|
متمانه‌نه‌بوون
به سه‌ندیكاى روَژنامه‌نووسان!!
ئیبراهیم بالیسانى
به‌داخه‌وه ،ریَكخراوى سه‌ندیكاى روَژنامه‌نوسانى كوردستان جاران
وئیَستا له هه‌موو ریَكخراوه پیشه‌یى ومه‌ده‌نیه‌كان زوَرتر رووبه‌رووى
گله‌یى وگازانده بوَته‌وه! ئه‌وه‌ش وه‌نه‌بىَ ئاراسته‌یى ره‌خنه‌كان
ته‌نیا له ده‌ره‌وه‌ى ئه‌و ریَكخراوه‌دا هه‌بىَ وسه‌ری هه‌ڵدابىَ ،به‌ڵكو
له ناو خودى سه‌ندیكاش(واتا له‌لایه‌ن روَژنامه‌وانه‌كانیش كه ئه‌ندامن
له‌و ریَكخراوه‌دا) ئه‌و ره‌خنانه هه‌بون وهه‌ن وقسه‌یى زوَریش له‌سه‌ر
ریَكخراوه‌كه‌یان ده‌كه‌ن وگله‌ییان له ئه‌دایى ریَكخراوه‌كه‌یان هه‌یه
به‌تایبه‌ت له‌سه‌روو به‌ندى یه‌كگرتنه‌وه‌ى هه‌ردوو ریَكخراوه‌كه
تاكو ده‌گاته ئه‌مرِوَ.چونكه شیَوازى وه‌رگرتنى ئه‌ندام له‌و
ریَكخراوه‌دا شیَوازیَكى هه‌ره‌مه‌كى هه‌بووه وره‌چاوى ئه‌و پیَوه‌رانه
نه‌كراوه كه په‌یوه‌ستن به كارى روَژنامه‌گه‌رییه‌وه!!هه‌رچه‌نده
جاروبار ستافى بالاَى سه‌ندیكا هاورِایه له‌گه‌ڵ ئه‌و ره‌خنانه‌وده‌ڵیَن:
له‌ده‌رفه‌تیَكدا به ئه‌ندامیه‌تى ئه‌ندامه‌كاندا ده‌چینه‌وه‌وگوڵ
بژیَریَك له‌سه‌رتاپایى سه‌ندیكاكه‌دا ده‌كه‌ین .به‌لاَم له‌راستیدا نه‌ك
هه‌ر ئه‌وه نه‌كراوه به‌ڵكو ئه‌وان واتا سه‌ندیكا هیَشتا به‌رده‌وامه
له وه‌رگرتنى شوَفیَروچایه‌چى وبه‌رده‌ست وبوَریچى وئه‌وكاره‌باچییانه‌ى
كه‌له نیَو ده‌زگاكانى راگه‌یاندنى حزب كارده‌كه‌ن وه‌ك ئه‌ندام له
ریَكخراوه‌كه‌دا وه‌ریان ده‌گرىَ ودوایش له‌كاتى پیَویست وله‌كاتى مه‌به‌ست
شه‌ره‌فى ئه‌ندامیه‌تییان پیَده‌دا!!!
زانراوه كه به‌شى هه‌ره زوَرى ئه‌ندامانى نیَو ریَكخراوه‌كه به
ستافى بالاَشه‌وه ده‌رچووى په‌یمانگاو كوَلیژیَكى تایبه‌ت به پیَگه‌یاندنى
روَژنامه‌وانینین وبه شیَوازیَكى زانستى وئه‌كادیمى نه‌بوونه‌ته
روَژنامه‌نوس . له‌به‌رامبه‌ردا ریَژه ى هه‌ره زوَرى ئه‌ندامه‌كانى
نیَو سه‌ندیكاكه به هوَى مماره‌سه‌ى كارى روَژنامه‌گه‌رى توانیویانه
نازناووپیشه‌یى روَژنامه‌وانییان به بالاَدا ببرِدرىَ .هوَكارى ئه‌وه‌ش
ده‌گه‌ریَته‌وه بوَ دواى راپه‌رین ،له دواى راپه‌رین پارته سیاسییه‌كان
هه‌نگاویان نا بوَ دروستكردن وكردنه‌وه‌ى چه‌ندین ناوه‌ندوكه‌ناڵى راگه‌یاندن
له بوارى (نوسین ،بیستن،بینیین) ئه‌و كه‌نالاَنه‌ش له‌و روَژه‌دا
پیَویستییان به ژماره‌یه‌كى باشى كادیر هه‌بوو تا ئه‌و ده‌ستگایانه‌یان
ببردبا به‌ریَوه . جاله‌و كاته‌وه تا هه‌نوكه ئه‌و ده‌ستگایانه
