nabopesind

نا بۆ په‌سه‌ندکردنی ده‌ستووری ‌هه‌رێمی ‌کوردستان.

له‌سه‌رتای مانگی حوزه‌یرانی ‌ئه‌مساڵه‌وه‌،‌په‌رله‌مانی کوردستان وێرای‌به‌سه‌رچوونی‌واده‌ی‌یاسایی‌خۆی‌، په‌له‌په‌لێتی ‌پرۆژه‌یاسای‌ ده‌ستووری ‌هه‌رێمی‌ کوردستان به‌خێرایی‌ په‌سه‌ندبکات، ئه‌مه‌له‌کاتێکدایه‌که‌ده‌ستوور دایکی‌هه‌موو یاساکانه‌، که‌چی‌له‌ماوه‌ی‌چوارساڵی‌رابوردودا، خرابووه‌سه‌ر ره‌فه‌کان‌و له‌ ئاستیدا بێده‌نگ بوو، ئه‌مه ‌له‌کاتێکدا ده‌بوایه ‌ئه‌ندامانی‌ په‌رله‌مان نوێنه‌ری خه‌ڵکی کوردستان بونایه ‌نه‌ک نوێنه‌ری‌ حزبه‌کانیان، بۆیه ‌ئێمه‌ ئه‌م هه‌وڵه‌ی ‌په‌رله‌مانی ‌کوردستان به‌نابه‌رپرسیارانه‌ده‌زانین، چونکه‌له‌م سۆنگه‌یه‌وه‌ئاینده‌ی‌کوردستان ده‌خاته‌مه‌ترسیه‌وه‌و رێگاکانی‌تۆتالیتاریزم هه‌موارده‌کاته‌وه‌. ئه‌وه‌ی‌جیگه‌ی‌سه‌رسورمانه‌ئه‌وه‌یه‌که‌وا په‌رله‌مانی‌کوردستان ماوه‌ی یاسایی خۆی‌تێپه‌راندووه‌و مافی‌ئه‌وه‌ی‌نیه‌بریار له ‌مه‌سه‌له‌یه‌کی ‌ئاوا چاره‌نووساز بدات .

په‌رله‌مانی‌کوردستان ئه‌گه‌ر گوێ‌له‌ناره‌زایه‌تی‌‌و داخوازی‌رێکخراوه‌کان‌و رۆشنبیران‌و خه‌ڵکی‌کوردستان نه‌گرێ‌به‌ومانایه‌دێت که ‌نه‌ رێز له‌ده‌نگی‌ خه‌ڵکی ‌کوردستان‌و نه‌رێزیش له‌ده‌ستووری‌هه‌رێمی‌کوردستان ده‌گرێت، که‌ پێویسته ‌به‌پێچه‌وانه‌وه ‌بێت‌و ده‌ستوور به‌ته‌ندروستی ‌‌و به‌ده‌وڵه‌مه‌ندی‌‌و له‌سه‌ر رای ‌کۆمه‌ڵانی‌خه‌ڵک‌و نوخبه‌ی ‌شارازایانی‌ده‌ستووره‌وه‌تێپه‌رێنێ‌.. که‌چی‌ به‌داخه‌وه ‌هه‌تا ئه‌مرۆ په‌رله‌مانی‌کوردستان گوێ‌به‌هیچ یه‌کێک له‌ناره‌زایه‌تی ‌یاساناسان و فیدراسیونی ‌رێکخراوه‌کانی ‌کۆمه‌ڵگه‌ی ‌مه‌ده‌نی‌‌و زۆرینه‌ی‌ئه‌ندامانی‌ئه‌نجومه‌نی‌پاریزگای‌سلیمانی‌‌و زۆرێک له‌هاوڵاتیانی‌کوردستان نادات‌و رێز له‌ده‌نگی‌جیاوازیان ناگرێت..! جگه‌له‌مانه‌ش ده‌یان نوسراو و ڕاپۆرتی‌جیاواز ئاراسته‌ی‌په‌رله‌مانکراون و له‌ناو خودی‌په‌رله‌مانیش 25 ئه‌ندام په‌رله‌مان نارازین له‌تێپه‌راندنی‌‌و په‌سه‌ندکردنی‌پرۆژه‌که‌هه‌روه‌ها 17 ڕۆشنبیری دیاری کوردستان‌و چه‌ندین ڕۆژنامه‌و گۆڤار و که‌ناڵی ڕاگه‌یاندن، به‌پێچه‌وانه‌ی‌مه‌یلی‌سه‌پاندنی‌ئه‌و ده‌ستووره‌وه‌داواکارن که‌هه‌موارکردن و تێپه‌ڕاندنی ئه‌م پرۆژه‌یه‌ی‌ده‌ستور‌که‌نزیکه‌ی‌800 تیبینی‌‌و ڕه‌خنه‌ی له‌سه‌ره‌، په‌له‌ی لێنه‌کرێت و بخرێته‌ئه‌جندای په‌رله‌مانی هه‌ڵبژێردراوی نوێوه‌. به‌لای‌که‌مه‌وه‌1/2 ی‌هه‌ڵگرن بۆ په‌رله‌مانی‌داهاتوو، بۆ ئه‌وه‌ی‌ده‌نگی‌له‌سه‌ربده‌ن‌و په‌سه‌ندکردن ‌و ته‌عدیلکردنی ‌بگرنه ‌ئه‌ستۆ، ئه‌مه‌ش به‌و مانایه‌ی‌ په‌رله‌مانی ‌ئێستا مافی ‌یاسایی ‌نه‌ماوه‌ و ته‌نها متمانه‌ی‌ حزبه‌کانیان له‌پشته‌.

