٨\٥\٢٠١٠

      لە سەربان نزیکتر دەبێتەوە ئاسمان.

بەشدار سامی

0

تا ئێساش کۆترەکانم نەگەراونەتەوە
شەو و ڕۆژ
سینگم نووساندووە بە ستارەی سەربانەوە و
دەستەکانم خستۆتە بن چەناگەم و
چاوەڕێم.

1
با لەو شتە دەست پێبکەین، کەنیمانە.

2
لێرە کە هیچ شتێک خۆشبەختی ناهێنێ،
من جگەرەکەم دەکوژێنمەوە
وەک هەموو شتێک
لە ئینسان.

3
کچەکەی دراوسێمان گۆرانی دەڵێ
کەس لە خۆیەوە گۆرانی ناڵێ
دەبێ ئەو گۆرانییە بۆ کێ بێ،
دەبێ کێ ئەو گۆرانییە ببیستێ
دەبێ ئەو گۆرانییە چاوەڕوانی کێبێ!

4
سەعاتەکە و
ساڵ و مانگیش
وەک من و تۆ و
هەموو شتێک
بەیەک ڕیتم.

ماڵپه‌ڕی به‌شدار سامی