|
٢٠\١١\٢٠١٠
مژدە ..
مژدە.
کامیل ژیر
- بۆ کێ ؟
+ بۆ هەموو گەنجێکى گیرفانچۆڵ . بۆ هەموو
پیرێکى بێداهات . بۆ هەموو ژنێکى ماڵ . بۆ هەموو کەسێکى بێخانوو . بۆ
هەموو نەخۆشێکى بێدەرامەت . بۆ هەموو ئافرەتێکى تەڵاقدراو . بۆ هەموو
نانبڕاوان . بۆ دانەمەزراوانى دەرچووى کولێجەکان . بۆ هەموو ئەوانەى لە
هە ندەرانەوە ئاودیوى کوردستان ئەکرێنەوە و...
هتد.
- لەکوێ ؟
+ لە قەڵەمڕەوى حکومەتى هەریمى سلیمانى .
- تۆ لە سێبەرى چ ئەشکە وتێکدا نوستوویت
!؟ ئەوەنەما ، ئێستا هەردوو قەڵەمڕەوەکە ى سلیمانىو هەولیر
یەکیانگرتوتەوەو پێیئەوترێ حکومەتى هەریمى کوردستان . تۆش مەبە بەوانەى
ئەلێن تا ئاسایش وپیشمەرگە یەکنەگرنەوە .. جا ئەو دوو دەزگایە چیە
لەچاو ئەو هەموو وەزارەتە یەکگرتوانەدا ؟
+ بەو دوو دەزگایەش یەکگرتنەوە دروستنابێ
.
- ئەى بە چى؟
+ بە یەکگرتنەوەى دراوە حەیاتەکە ..
- ئەمەیان چ قەوانێکە ?
+ تۆ لە گوێی چ گایەکدا نوستوویت ؟ ئەى
نازانى تائێستاش 48% ى بووجە بۆ قەلەمرەوى سلیمانى و 52% بۆ قەلەمرەوى
هەولیرە ؟ ئیتر یەکگرتنەوەىچى !؟
- دەتۆ لە باسەکە لامەدە ، مژدەکەم پێبڵێ
، دڵم شەقیبرد !
+ مژدەکە شازى مژدەیە .گوێبگرە : ئیتر
ئێمەش بووین بە هاوتاى ولاتە سوشیال دیموکراتەکان و برسیتى نەما .
هەموو ئەو تاک و توێژانەى لە سەرەوە ئاماژەم بۆکردن ، ئەبنە خاوەنى
خانوو و کیسەو باخەڵى خۆیان بێئەوەى ئارەق بکەوێتە ناوچاوانیان وەک
وڵاتانى ئەسکەندنافیەو ئەوروپاو بەریتانیا و ئەوانیتر گەرچى هایلایڤیش
نەبن ، خۆ رادەى کەمى ژیانیان دابینئەبێ .
- بوچى هەر قەلەمرەوى سلیمانى !؟
+ چونکە ئەو تیمەى لەم رۆژانەدا 15 و
16/11/2010 بەشداریی کونگرەى سوشیال ئینتەرناسیونالەکەیانکرد لە پاریس
، نێردەى قەلەمرەوى سلیمانىبوون و هەر ئەوانیش ئەندامن تیایدا .
- پف لەم مژدەئێکسپایەرە ، کاکە ئەوانە
دەمێکە ئەندام و جێگرسەرۆکن لەو ریکخراوەدا . تۆ لەژیر چ لێفەیەکدا
پرخەى خەوتدێ !؟
+ نابێ وابێ ، ئەگەر وایە ئەى بۆچى ئەو
سیستمى سوشیالستیە پەیڕەوناکەن . کە پەیرەویناکەن ، ئەم سۆشیالبۆیەیە
بۆ لەخۆیانئەدەن !؟
- ئەبێ وابێ . ئەى ئەوەنیە بوە و هەموو
ئەو تاک و توێژانەش لە سەهۆلەکە سەماو تەقەى خۆشى ئەکەن ؟ ئیتر تکایە
تۆ ئەوەندە خەونى شاعیرانە مەبینەو گەمەکە مەکە بەڕاست . ئەوەى تۆ
لەخۆتەوە جاڕیبۆئەدەیت و مژدە مژدەت لێگرتۆتەوە ، لە محاڵ محاڵترە .
ئەوانە بۆچى ئەو 48% ەى خۆیان کە بەئارەقى ناوچاوان پەیداىئەکەن ،
ببەخشنەوە بەسەر ئەو تاک و توێژانەدا ؟ خۆ گوێزەبانە نیە . گەنجى
گیرفان چۆڵ بۆنایەت ئەویش وەک ئێَمە ببێ بە تێکۆشەرو گیرفانى پڕکات ؟
پیرى بێداهات خانەى بەساڵاچوان ئەیژیێنێ . ژنى ماڵ مێردەکەى بەخێوى
ئەکات ئەگەرچى نان و شەقیشبێ . ئەوى خاوەنى خانوو نیە بابچێ خانوویەک
بەکرێ بگرێ . بۆ نەخۆشى بێدەرامەت خەستەخانەى میرى هەیە . با ئافرەت
عال و سالبێو خۆى بە تەلاقدان نەدات . نانبڕاوەکان نانى کونە ماسیان
ئەخواردو پاسى جرتاوایان ئەکرد ، دەبابخۆن دەى . دەرچووى کولیجەکان
بابچن کارى ئازاد بکەن . ئەوانەى هەندەران چۆن دڵیانهات کوردستانى
بەهەشتى زەمین بەجێبهێڵن !!دەبابڕۆن بۆ دۆزەخ .
ماڵپه‌ڕی کامیل ژیر
|