ئێمه‌ناوه‌ندی‌هه‌له‌بجه‌دژبه‌ئه‌نفال‌و جینۆسایدکردنی‌گه‌لی‌کورد- چاک، بیرورامان وایه‌که‌ده‌ستووری‌هه‌رێمی‌کوردستان ناشێت ئاوا به‌بێده‌نگی‌‌و به‌سانایی‌تێپه‌رێت، له‌به‌ر ئه‌وه‌ی‌یه‌که‌مینجاره‌کورد وه‌ک مافێکی‌ره‌وای‌خۆی‌ده‌ستوورێک بۆ خۆی‌ده‌نوسێته‌وه‌، ئه‌گه‌ر بۆمیلله‌تانی‌دنیادا ته‌نها ماناو رۆلێکی ‌له‌ رێکخستنی ‌ژیانی ‌کۆمه‌ڵگه ‌بگێرێت، ئه‌وا بۆ ئێمه‌ی‌کورد په‌سه‌ندکردنی ‌یه‌که‌مین ده‌ستوور مانا و چێژێکی ‌یاسایی ‌‌و نه‌ته‌وه‌یی ‌‌و مرۆیی ‌هه‌یه‌.

به‌پێچه‌وانه‌وه‌ناشێت ببێته‌خاڵێکی‌ره‌ش به‌مێژووی‌په‌رله‌مانی‌کوردستانه‌وه‌که‌ده‌ستوورێک په‌سه‌ند بکات‌و به‌باڵای‌حزبه‌ده‌سه‌ڵاتداره‌کان‌و له‌به‌رژه‌وه‌ندی ‌نوخبه‌یه‌کی‌کۆمه‌ڵگا بێت‌و ببێته‌مایه‌ی‌مه‌ینه‌تی‌زۆرینه‌ی‌خه‌ڵکی‌کوردستان، بۆیه‌په‌رله‌مانی‌کوردستان پێبزانێ‌یان نا ئه‌م په‌له‌یه‌ی‌سه‌ره‌تایه‌کی‌مه‌ترسیداره‌بۆ تۆتالیتاریزم‌و سوکایه‌تیه‌ به‌دیموکراسیه‌ت‌و ئاستی‌هوشیاری‌تاکی‌کوردیش.

