|
مامجه‌لال و تاجه‌گوڵینه‌ی
سه‌ر مه‌زاری شه‌هیدان(قاسملۆ، ئه‌حمه‌د کایا، یه‌ڵماز گونه‌ی).
یوسف کانیمارانی
ئه‌وه‌ی له‌دووتوێی ئه‌ونوسینه‌داخوێنه‌ره‌کانم ئه‌یخوێننه‌وه نیوه‌ی
واقیعه‌ونیوه‌شی خه‌ون، هه‌وڵ ئه‌ده‌م تێکه‌ڵی نه‌که‌م وهیلاکتان نه‌که‌م
به‌جیاکردنه‌وه‌ی..
چه‌ند هه‌فته‌یه‌ک به‌رله‌ئێستاته‌له‌فۆنم بۆ براده‌رێکم کرد که‌لای من
تابڵێی پیاوێکی به‌ڕێزوخاوه‌ن هه‌ڵوێسته، دوای هه‌ندێ گفتوگۆوڕاگۆرینه‌وه
پێی ووتم برا: به‌یانی مام جه‌لال دێت بۆ به‌ریتانیامن ئه‌توانم وه‌ختێکی
باش وه‌ربگرم بۆئه‌وه‌ی ئه‌گه‌ر بکرێت خۆت یان هه‌ربراده‌رێکی تری
بزووتنه‌وه‌ی ڕابوون ڕاکانی خۆتان وگلله‌یی وڕه‌خنه‌وپێشنیاره‌کانتانی
پێی ڕابگه‌یه‌نن،من مه‌بده‌ئیان ئه‌وپێشنیاروده‌ستپێشخه‌ریه‌ی ئه‌و
براده‌ره‌م زۆر به‌دڵ بووبه‌ڵام له‌وه‌ختێکی وابه‌په‌له‌داوبۆ بزووتنه‌وه‌ی
ڕابوون که زۆربه‌ی کاره‌کان به‌پرس وڕاوه‌رگرتن ئه‌که‌ین نه‌ده‌کراوه‌ڵامێکی
ڕاست ودروستم هه‌بێت، ته‌نها ئه‌وه‌نده‌م به‌وبراده‌ره‌ووت که من هیچ
شتێکی تایبه‌تم نیه،ته‌نهاگه‌یاندنی پڕۆژه‌کانی چاکسازی وکۆمه‌ڵێک ڕه‌خنه‌وگلله‌ی
که‌پێشتر له ماڵپه‌ڕوڕۆژنامه‌کاندابڵاومانکردۆته‌وه، به‌ڵام ئه‌گه‌ر
مام جه‌لال هات بۆ فه‌ڕه‌نسا هه‌وڵ ئه‌ده‌م بیبینم وپه‌یامی خۆمانی پێ
بگه‌یه‌نم،ئه‌وبه‌ڕێزه‌ش به‌ڵێنی دا به‌زاره‌کی هه‌ندێ له په‌یامه‌کانمان
بگه‌یه‌نێت سه‌باره‌ت به چاکسازی ونوێبوونه‌وه‌ی ینک..
