کێشە و ململانێی دامەزراندنی پارێزگاری سلێمانی لە ماوەی پتر لە ٤ مانگ بێجگە لەوەی گاڵتەپێکردنێکی بێ ئابڕووانەیە وە دەنگی دەنگدەران و دیموکراسییە درۆیینەکەی حیزبەکانی کوردستان.. بەڵگەیەکی زۆر رۆشنیشە لەسەر ئەوەی کە ئەو حیزبانە نەک هەر دژ وە ماف و ئازادییەکانی خەڵکی کوردستان و ئامانجی سەربەخۆیی کوردستانن بەڵکە رێگرێکی زۆر گەورەشن لەبەردەمیاندا، ئەگەر ئەو حیزبانە یەک قیچ وە دوای ئامانجەکانی میللەتەوە بان و بەرژەوەندییە تەسکە حیزبییەکانی خۆیان و سەرۆکە گەندەڵەکانیان لە سەرووی هەموو شتێکەوە دانەنابا و مافیاییانە هەڵسوکەوتیان لەگەڵ کێشەکان نەکردبا ئەوە هەرگیز وڵاتە زلهێزەکان و وڵاتانی ناوچەکە وە تایبەتییش وڵاتە داگیرکەرەکانی کوردستان نەیاندەتوانی وە ئارەزووی خۆیان گاڵتە وە ژیان و چارەنووسی خەڵکی کوردستانەوە بکەن و لەمێژبوو مافی سەربەخۆیی کوردستان وەدەست دەهات.