زیاتر بوونه‌ته ناوه‌ندیَكى ئه‌كادیمى بوَ پیَگه‌یاندنى روَژنامه‌وان
نه‌ك په‌یمانگاو كوَلیژه‌كان ، كه‌واته له‌وه‌دا ده‌گه‌ین به‌و
راستییه كه ریَژه‌ى هه‌ره زوَرى ئه‌ندامانى سه‌ندیكاى روَژنامه‌نوسانى
كوردستان په‌روه‌رده‌ى ئه‌و كه‌نالاَنه‌ن نه‌ك ده‌رچووى ناوه‌ندیَكى
زانستى وه‌ك په‌یمانگاى راگه‌یاندن یا كوَلیژى راگه‌یاندن. ره‌نگه له‌سالاَنى
داهاتو روَژنامه‌نوسى ئه‌كادیمى ریَژه‌یان زوَربىَ به‌تایبه‌ت دواى
كردنه‌وه‌ى چه‌ند په‌یمانگایه‌ك وكوَلیژى راگه‌یاندن . له‌به‌ر ئه‌وه
دروسته ئه‌گه‌ر بلیَین : هه‌ر خودى حزبه‌كانن دروستكه‌رى ئه‌و
ریَكخراوه‌ن و هه‌روا ئه‌ندامه‌كانیشیانن ده‌سه‌لاَتدارن وهه‌ڵسورِیَنه‌رى
سه‌ره‌كین له ریَكخراوه حزبیه‌كه‌دا. كه‌واته ئه‌و سه‌ندیكایه پیَش
ئه‌وه‌ى ریَكخراویَكى پیشه‌یبىَ ریَكخراویَكى حزبییه !! بوَ سه‌ڵماندنى
ئه‌و بوَچونه‌شمان ئه‌وه‌نییه له‌سه‌ر ئه‌و بنه‌مایه تیَكرِاى ستافى
بالاَوسه‌رجه‌م لیَپرسراوى لقه‌كان له‌نیَوان حزبه‌كاندا به‌پیَى حه‌جمم
وریَژه‌ى ئه‌ندامه‌كانییان ئه‌و پوَستانه‌یان پیَدراوه‌و دابه‌شكراوه
به‌سه‌ر نویَنه‌رى حزبه‌كان !!!
سه‌ندیكاى روَژنامه‌نوسانى كوردستان هه‌روه‌ك پیَناسمان بوَى كرد، سه‌ندیكایه‌كى
حزبییه‌وحزب دروستكه‌روهه‌ڵسورِیَنه‌ریه‌تى وزوَربه‌ى ئه‌ندامه‌كانییشیان
حزبین وله ده‌ستگا كانى راگه‌یاندنى حزبه‌كانه‌وه پشتگیرى ده‌كریَن
تا ببن به‌ئه‌ندام له‌و ریَكخراوه‌دا ، ریَكخراویَكیش كه حزبیبىَ وحزب
هه‌ڵسورِیَنه‌ریبىَ پیَویسته بوَ هه‌موو برِیاروبه‌رنامه‌یه‌ك بگه‌ریَته‌وه
بوَ مه‌ركه‌زى ده‌سه‌لاَت كه ئه‌ویش حزبه‌كه‌یه !بوَیه وه‌ك زانراوه‌وئه‌وه‌ى
من ئاگاداربم ئه‌و ریَكخراوه تا ئیَستا جگه له یه‌ك ئه‌ندام نه‌یتوانیوه
شه‌رِه‌فى ئه‌ندامیه‌تى له هیچ ئه‌ندامیَكى نیَو ریَكخراوه‌كه وه‌ربگریََته‌وه!خوَله‌ماوه‌ى
ئه‌و هه‌موو ساڵه یه‌دا واتا له دواى راپه‌رینه‌وه تا ئه‌مرِوَ ده‌یان
وسه‌دان روَژنامه‌وان كه ئه‌ندامن له‌و سه‌ندیكایه‌دا نه‌یانتوانیوه
پابه‌ندى بنه‌ماكانى ئیَتیكى روَژنامه‌وانیبن و زوَرجار به نه‌زانى یا
به فیتى ئه‌موئه‌و یا ئه‌ولایه‌ن وئه‌م لایه‌ن له ریَچكه‌ى كاروبوارى
روَژنامه‌وانى لایانداوه‌وره‌چاوى یاساو پیَوه‌رى ئه‌خلاقیاتى بواره‌كه‌یان
نه‌كردوه‌و لاده‌ربونه له‌و ریَچكه‌یه‌دا كه پیَویسته هه‌میشه له‌بارچاوبگیرىَ
له كارى روَژنامه‌گه‌رییه‌وه . سه‌ره‌رایى هه‌موو ئه‌و لادان وده‌رچوون
له بنه‌ماكانى كارى روَژنامه‌گه‌رییه‌وه كه‌چى سه‌ندیكا له‌ئاست ئه‌و