به‌هه‌رحاڵ چه‌ندڕۆژێکی که‌م ڕۆیشتن وهه‌واڵی هاتنی مام جه‌لالم له‌ده‌می
براده‌رێکی تر له کوردستانه‌وه پێ گه‌یشت وکاتی هاتنه‌که‌شی پێ ووتم
که شانزه‌ی ئه‌م مانگه‌یه،ئه‌وه‌ی که‌زۆرسه‌یربووبه‌لام ئه‌وه‌بووکه‌من
دڵنیابووم ئێواره‌ی هه‌مان ڕۆژ سه‌رۆکی ووڵات نیکۆڵای سارکوزی به‌سه‌ردانێکی
پێشوه‌خت به‌رنامه بۆدانراوئه‌چێته ڕۆژهه‌ڵاتی ناوه‌ڕاست، هه‌رچه‌ند
وویستم باوه‌ڕبه‌براده‌ره‌که‌م بهێنم وپێیم ووت کاکه خۆ سه‌رۆکی ئه‌م
وڵاتانه وه‌ک لای خۆمان نین هه‌مووکه‌سێک ئه‌توانێت بزانێت که‌ی
وبۆکوێش ئه‌چن، ئه‌و ووتی بابه چۆن شتی وائه‌بێت وهه‌ر نه‌یسه‌لماند،
به‌ڵێ ئه‌وه‌بوو هه‌مان ڕۆژی پێشوازی کردن له‌سه‌رۆک تاڵه‌بانی به‌بێ
ئاماده‌بوونی کارلابڕۆنی خانمی یه‌که‌می فه‌ڕه‌نسا پێشوازی له‌سه‌رۆک
وخانمی یه‌که‌می ووڵات کراوهه‌مان ئێواره‌ش سه‌رۆکی فه‌ڕه‌نساوڵاتی به‌جێهێشت،
من هیچ قسه‌یه‌کم له‌سه‌ر ئه‌وبه‌جێهێشتنه نیه ئه‌گه‌ر وه‌ک که‌سێکی
ئه‌وروپی بیربکه‌ینه‌وه، چونکه هیچ پێویست نیه سه‌رۆکی وڵاتێک چوار
ڕۆژ به‌رانبه‌ر میوانێکی دابنیشێت،به‌ڵام من دڵنیام ده‌رونیه‌ن کاریگه‌ری
زۆری له‌سه‌ر مام جه‌لال وخه‌ڵکێکی زۆری کوردستان هه‌یه چونکه ئه‌وه
وه‌ک ئه‌وه‌وایه تۆ به‌میوانی بچیت بۆماڵێک وخاوه‌ن ماڵ تۆ به‌جێبهێڵێت.
له‌گه‌ڵ به‌رپرسێکی گه‌وره(ئه‌وکه‌سه هه‌رچه‌ند له‌پارتی ده‌سه‌ڵاتدانیه،
به‌ڵام هاوکاریه‌کی زۆری کردووم تادوای 7 ساڵ توانیم مافی مانه‌وه له‌ووڵاته‌وه‌ربگرم)
باسی ئه‌وه‌م کردئه‌ویش جگه له‌نیگه‌رانی ووتی به‌س ئه‌وه‌ی که‌من
تێیناگه‌م شتێکه‌وئه‌وه‌ی لێیشی تێده‌گه‌م شتێکی تره!! ووتم مسیۆ ئه‌توانی
باشتر بۆم ڕوون بکه‌یته‌وه؟ ووتی به‌دڵنیاییه‌وه.. له‌وه‌تێده‌گه‌م
که‌سه‌رۆکی وڵاته‌که‌ی من هه‌ردوای وه‌رگرتنی ئه‌وقاسه‌مه‌زنه‌ی سه‌رۆکی
وڵاته‌که‌ی تۆ هێنابووی ئیتر کارێکی پێی نه‌ماوڕۆیشت، ئه‌وه‌شی که‌لێی
تێناگه‌م ئه‌و که‌ژاوه‌یه‌وئه‌سپسواریه‌بووکه که‌له‌ناوه‌ڕاستی پایته‌خت
بۆ سه‌رۆکی وڵاته‌که‌ی تۆ ڕێکخراکه بێبایه‌خترین که‌سه‌کانی ئه‌ووڵاته‌ی
تێیدا به‌شداربوون!!
