-1-

‌

هه‌ر کاتێ دێی

ده‌رگای دڵم له‌سه‌ر پشته‌و

چاوه‌کانم

دوو په‌یکه‌ره‌ پاسه‌وانی

سه‌ر مه‌زاری روحێکی وون

هه‌ر کاتێ دێی

باکی دره‌نگ و زووت نه‌بێ

پرسی مۆڵه‌تم لێ مه‌که‌و

بروسکه‌شم بۆ مه‌نێره‌ به‌رله‌هاتن

ئاخر گوڵم

له‌نێو ‌دورگه سیحراویه‌که‌ی

موحیبه‌تا .. نه‌وره‌سه‌کان

کوا ده‌سته‌مۆی شوێن و کاتن

-2-

ئه‌ی خۆرهه‌تاو

گوڵه‌ نازنازه‌که‌ی دڵم

به‌بینینت گه‌شکه‌ ئه‌بێ و

ئه‌کرێته‌وه‌

ئه‌و ده‌مه‌ی تۆش

له‌به‌ر چاوم ئاوا ئه‌بی

وه‌کو مناڵێکی گڕۆز

ئه‌تۆرێت و خۆی دائه‌خاو

به‌سه‌ر خۆیدا ئه‌شکێته‌وه‌

 مارسی 2008