|
٢٨\١٠\٢٠١٥
"مەردان" لە
فیستیڤاڵی نێودەوڵەتیی فیلمی "میلی والری" لە ئەمەریکا نمایشکرا.
مەنسوور
جیهانی
 فیلمی
سینەمایی "مەردان" لە دەرھێنانی "بەتین قوبادی" لە بەشی "سینەمای جیھان"
لە سی و ھەشتەمین خولی فیستیڤاڵی نێودەوڵەتیی فیلمی "میلی والری" لە
ئەمەریکا نمایشکرا.
فیلمی سینەمایی "مەردان" یەکەمین بەرھەمی
بڵندیی سینەماکاری کورد "بەتین قوبادی" فیلمی ھەڵبژاردەی وڵاتی عێراق
بە ھەشتاو حەوتەمین خولی ڕێوڕەسمی خەڵاتە سینەماییەکانی ئاکادیمیای
ئۆسکار لە ساڵی ٢٠١٥، بە نوێنەرایەتیی لە ھەرێمی کوردستان لە دوو سانسی
جیاوازدا لە ڕۆژانی ١٣ و ١٥ی تشرینی یەکەمی
٢٠١٥ لە بەشی "سینەمای جیھان" لە سی و ھەشتەمین خولی فیستیڤاڵی
نێودەوڵەتیی فیلمی "میلی والری" لە شاری ڕافائیل لە ویلایەتی
کالیفوڕنیا لە وڵاتی ئەمەریکا چووە سەر پەردەی سینەماکان.
ئەم فیستیڤاڵە ساڵی ١٩٧٧ لە لایەن ئەنستیتۆی فیلمی کالیفۆڕنیا و بە
مەبەستی پشتیوانی لە فیلمسازانی سەربەخۆ و گەنج و ھەروەھا بەرھەمە
نوێیەکانی سینەمای جیھان دامەزراوە و یەکێکە لە ڕووداوە گرینگەکانی
سینەمای ئەمەریکا کە تیایدا ھەموو ساڵێک بەشێکی بەربڵاو لە فیلمە
نوێیەکانی سەرتاسەری جیھان نمایش دەکرێت.
سی و ھەشتەمین فیستیڤاڵی نێودەوڵەتیی فیلمی "میلی والری" بە نمایشی
زیاتر لە ٢٠٠ فیلم لە سینەماکارانی زیاتر لە ٥٠ وڵاتی جیھان لە چەندین
بەشی جۆراوجۆر، لەوانە: "سینەمای جیھان"، "سینەمای ئەمەریکا"، "سینەمای
دیکۆمێنتاریی"، "فیستیڤاڵی فیلمی منداڵان"، بەشی "کورتە فیلم"، بەشی "سینەمای
چالاک" و ... لە ڕۆژانی ٨ تا ١٨ی تشرینی یەکەمی
٢٠١٥ لە شاری ڕافائیل لە ویلایەتی کالیفوڕنیا لە وڵاتی ئەمەریکا
بەڕێوەچوو.
فیلمی سینەمایی "مەردان" لە دوایین بەشداریی نێودەوڵەتی خۆیدا و بە
ئامادەبوونی "بەتین قوبادی" ڕۆژی ٢٥ی ئەیلوولی
٢٠١٥ لە بەشی پێشبڕکێی دووەمین خولی فیستیڤاڵی نێودەوڵەتیی فیلمی "سیلکرۆید"
لە شاری فۆژۆ لە وڵاتی چین نمایشکرا.
ئەم فیستیڤاڵە بە بەشداریی کۆمەڵێک فیلم لە سینەماکارانی وڵاتانی
جۆراوجۆری جیھان لە دوو بەشی پێشبڕکێی و دەرەوەی پێشبڕکێی لە ڕۆژانی ٢٢
تا ٢٥ی ئەیلوولی
٢٠١٥ لە شاری فۆژۆ لە وڵاتی چین بەڕێوەچوو.
بۆ زانیاریی پتر:
http://tickets.cafilm.org/websales/pages/info.aspx?evtinfo=161656~6c2fb93e-c4b7-4a07-8efb-9cb331051591
&
ماڵپه‌ڕی مه‌نسوور جیهانی
|