من به‌براده‌ره‌که‌مم ووت من نه‌هیچ گلله‌یی له‌سه‌رۆکه‌که‌ی تۆ ئه‌که‌م
که‌به‌رنامه‌ی هه‌یه‌و ئه‌بێت جێبه‌جیی بکات،نه‌سه‌رۆکه‌که‌ی خۆشمانم
پێ نه‌زانه‌وگلله‌یی لێبکه‌م،به‌س ئه‌وه‌ی جێگه‌ی داخائه‌ودیپلۆماته‌ی
که‌سه‌رپه‌رشتی کاره‌کانی تاڵه‌بانی ئه‌کات له‌فه‌ڕه‌نسا زیاتر له 30
ساڵه پیاوی(جاسوس) ی ده‌زگا هه‌واڵگریه‌کانی ئه‌م وڵاته‌یه‌وبه‌ئاسانیش
ئه‌توانێت زانیاری له‌سه‌ر سه‌فه‌ره‌کانی سارکوزی ده‌ستبکه‌وێت به‌تایبه‌تی
ئه‌وساڵانێکی زۆره له‌ڕێگه‌ی جیاجیاوه‌خزمه‌تی زۆری به‌سه‌رۆکه‌که‌ی
تۆ کردووه‌به‌تایبه‌تی ئه‌وکاتانه‌ی که‌وه‌زیری ناوخۆبووبه‌ڵام تاڵه‌بانی
خسته هه‌ڵه‌یه‌کی وه‌هاوه، له‌ناوه‌ڕاستی گفتوگۆکه‌ماندابووین که‌براده‌رێک
کوردم له‌پاریسه‌وه بۆته‌له‌فۆنه‌که‌ی ماڵه‌وه‌ته‌له‌فۆنی کردووتی ئه‌توانین
قسه بکه‌ین،ڕوخسه‌تم له‌براده‌ره‌که‌ی ترخواست له‌ڕاستیشداگه‌یشتبووینه‌کۆتایی
باسوخواسه‌که‌مان، له‌گه‌ڵ ئه‌وبراده‌ره‌کورده‌م که‌وتینه‌قسه‌ووتی
برائه‌زانی شه‌نسمان هه‌بووکه‌نه‌ناوی تۆ نه‌ناوی من نه‌هاتبۆوه‌بۆ سه‌ردانی
سه‌رۆک، ووتم کاکه جاری خۆئه‌وه به‌کالۆریانیه تاناوی من یان هی تۆ
بێته‌وه‌ودووه‌میش بۆ شانسمان هه‌بوو وه‌ڵامن حه‌زم ئه‌کرد مام جه‌لال
ببینم،ووتی کاکه نوێنه‌ره‌شه‌ق وشڕه‌که‌ی مام جه‌لال ماوه‌یه‌کی زۆره
به‌ڕاست وچه‌پدا خه‌ریکی کۆکردنه‌وه‌ی خه‌ڵکه بۆ ئه‌وه‌ی ئه‌وڕێپێوانه‌ی
دژی سه‌رۆکه‌که‌ی کرا له‌له‌نده‌ن لێره دووباره نه‌بێته‌وه، منیش ئێ
یه‌کم بۆکردوو ئه‌وبراده‌ره به‌رده‌وام بوو ووتی کاکه هه‌رچی کۆنه‌جاش
وکۆنه‌قوتابیانه‌ی که له‌هه‌فتاکان به‌بۆرسه‌ی به‌عس هاتوونه‌ته فه‌ڕه‌نسا
هه‌موویان بانگ کراون، ووتم کاکه هه‌تا ئێره هه‌موو نۆرماڵه به‌س
تێناگه‌م شته سه‌یره‌که چیه؟ ووتی برا زیاتر له سێ ڕۆژه ئه‌وخه‌ڵکانه
که‌له‌شاره‌جیاجیاکانی تروبه‌دووری زیاتر له 200 کم هاتوونه‌ته‌خزمه‌ت
شێخ به‌س ئه‌و ڕازی نه‌بووه هیچیان ببینێت وقسه‌ی خراپیشی کردووه،منیش
ووتم یاخواده‌ستی خۆش بێت توخوایه‌کێک شه‌ریف بێت وژیانی به‌ئاسانی به‌ڕێوه‌بڕوات
لێره چی پێویست ده‌کات ڕۆژێک که‌هێرۆخان دێته ئێره ده‌ستی ماچ ده‌که‌ن
ڕۆژێکیش که‌مام هات ئه‌چن ماستاوساردده‌که‌نه‌وه،ئاخر هه‌رئه‌مانه‌بوون
تادوێنێ وپێش ڕوخانی ڕژێم چاچی سه‌فاره‌تی عێراق بوون ئێستا بوون به
فس فس پاڵه‌وان..
