١٣\٩\٢٠١٠

میلەتێک مێژووی خۆی نەناسێ،

دیارە دۆست و دوژمنی خۆشی ناناسێ!

عوسمان- مەلا  

مانگی رەمەزانی ئەمساڵیش، مانگی سەرکەوتنی عەربی داگیرکەری ئیسلام کە وەک هەمیشە بە سەرکەوتنی خورافات و جەهالەت و ژێر کەوتنی کورد چوەتە پێش، کۆتایی پێهات. سەرەرای ئەوەیکە هەمو موسوڵمانانی جیهان دەڵێن کە خودا ١ خوداێە، بەڵام لەراستیەوە دورە و بە کردەوە خودای ئیسلامیش وەک خوداکانی دیکە ١ خودا نیە و چەندین خوداێە. خودادی شیعە، خودای سوننە، خودای شافێعی و حەنەفی، خودای مالکی و حەنبەلی، خودای سۆفی و دەروێش و .... موسوڵمانان کە لە سەر (کامە رۆژ جەژنە) کێشەێان هەێە و رێک ناکەون. ئەمە سەلمێنەری فرە خوداییە. (کوردی موسوڵمانیش) بە شانازیەوە کە لەم پێشبرکیەی جەهالەتدا تەنانەت لە پێشەوەی عەرەبی جاهێلی ئیسلامیی ١٤٠٠ لەوەپێش بو و هەێە، لە بری ١ رۆژ، ٥ رۆژ ئەم سەرکەوتنەی ئیسلامی تالانچی و خوێنرێژی بەسەر خۆی و هەست و شعور و خاک و وڵاتیدا پیرۆز کرد. لەمەش سەیرتر ئەوەێە کە کورد سەرەرای ئەو هەمو ئازار و دەربەدەری و مالوێرانیەی کە بەدەستی ئیسلام و حکومەتە ئیسلامیەکان کە بەسەریدا هاتوە، لە خودی عەرەبەکانی سعودیەش رازاوەتر و شێلگیرتر و حەماسیتر ئەم رۆژە مێژویانەی سەرکەوتنی عەربی داگیرکەری ئیسلامی پیرۆز دەکا. خۆ ئەگەر ئیسلام لە ماوەی مێژوی هاتنی بۆ کوردستان و ئێستاشی لەگەل بێت تەنیا ١ خاڵی لەبار و باشی تێدا بواێە بۆ رێرەوی ژیان، تەنیا جارێک لەو هەمو کارەساتە تاڵ و خوێناویانەدا کە بەسەر کوردا هاتوە یارمەتی ئەم کوردەی دابا، دەمانوت قەی ناکا لەبەر ئەم خالە باشە، یان لەبەر ئەم یارمەتیە کە بە کوردی گەیاندوە با یەکیک لە بۆنە و جەژنەکانی پیرۆز بکەین.

لەمانش سەیر و سەمەرتر و شەرمەزار و خەجاڵەتبارتر ئەم راستەێە کە، کورد بە درێژایی مێژوی ئیسلام لە یارمەتیدان ولە ئەمری سەقامگیر بونی ئیسلامیە عەرەبە تەجاوەزکارەکاندا نەک هەر دەستی باڵای هەبوە و خۆ فرۆشانێکی وەک سەلاحدینەکان و مەلای خەتێەکان ملی سەدان هەزار خەلکیتر و کوردیشیان پەراند، سەر و ماڵی خۆی فیدای ئیسلام کرد، بەڵام هەتا پارەش نەدا، رێگای پێنادەن بچن بۆ سەلماندی نۆکەراێتی خۆێان و زیارەتی قبری موحەمەدی پێغەمبەریان. بون بە حاجی، یانی بە سەرماێەی خوتەوە نۆکەری کردنی دۆژمنانی خۆت. پێغەمبەری ئیسلام سەرکردە و رێبەری دەستدرێژیکەرانی عەرەب بو بۆ سەر ژن و منداڵ و خاک و وڵاتی تۆ جەنابی حاجی.

کورد بەردەوام بە هوی ستەم و زوڵمی دەوڵەتە ئیسلامیەکانەوە لە ناوچەی رۆژهەڵاتی ناوەراست بە دەێانجار شار و گوند و ماڵ و منداڵی سوتێنرا و خاپور کرا. میلەتان و وڵاتانی نا موسوڵمان هەم یارمەتی کوردیان داوە و هەم زۆر جاران دیفاعیشیان لێ کردوە، بەڵام تەنانەت بۆ یەکجاریش نەمانبیستوە و نەبینراوە کە عەرەبستانی سعودی و وڵاتان و دەوڵەتانی دیکەی ئیسلامی بکوژەکانیشی مەحکوم بکەن. بە ددرێژایی مێژو و بەتایبەتی لەم چەند سەدەی دواییدا کە ئیسلام لە رۆژهەلاتی ناوەراست دەسەڵاتی هەبوە، کورد لە سەر ماڵ و حاڵی خۆی دەریان کرد و پەریوەی هەندەران بو، بەڵام عەرەبستانی سعودی کە کورد هەمو رۆژێک ١٧ جار سوجدەی بۆ دەبا، ١ کوردیشی رێگا نەدا وەک پەنابەر بچێتە ئەو وڵاتە و گیان و ژیانی پارێزراو بێت.

