|
٩\٥\٢٠١٣
ناڕەزایەتی
دژ بە سیاسەتی دەرکردن و زیندانیکردنی پەنابەران لە هۆڵەندە درێژەی
هەیە.
- گۆشەیەک لە
ناڕەزایەتیەکانی پەنابەران و
رێکخراوەکانی بەرگریکار لە مافەکانی
پەنابەران
-
هۆڵەندە ٨\٥\٢٠١٣:
ناڕەزایەتی پەنابەران لەبەردەم سێ گرتوخانەی
جیاوازدا.
 رزگار
سالح نۆێنەری فیدراسیۆنی سەراسەری پەنابەرانی عێراقی لە هۆڵەندە بە
سکرتارێتی فیدراسیۆنی راگەیاند"پەنابەران و کەسایەتی و ڕێکخراوەکانی
بەرگریکەر لە مافی پەنابەران کە خۆیان لە ژێر ناوی (مافی ژیان)دا
رێکخستووە، بەردەوامن لە درێژە دان بە ناڕەزاتەی دژی سیاسەتی دەرکردن و
هەڵاواردن و بێمافکردن کە حکومەتی هۆڵەندی لەم ساڵدا گوژمێکی نوێی
پێداوە".
لەدرێژی قسەکانیدا ئاماژەی بە وچالاکیانەکرد کە ئەنجام دراوە ووتی"بۆ
ئەو مەبەستە ڕۆژی ٥ی مەی پەنابەرانی شاری
لاهای /
دەنهاخ و ئەمستردام و دەوروبەری خۆپیشاندان و ناڕەزایەتیان بۆ بەردەم
گرتوخانەکانی ئەمستردام - سخیپۆڵ و ئەلفێن دەراین و ڕۆتەردام بەڕێخست".
کۆبونەوەو ناڕەزایەتی یەکەم لە بەردەم گرتوخانەی
- ئەمستردام سخیپۆڵ بەڕێخراو خۆپیشاندەران بە جۆرەها شێوە وەکو
هوتاف کێشان، فیکەلێدان، وتنەوەی دروشمەکانی هاوپشتی و هاوسۆزی بۆ
پەنابەرانی زیندانی کراو، بەرزکردنەوەی پۆستەر و لافیتە و وتەو
لێدوانیان بە بڵندگۆ دەستپێکرد و پەنابەرانی زیندانیکراویش وەکو
هەستکردن بە هاوپشتی و بەخەمەوەهاتنی هاوچارەنوسەکانیان لەدەرەوە،
دەستیان دایە هوتاف کێشان و وتنەوەی دروشمەکان و چەپڵە لێدان. بەڵام
لەبەر بەرزی دیوارەکان، پەنابەرانی زیندانی کراو تەنها دەنگیان
دەگەیشتە دەرەوە. دوابەدوای ئەوە پەنابەران بەڕێکەوتن بۆ بەردەم
گرتوخانەی شارەدێی ئەلفێن دەراین و لەوێش هەمان جۆری ناