مۆزه‌خانه‌ی رستن و چنینی

 کورده‌واری له‌ هه‌ولێر.

فه‌هد گرده‌وانی 

له‌ هه‌ولێری خۆشه‌ویستم...سه‌ردانی مۆزه‌خانه‌ی جلوبه‌رگ و رستن و چنینی کورده‌واری  له‌ قه‌ڵای و سه‌رپه‌رشتکاری مۆزه‌خانه‌ هاوڕێم [لۆلان مسته‌فا]م کرد . ئه‌وه‌ی جێگای که‌یف خۆشیه‌ ئه‌و مۆزه‌خانه‌یه‌ له‌سه‌ر پیره‌ قه‌ڵاتی خۆشه‌ویسته و شوێنێکی به‌ نرخه‌‌ . ئه‌و خانووه‌ی کراوه‌ به‌ مۆزه‌خانه‌ ،جارانی زوو ، ماڵی [هاشم ده‌باغ] بووه‌. خانووه‌کی گه‌وره‌ و رێکوپێک بووه‌ و له‌سه‌ر شێوه‌ی ئه‌ندازیاری پێشکه‌وتوو دروست کراوه‌ . لۆلان له‌ هه‌ڵبژاردنی شوێنه‌که‌ نه‌خشی هێناوه‌ و کارێکی پیرۆزی ئه‌نجام داوه‌ . به‌ڵام ئه‌وه‌ی جێگای دڵگرانی و نیگه‌رانی یه‌ ،زۆربه‌ی زۆری خه‌ڵکی هه‌رێمی کوردستان به‌ گشتی  و دانیشتوانی هه‌ولێر به‌تایبه‌تی ، ئه‌و شوێنه‌ جوانه‌ی نه‌دیووه‌ و نازانێ له‌کوێ یه‌ . گه‌لۆ ناکرێت مامۆستایانی قوتابخانه‌کان هه‌ر ڕۆژه‌ی یا هه‌ر هه‌فته‌ی پۆلێکی قوتابیان ببه‌نه‌ ئه‌و شوێنه‌ و قوتابیان فێر بکه‌ن که‌ مۆزه‌خانه‌ی که‌لوپه‌لی کورده‌واری و کۆن له‌ شاری قه‌ڵاومناره‌ دا هه‌یه‌ . خه‌ڵکی له‌ ئێستاوه‌ فێر بکرێن که‌ مۆزه‌خانه‌یان خۆش بووێت و زیاره‌تی ئه‌و شوێنانه‌ بکه‌ن . ئه‌گه‌ر [لۆلان] رۆژانه‌ خه‌ڵکی میوان بێت و شوێنه‌که‌ی قه‌ڵه‌باڵغ بێت ، ره‌نگ ئه‌ویش زیاتر هانبدرێت و گرنگی به‌و بواره‌ بدات و که‌لوپه‌لی کۆنتر و شتی جوان په‌یدا بکات و مۆزه‌خانه‌که‌مان بۆ فره‌وانتر بکات . ئه‌و کاره‌ پیرۆزه‌ی لۆلان و کارمه‌ندانی مۆزه‌خانه‌ جێگای ریزوسوپاسه‌ ، که‌ ئه‌و شتانه‌ نیشانی خه‌ڵکی بیانی ده‌دات که‌ به‌ سه‌ردان دێنه‌ شاری هه‌ولێر .

بۆ زیاتر زانیاری تکایه‌ سه‌یری ئه‌و سایتانه‌ بکه‌ :

http://www.kurdishtextilemuseum.com/

http://www.kurdsat.tv/Zyatir.aspx?CoriHewal=EdebuHuner&Rizbendi=186

http://pukmedia.com/kurdish/index.php?option=com_con

21/6/2008

ستۆکهۆڵم ‌