هه‌ردو حیزبی ده‌سه‌ڵاتدار ( یه‌کێتی نیشتمانی‌کوردستان و پارتی دیموکراتی‌کوردستان) به‌مه‌به‌ستێکی سیاسی وه‌ک هه‌موو کارێکی تری یاسای و سیاسی که‌پرسیان به‌که‌س نه‌کردوه‌و گوێیان له‌ڕه‌خنه‌و هاورای هیچ که‌س و لایه‌نێک نه‌گرتوه‌دیسان له‌م مه‌سه‌له‌هه‌ستیاره‌شدا هه‌موو ده‌نگه‌ناڕه‌زاییه‌تیه‌کانیان پشتگوێخستوه‌. ئێمه‌له‌ناوه‌ندی چاک وێرای ئه‌وه‌ی ده‌نگی خۆمان ده‌خه‌ینه‌پاڵ ده‌نگی ناڕه‌زاییه‌تیه‌کان بۆ هه‌موارکردن و تێپه‌راندنی باشترین‌و دیموکراتیترین ده‌ستوور، ده‌ڵێین: به‌ڵێ‌بۆ گه‌راندنه‌وه‌ی‌رێز‌و هه‌یبه‌ت بۆ په‌سه‌ندکردنی‌پرۆژه‌ی‌ده‌ستووری‌هه‌رێمی‌کوردستان، نا بۆ په‌سه‌ندکردنی ده‌ستووری ‌هه‌رێمی ‌کوردستان.

ئێمه‌ده‌ستوور ره‌تناکه‌ینه‌وه‌به‌پێچه‌وانه‌وه‌به‌گرنگترین ده‌ستکه‌وتی‌نه‌ته‌وه‌بی‌ده‌زانین، به‌ڵام کاتێک بۆ ده‌ستوور ده‌لێین: به‌ڵێ‌: که‌به‌به‌ندی‌هاوچه‌رخ‌و له‌سه‌ربنه‌ما دیموکراسیه‌کان دارێژرابێ‌‌و پشت ئه‌ستوربێت به‌بنه‌ماکانی‌مافی‌مرۆڤ، بۆ هه‌رێمی‌کوردستان، نه‌ک هه‌رچی‌ به‌ند و برگه‌کانی ‌وڵاتانی‌ عه‌ره‌بی ‌هه‌یه‌کۆپی ‌بکرێته‌ ناو ده‌ستووره‌که‌مانه‌وه‌.

له‌هه‌مانکاتدا داوا له‌په‌رله‌مانی‌کوردستان ده‌که‌ین گوێ‌له‌ناڕه‌زایه‌تی‌‌و داوای‌رێکخراوه‌کان‌و رۆژنامه‌نوسان بگرن، هه‌روه‌ها داوا له‌یاساناسان‌و شاره‌زایانی‌ده‌ستوور، هه‌روه‌ها له‌خه‌ڵکی‌کوردستان ده‌که‌ین به‌تایبه‌تی‌که‌س‌وکاری‌شه‌هیدان‌و ئه‌نفالکراوان‌و هه‌موو گه‌لی کورد ده‌که‌ین، که‌ده‌نگی ناڕه‌زایه‌تی خۆیان به‌شێوه‌ی‌جۆراوجۆر دژ به‌تێپه‌راندنی‌ده‌ستوور به‌رزبکه‌نه‌وه‌، چونکه ئه‌گه‌ر بێت‌و ‌ئه‌م پرۆژه‌یه‌ی‌ئێستا تێپه‌رێت به‌رژه‌وه‌ندی‌زۆرینه‌له‌ئاینده‌ی‌کوردستاندا پارێزراونیه‌و ده‌که‌وێته‌مه‌ترسیه‌وه‌‌، جگه‌له‌وه‌ی که‌ئه‌م ده‌ستووره‌چواچێوه‌و سنوری کوردستانی تیا دیاری نه‌کراوه‌و کوردستان ڕاده‌ستی به‌رژه‌وه‌ندی حیزبه‌گه‌وره‌کانی کوردستان کراوه‌، که‌ئه‌مه‌ش یاریکردن و سازشکردنێکی ته‌وافوقی‌و ڕێکه‌وتنی ‌ژێربه‌ژێره‌ به‌ناوی ‌به‌رژه‌وه‌ندی ‌نه‌ته‌وه‌ییه‌وه‌.

ناوه‌ندی هه‌ڵه‌بجه‌،
دژ به‌ئه‌نفالکردن و جینۆسایدی گه‌لی کورد ـ چاک