په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٨\١١\٢٠١٩

    من و تۆ دوو خەیاڵی تەواونەکراوین


دڵی رۆژهەڵات

تۆ
جوانترین ماچی به‌ سه‌ر لێوه‌مه‌وه‌
درێژتیرین قه‌سیده‌ی به‌ سه‌ر زمانمه‌وه‌
جوانترین نیگای له‌ نێو دیه‌مه‌وه‌
ئه‌ی میلی کاتژمێری ته‌مه‌نم
تۆ ئه‌و خۆره‌ی که‌ ئاوا نابی
له‌ نێو خه‌یاڵـما جوانترین کۆشکی
که‌ لێته‌وه‌ ده‌ڕوانم بۆ شه‌پۆله‌کانی ده‌ریا و
من ئاوێزانی ئه‌و گریانه‌ ده‌که‌ی
که‌ له‌ ماچێك که‌وتنه‌ خواره‌وه‌
دوو گوڵ له‌ نێو یه‌ك گوڵداندا
دیلی دوو خه‌یاڵن
که‌ ئازادییش ناتوانێ دیلیان بکا
دوو باڵین له‌ سه‌ر فڕێنی پشتی نه‌وڕه‌سێکا
دوو دێڕین له‌ قه‌سیده‌یه‌کی نه‌نووسراو
من خه‌ون به‌و رۆژانه‌وه‌ ده‌بینم
که‌ له‌ ماڵی تۆ سه‌رخه‌وێ بشکێنم
تۆ خه‌ون به‌و رۆژانه‌وه‌ ده‌بینی
که‌ له‌ ژیر ساباتێكا
یه‌کتری بنووسینه‌وه‌
تۆ خه‌یاڵ ده‌که‌ی له‌ سه‌ر زمانت دیل بم
من خه‌یاڵ ده‌که‌م
له‌ نێوچاوتا ماڵێك به‌ زمانی عیشق
بینا بکه‌ین.
من و تۆ
دوو خه‌یاڵی ته‌واونه‌کراوین.

 

٢١\١١\٢٠١٩ - سـلێمانـی
dlirojhelat@gmail.com

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک