|
٢٢\١\٢٠١٥
لەسێدارەدان
سزایەکی نامرۆڤانەیە و
سیاسەتێکی پووچە
لە سەدەی (٢١)دا جێگەی نابێتەوە.
 وەزارەتی
دەرەوەی ئەڵمانیا: وەڵامی فیدراسیۆنی زیندانیانی سیاسیی کوردستان
دەداتەوە.
سێشەممە ٢٠\١\٢٠١٥
ڕێگەپێدراوی حکومەتی ناوەندی بۆ مافەکانی مرۆڤ و یارمەتیە مرۆییەکانی
سەربە وەزارەتی دەرەوەی ئەڵمانیا، بە نامەیەک وەڵامی فیدراسیۆنی
زیندانیانی سیاسیی کوردستانی دایەوە.
نووسینگەی ڕێگەپێدراوی مافەکانی مرۆڤ و یارمەتیە مرۆییەکانی حکومەتی
ئەڵمانیا لەنامەیەکی فەرمیدا ، وەڵامی نامەکەی فیدراسیۆنی زیندانیانی
سیاسیی کوردستان دەداتەوە کە لەمانگی دیسێمبەری ڕابردوو سەبارەت بە
مانگرتنی زیندانیانی سیاسیی لە ورمێ ئاڕاستەی ڕێگەپێدراوی مافەکانی
مرۆڤی کردبوو.
لە بەشێکی نامەکەی نووسینگەی ناوبراودا ھاتووە:
بەڕێز.. سەرۆکی فیدراسیۆنی زیندانیانی سیاسیی
کوردستان.
زۆر سوپاس بۆ نامەکەتان لە ١٢\١٢\٢٠١٤
و ئاگادارکردنەوەتان سەبارەت بە مانگرتنی زیندانیانی سیاسیی ورمێ.
بەپێی زانیاریەکانی ئێمە دوای ئەوەی کاربەدەستانی زیندانی ورمێ
داواکاری مانگرتووانیان جێبەجێکرد ، مانگرتنی زیندانیەکان لەوکاتەوە
کۆتاییھات.
حکومەتی ئەڵمانیا بەپەرۆشەوە چاودێری بارودۆخی مافەکانی مرۆڤ لەئێران
دەکات و لەچوارچێوەی لێدوانە فەرمیەکان بەردوام و دووبارە داوا لە
ڕژێمی ئێران دەکات ڕێز لە یاساکان و ئەرکە نێونەتەوەییەکان بگرێ و سزای
لەسێدارەدانەکان ھەڵوەشێنێتەوە . لەسێدارەدان سزایەکی نامرۆڤانەیە و
سیاسەتێکی پووچە لە سەدەی (٢١)دا جێگەی
نابێتەوە.
شایانی باسە لە مانگی دیسێمبەری ڕابردوو ڕێگەپێدراوی مافەکانی مرۆڤ و
یارمەتییە مرۆییەکانی حکومەتی ئەڵمانیا سەردانی ھەولێری پایتەختی
ھەرێمی کوردستانی کردبوو، ئەوکات فوئاد زیندانی سەرۆکی فیدراسیۆنی
زیندانیانی سیاسیی کوردستان دیدارێکی لەگەڵ ئەنجامدا و نامەیەکی
سەبارەت بە مانگرتنی زیندانیانی سیاسیی ورمێ ڕادەستکردبوو.
فیدراسیۆنی زیندانیانی سیاسیی کوردستان
٢٠\١\٢٠١٥
fuadzindani@yahoo.de
|