هەر ئێستا بە سەدان هەزار و بگرە بە میلیون کورد پەریوەی ولاتانی جیهانن، وە لە پەنای کافرەکاندا ژیان و ماڵ و منداڵ و ئەمنیەتیان پارێزراوە! کە چی، جنێو و سوکاێەتی بە یارمەتیدەرانیان و بە تایبەتی وڵاتانی ئوروپایی دەکەن. پێان دەڵێن کافر و گڵاو. موسوڵمانی کورد کە هەر خەریکی پیرۆز کردنی ئیسلامی داگیرکەری عەرەبن، بەڵام ئا بەم حاڵەشەوە عەرەبستانی سعودی و وڵاتانی ئیسلامی هیچ حیسابێکیان بۆ ناکان و ئامادە نین پەناشیان بدەن. هەر ئێستا ژمارەێەکەی زۆر لە کوردی هەڵهاتوی دەستی دەوڵەتان و گوروپە ئیسلامیەکان لە کەمپەکانی ئوروپا و ئوسترالیا و ئەمریکا و وڵاتانیتردان کە مەترسیی ناردنەوەێان لەسەرە، وڵاتەکەی پێغەمبەر و خودی پێغیمبەر و خوداکەشیان نەک بە هاناێانەوە نەهاتون، تەنانەت پشگگری لە ناردنەوەشیان دەکەن. خودا و پێغەمبەر و دەوڵەتانی ئیسلامی تەنانەت یەکجاریش پشتگرییان لێ کورد مافی کورد نەکردوە. لەبەرانبەردا ئەم گەمژانە بەم حاڵەشەوە و لەو کەمپانەشدا هەر دەڵێن: بژی ئیسلام و پیرۆز بێ جەژنی رەمەزان و قوربان و پێغەمبەری نازیزمان.

گرفتی کورد ئەوەێە کە مێژوی خۆی ناخوێنێتەوە، لە کولتوری زالی ئیسلام کە وەک مۆتەکەێەکی ١٤٠٠ ساڵە برستی لێ بریوە، بێ عەقڵی کردوە، بە کۆشتنی ژن و کچ و خۆشکی خۆی کە لە ئاێەتەکانی اللەدا هاتوە، خۆی لای جیهانی ئینسانی و پێشکەوتو ناشیرین و دزێوی کردوە. کوردی موسوڵمان ئامادە نیە لەم کولتورە بکۆڵێتەوە و بیناسێ. کوردی موسوڵمان بەس فێر کراوە تا دەمرێ بیر نەکاتەوە و بەردەوام پەیرەوی کوێرانە و بەرێوەبەر بێت. هەر لە منداڵیەوە مێشکی ساکار و سادەی بە خورافاتی دینی ئیسلام پر دەکەنەوە. بە زۆر و بە بەڵێنیدانی بەهەشت فێری نوێژ و رۆژ و کوشت و بری دەکەن. فێری پیرۆز کردنی ئەو رۆژانەی دەکەن کە عرەبی داگیرکەری ئیسلامی سەرکەوتن و کورد و کوردستانیان داگیر کرد. کورد نە ئیسلامی ناسیوە نە دوست و دۆژمن. کورد بە پێی بەرژەوەندی مەلاکان و سەرانی هەلپەرەست، هەمیشە دۆستەکانی خۆی کوشتوە و دۆژمنەکانی پەرەستوە. بە پێی سەدان بەڵگەی حاشا هەڵنەگر دەتوانین لەم راستیە تێبگەین کە کورد بە زەبری شمشێر و بە خەێانەتی سەرانی هەلپەرەست کە زۆربەێان لە شێخ و مەلا و ئاغاکان، وە ئێستا لە سەرماێەدارانی کورد پێک هاتون، کرا بە ئیسلام! ئەم کوردە ئیستاش نە ئیسلامیە و نە وویستویەتی و نە دەتوانێ بەرێوەی بەرێ. کورد پاش ١٤٠٠ ساڵ هێشتا لە ورێنەکان و جەهالەتی ئیسلامیش تێنەگەیشتوە. بونی سەدان قەبری عەرەبی کوژراو لە کوردستان کە ناویان ئەسحابە و شەخس و ئیمامە، ئەم راستیەمان بۆ دەسەلمێنێت کە بە دەستی کوردی بەرهەلەستکار کۆژراون.

خودی کارکردی ئیسلام و یاسا و رێساکانی قورئان بۆ ئەحمەق کردنی ئینسانە، بۆ لە خۆ بێخۆ کردنی ئینسانەکانە و بۆ ئەو مەبەستە هێنراوەتە کاێەوە کە رێگا لە وەگەر کەوتنی عەقڵ و مەنتق و مەعریفە و شعوری ئینسانەکان بگرێ. ئیسلام و الله و قورئان ئامرازی خەرەفاندن و بە کویلە کردنی ئینسانن بۆ چەوساندنەوەێان، وە بۆ حکومەت کردن بەسریاندان.