لادانه پیشه‌یى وئه‌خلاقییه بیَده‌نگى نواندوه‌و چاویى داخستوه‌وگویَشى
هه‌ستى بیستنى نه‌ماوه !!ئه‌گه‌ر ئیَمه به‌دواى ئه‌و بیَده‌نگى ونابه‌رپرسیارییه‌تییه‌ى
سه‌ندیكادا بگه‌ریَین وبزانیین بوَ هه‌ڵویَستى نیه ده‌بىَ وه‌لاَمى سه‌ندیكا
چیبىَ؟! له‌ساناترین وه‌لاَمدا ره‌نگه بلیَت وانیه . ئه‌وه‌ش دیدى ئه‌وانه
،چونكه تیَرِوانین ودیدى روَژنامه‌نوسان پیَچه‌وانه‌یه‌و ئه‌وان
بوَچونى ترییان هه‌یه .به‌راستى نه‌نگییه كاتیَك ئه‌و بیَسه‌روبه‌رییه
زوَره هه‌بىَ و بوارى روَژنامه‌گه‌رى حاڵى به‌و چه‌شن وجوَره‌بىَ كه‌چى
سه‌ندیكا بیَده‌نگ ودووره په‌ریَزه له‌ئاست ئه‌و فه‌وزایه‌یى كه ئه‌مرِوَ
بوارى روَژنامه‌گه‌رى گرتوَته‌وه .ئه‌وه‌ش نه‌ك هه‌ر بوَ ئیَمه‌مان وه‌ك
روَژنامه‌نوس مایه‌یى خه‌وش ونیگه‌رانییه ،به‌ڵكو كاریگه‌رى له‌سه‌ر
تیَكرِایى تاكه‌كانى نیَو كوَمه‌ڵگه دروست كردوه‌وهه‌یه.له‌به‌ر ئه‌وه‌ى
هه‌موو لایه‌ك له‌وه گه‌یشتون كه نوسین وقسه‌كردن ووتن له كه‌ناڵه‌كانى
راگه‌یاندن پیَویسته زوَر جیاوازى هه‌بىَ له‌گه‌ڵ ئاخاوتنى نیَو
كوَلان وبازار.كه‌به‌داخه‌وه ئیَستا زمانى نوسین وده‌ربرین له ناو
هوَیه‌كانى راگه‌یاندن بوَته شیَوه زمانیَك كه مروَڤ شه‌رمه‌كات
بیخویَنیَته‌وه‌ویا گویَى بوَ بگرىَ یا ته‌ماشایى بكات !!
بوَ زاڵبون به‌سه‌ر ئه‌و بیَسه‌روبه‌رییه‌ش پیَویسته سه‌ندیكاى
روَژنامه‌نوسانى كوردستان چاودیَریكى وردى گوَڤاروبلاوكراوه‌كان بكات
وچیتر ده‌رفه‌ت به بلاوكردنه‌وه‌ى ئه‌و جوَره بابه‌تانه نه‌دات كه
خه‌ریكه سومعه‌یى كارى روَژنامه‌وانى پیَله‌كه‌دارده‌بىَ .پیَویسته
سه‌ندیكا نه‌ك هه‌ر پله‌یى ئه‌ندامیه‌تى له‌و روَژنامه‌نوسانه وه‌ربگریَته‌وه
، به‌ڵكو پیَویسته خوَى شكایه‌ت كاربىَ له دادگاوه له سه‌ر ئه‌و
روَژنامه‌نوسانه‌ى كه زمانى زبروناشیرین وبازارى له هوَیه‌كانى راگه‌یاندن
بلاوده‌كه‌نه‌وه.له‌هه‌مان كاتدا پیَویسته سه‌ندیكا موَله‌تى
ریَگاپیَدان له‌و گوَڤاروبلاوكراوانه وه‌ربگریَته‌وه كه پیَشتر
پیَیداون.
ئه‌گه‌ر سه‌ندیكا له داهاتودا توانى ئه‌و هه‌نگاوانه بگریَته‌به‌ر ،ئه‌وا
خوَى ده‌ربازده‌كا له‌وره‌خنانه‌ى كه ئاراسته‌ى ده‌كریَن ،ئه‌گه‌ر نه‌شی
توانى ئه‌و هه‌نگاوه بگریَته‌به‌ر ئه‌وا روَژبه‌روَژ روَژنامه‌نوسان
متمانه‌یان به‌و ریَكخراوه نامیَنىَ و بیَهیواترده‌بن له‌و ریَكخراوه‌ى
كه ناوى سه‌ندیكاى روَژنامه‌نوسانى كوردستانى هه‌ڵگرتوه.
Info_balisani@yahoo.com
|
