک داواکاری دەخەینە بەردەم رایگشتی لە کوردستان:
1- پێویستە چارەنووسی تەواوی بێسەروشوێنکراوان لە لایەن ئەو پارتانەی
پەنجەی تۆمەتباریان بۆ درێژکراوە ( پارتی دیموکراتی کوردستان،یەکێتی
نیشتمانی کوردستان،بزووتنەوەی ئیسلامی کوردستان) ((هەروەها هەموو ئەو
کەسانەی پەیوەندیان بە کەیسی بێسەروشوێنکردنەوە هەیە و ئێستا لە ریزی
ئەو پارتانەی ئاماژەمان بە ناوەکانیان دا نەماون )) ئاشکرا بکرێن.
2- لێکۆڵینەوە لە حالەتەکانی بێسەروشوێنکردنەکان بکرێت ، کە بەشێکیان
دەچێتە چوارچێوەی پێشێلکاری یاساکانی جەنگەوە.
3- قەرەبووی تەواوی ئەو قوربانیانە بکرێتەوە پاش ئاشکراکردنی
چارەنووسیان.
4- ئەو قوربانیانەی لە ژیاندا نەماون پاش ئەوەی لایەنی بکەر دان بە
نەمانیان دەنێت پێویستە وەک شەهید مامەڵەیان لە گەڵ بکرێت لە ماف و
ئیمتیازات.
5- سەرکردەی ئەو لایەنانەی پەیوەندن بە بێسەروشوێنکردنی هاووڵاتیانەوە
بە نامەی فەرمی و ئیمزای سەرکردەکانیان داوای لێبوردن لە کەسوکاری
قوربانیان بکەن وەک قەرەبووی مەعنەوی.
6- ئەم داواکارییانە کوردانی پارچەکانی دیکەی کوردستانیش دەگرێتەوە کە
لەسەر خاکی هەرێمی کوردستان بێسەروشوێنکراون.
بێسەروشوێنکردنی مرۆڤ لە ئێستادا وەک تاوانێکی مەزن لە ئاستی جیهانی
مامەڵەی لە گەڵ دەکرێت و مرۆڤایەتی لە دژی دەوەستێتەوە ، کۆمەڵگەی نێو
دەوڵەتی بە هەموو توانایەکیەوە دژ بە بێسەروشوێنکردنی مرۆڤەکان
وەستاوەتەوە ، لە رێکەوتی 18-12-1992 کۆمەڵەی نەتەوە یەکگرتووەکان
پەیمانامەیەکی دەرکردووە بە نای (( راگەیاندنی نەتەوە یەکگرتووەکان بۆ
پاراستن لە بێسەروشوێنکردنی بە زۆر ))،بە هەوڵی رێکخراوەکان و
پارێزەرانی مافی مرۆڤ لە 20-12-2006 پەیماننامەی نێو نەتەوەیی بۆ
پاراستنی مرۆڤ لە بێسەروشوێنکردنی زۆرە ملێ پەسەند کرا لە بەرواری
6-2-2007 واژۆی لەسەر کراو لە سەرەتادا 57 وڵات پەیوەست بوون بە
پەیماننامەکەوە.
چاودێری کوردۆساید -
چاک
www.kurdocide.com
kurdocide@hotmail.com
29\8\2011
|