شەریعەتی ئیسلام، کە هەمان ئاێەتەکانی قورئان و حەدیسەکانی موحەمەد و وتەی رێبەرانی ئایینیی و ئیمامانی ئیسلامین، لە چوار چێوەی ئەو حوکمانەدا پێناسە دەکرێ کە، بۆ بەرێوە بردنی ئەمرەکانی اللەی دەستکرد، حکومەتی الله پێک دێنن و دەیسەپێنن. خەلیفەکان و سەرانی دیکەی دینی ئیسلام میراتگر و راسپاردەن بۆ بەرێوە چونی ئەمرەکانی اللەی دەست کرد. ئەمر و فەرمانەکانی الله ش هەمان ئاێەتەکانی قورئان. قورئانیش لە ئاسمانەوە نەهاتوە، بەلکە قسەکانی خودی موحەمەد و دارودەستەکەێەتی. بەرێوەچونی ئەم حوکم و ئاێەت و ئەمرانەش دیارە بە بێ رێکخراوەێەکی حوکمرانی و دامەزراوەێەکی بەرینی پەروەردە و فێر کردن، بە بێ سەرکوتی نەێاران و باوەردارانیتر و بێدینەکان، بە بێ مەلای درۆزن و خۆ فرۆش، بە بێ مزگەوت و تەکیە و خانەقا، وە لە هەمویان گرنگتر بە بێ دواکەوتویی کولتوری و فکریی خەڵک، کە ناوی دەنێنە ئیمان بە ئیسلام، نە جێ دەکەوێ و نە سەقامیش دەگرێ.

بە داخەوە کەسانی بەناو روناکبیر و ئازادیخوازی کورد کە هێشتا نەێانتوانیوە لە تاریکخانەی ئیمان و لە زرق و برقی دێموکراسیی شەرمێوندا درباز بن، باسی ئازادی بیرو باور دەکەن. دەێانەوێ لە گەڵ مەلای ریاکار و ساختەچی، وە لە نێوان موسوڵمانانی بێ ئیرادە و فریوخواردودا بە ئازادی و دێموکراسی و حاکمیەتی خەڵک بگەن. ئەم بەناو روناکبیرانە هێشتا لە فەرمانەکانی اللە کە بۆ کوشتاری ئینسانی غەیری موسولمان دەرکراوە، تێنەگەیشتون. ئەم روناکبیرانە هێشتا عەقڵ و فکریان توانای ئەوەی نیە کە جیاوازی لە نێوان ئازادی و عەبدی الله ببینن. هێشتا ناتوانن تێبگەن کە دێموکراسی، یانی دەسەڵاتی خەلک و حاکمیەتی الله پێکەوە ناتەبان و جیاوازن.

لە هەر شوێنێک و لە هەر وڵاتێکدا کە دینی رەسمی ئیسلام بێت و یاساکانی ئیسلامی بن، ئیتر لەو وڵات و شوێنەدا الله حوکم دەکا نەک خەڵک. ئاێەتەکانی فرە ژنە و بەردەباران، قەساس و شەلاق لێدان، خەتەنە و جیهاد، دست و لاق برینی کەسانێک کە ناچارن بۆ بژیوی ژیانی منداڵەکانیان دزی بکەن، حاکمیەتی اللەێە. لەم یاساێانەدا خەڵک هیچ دەور و ئازدیەکی نییە. لە وڵاتانی دینیدا تەنانەت ئەوە شەریعەتە کە یاسا دانەرە نەک مەلا و پارلەمانتار. خەڵکێک کە بە هەر هۆێەک دەخرێتە زیندان، ئەو خەڵکە گرفتاری ئیمانی خۆێانن نەک زیندان. لە ولاتی دین و ئیسلام لێدراودا ئینسان و ئازادی هیچ ماناێەکیان نیە. بۆ گەیشتن بە ئازادی تەنیا داخستنی ئەو ناوەندانەن کە دین بەرهەم دێننەوە. بۆ گەیشتن بە مافی مرۆڤ و عەدالەتی کۆەمڵاێەتی، داخستنی دوکانی مەلای دین فرۆش و دەوڵەتانی دینین! کورد رۆژە مێژوییەکانی خۆی بە کوفر و شەرمەزاری دەزانێ، بەڵام رۆژانی سەرکەوتنی ئیسلامی وەحشی و داگیرکەر پیرۆز دەکا. کورد نەک هەر باسی تێکوشرانی رێگای رزگاری و ئازادی خۆی ناکا، بەلکە سوکاێەتیشیان پێ دەکا و لە بەرانبەردا سالیادی رێبەران و کەسانی ناوداری درنەدە و دستدرێژی کەری ئیسلامی تاڵانچی بۆ سەر شەرف و ناموسی خۆی و وڵاتەکەی و میلەتەکەی پیرۆز دەکا و رێزی لێ دەگرێ. ئەمەێە تراژیدیا و ئاکامی خۆ نەناسی و دوست و دوژمن نەناسیی کورد.
 

١١\٩\٢٠١٠
rashkaw@hotmail.com