|
١٧\١٢\٢٠١١
نا بۆ پڕۆژەی
ئەخوان موسلمین، بەعسی، قاعیدە و شوفێنیستەکان!
حکومەت و حیزبەکانی ھەرێمی کوردستان چەندین ھەڵەی کوشندەیان،
ئەنجامداوە، وەک:
١- کشانەوەی ھێزی پێشمەرگە و ئاسایش لە
جەلەولا و سەعدیە.
٢- پەراوێزخستنی ناوچەکە لە ھەموو
روویەکەوە.
٣- بەشداریکردن لە ھەڵبژاردنی پارێزگای
دیالە.
٤- رێککەوتن لەسەر راگرتنی ھێزی پێشمەرگە
لە(ناودۆمان).
لەم رۆژانەشدا ھەڵەیەکی کوشندەی تریان بۆ زیاد کرد: پشتیوانیکردن لە
بەھەرێم کردنی پارێزگای دیالە.
راستە(بەھەرێمبوون)مافێکی دەستوورییە، بەڵام داواکەرانی ھێزگەلی
دیموکراسی و پێشکەوتنخواز نین تا یەکێک پشتیوانیان لێ بکات. ئەخوانی
موسلمین، بەعس، قاعیدەو تەواوی شوفێنیستەکان، مێژوویەکی رەشیان ھەیە و
پشتیوانیکردنی ھەر لایەنێکی کوردستانی لە ھەر داخوازی و
ھەوڵێکیان(بادەستورییش بێت)، دەبێتە پەڵەیەکی رەش لەنێوچەوانی.
بەھێزکردنی ئەم جۆرە ھێزانە، بەھێزکردنی جیھانبینی سەربڕین، ئەنفال و
فاشییەتە. ئەو داخوازییە بووە بە داخوازییەکی تائیفی و لایەنە
سوننەکانی بەدواوەیە. ئێمە دژ بە ھەموو شێوەو ئەقڵێکی تایفەگەرین.
ساوێلکەیی و جەھالاتە بۆ لایەنێک یان کەسێک بیەوێ بەناوی(پشتیوانی بە
مەرج)خۆڵی(بەڵێندان)ی ئەو جۆرە ھێزانە بە چاوی خواست و چاوەڕوانی
کوردستانیانی قەزای خانەقین و مەندەلی، بکات. ھیچ بنەمایەکی عەقلانی
نییە بۆ متمانەکردن بەو لایەنانە. نابێ دیموکراسی بکرێت بە پردێک بۆ
بەھێزکردنی پێگەی تایفەگەری و بەعس و ئێمە دەبین بە چقڵ لەناو چاوی ھەر
کەس و لایەنێک بیەوێ لەژێر ھەر بیانو و مەبەستێک، پێگەیان بەھێزبکات.
ئێمە توڕەیی و ناڕەزایەتی خۆمان دژ بە دواخستن و پێشگوێخستنی ماددەی
دەستوری١٤٠دەردەبڕین و جێبەجێنەکردنی لەکاتی دیاریکراوی خۆی، زەنگێکی
مەترسیدارەو بۆنی شوفێنیستی نا دیموکراسی لێدێتە دەر.
لە وڵامی ئەو ملیشیاتانە کە لە سەعدیە بەزمانی چەک و ھەڕەشە و
چاوسورکردنەوە لەگەل کوردستانیان دەدوێن، دەڵێین: زەبروزەنگتان لە
زەبروزەنگی رژێمی بەعس توندتر نابێت و بەدرێژەدان بەو سیاسەتە،
رووبەڕووی ھەمان موقاوەت و خۆبەختکردنی کوردستانیان دەبنەوە.
ئێمە لە گەرمەسێر کێشەی گەڕانەوەی دەڤەرەکەمان ھەیە بۆ سەر ھەرێمی
کوردستان و دەبێ ھەموو ھەوڵەکانمان لەم داخوازییە چڕبکەینەوەو ھەنگاوی
عەمه‌لی بۆ جێبەجێکردنی بنێین.
لێژنەی بەرگریکردن
له بەرژەوەندییە گشتییەکان
١٦\١٢\٢٠١١
خانەقین
|