به‌هه‌رحاڵ من پێش گه‌یشتنی مام جه‌لال وله‌سه‌رداوای هاوڕێکانم له‌بزووتنه‌وه‌ی
ڕابوون له‌ڕێگه‌ی براده‌رێکه‌وه داوای بینینی مام جه‌لالم کرد،له‌سه‌ر
بناغه‌ی پێشنیاره‌که‌ی پێشوتری براده‌ره‌که‌ی ترم،دیاربوو بڵاوبوونه‌وه‌ی
بابه‌تێکم دووڕۆژپێشتر له‌سه‌ر دانانی هێرۆخان به به‌رپرسی مه‌ڵبه‌ند
وایکرد که‌نه‌توانم په‌یامه‌که‌ی براده‌رانم بگه‌یه‌نم وئه‌وبراده‌ره‌شم
ته‌کلیفه‌که‌ی به‌هه‌ده‌رچوو، منیش داوای لێ بووردن له هاوڕێکانم ئه‌که‌م..
شه‌وی پێشووتر به‌وخه‌یاڵه‌وه خه‌وتم،له‌خه‌وما چوومه‌خزمه‌ت مام جه‌لال
پێی ووتم به‌یانی ئه‌چم بۆسه‌رگۆڕی سه‌ربازی وون ئه‌بێت بێی له‌گه‌ڵما،
منیش ووتم به‌سه‌رچاوبه‌س ئه‌کرێت مه‌رجم هه‌بێت وشتێکیش بیر جه‌نابت
بخه‌مه‌وه؟ ووتی ئه‌گه‌ر زۆر زمان درێژی نه‌که‌یت بیڵێ.. ووتم مامه
ڕۆژگارێک تۆ که‌هاتوویت بۆ ئه‌م وڵاته که‌سێکی ناوداری کوردی لێ بووه(د.قاسملۆ)
ئه‌ویش وه‌ک تۆ ڕابه‌رایه‌تی شۆڕشێکی گه‌وره‌ی ده‌کردوبه‌پیلانی
داگیرکه‌رانی کوردتیرۆرکرا، ئه‌گه‌ر ڕازیبیت ئه‌چین سه‌ردانێکی مه‌زارگه‌ی
ئه‌وشه‌هیده‌پیرۆزه‌وهه‌ر له‌ته‌نیشت ئه‌ویش گۆڕی بێنازی (ئه‌حمه‌دکایاویه‌ڵمازگونه‌ی)
هه‌یه سه‌ردانێکی ئه‌وانیش ئه‌که‌ین و سه‌روتاجه‌گوڵینه‌یان له‌سه‌ر
دائه‌نێین.. ووتی کوره ناماقوڵیت کرد من هه‌ر ئه‌مه‌وێت له‌تورکیاوئێران
بچمه‌پێش ئێوه‌ش هه‌ر ئه‌مگێڕنه‌وه دواوه.
من زۆر درێژدادڕم دیسانه‌وه سه‌رم خسته‌سه‌ری بێ ئیزن خواستن که‌وتمه‌وه
قسه‌کردن ووتم باشه هه‌رهیچ نه‌بێت ئه‌وه‌نده‌م به‌قسه بکه بابۆ
مێژووبمێنێته‌وه‌وسه‌روه‌ریه‌کی یه‌کجارگه‌وره‌ده‌بێت بۆ خۆت وگه‌له‌که‌ت،ئه‌گه‌ر
وویستت شتێک له‌ده‌فته‌ری ئاڵتوونی سه‌ربازی وون دا بنووسیت تکایه به‌کوردی
بنووسه،تووگۆڕی کاکه ئارام.. مام یه‌کجارزۆر له‌وسوێنده‌م په‌ست
بووووتی ئه‌گه‌ر بتگوتبایه توگۆڕی حافڤ ئه‌سه‌د به‌قسه‌م ئه‌کردیت به‌ڵام
مادام واتکرد هاواری کرد ووتی بیکه‌نه‌ده‌ره‌وه ئه‌وسه‌گ.......
له‌پڕخه‌به‌رم بۆوه‌وله‌دڵی خۆمدا سوپاسی هاوڕێکه‌مم کرد که‌پێی ووتم
باش بوو ناومان نه‌هاتبۆوه بۆ چوونه لای سه‌رۆک ..
فه‌ره‌نسا
saman175@hotmail.com
|
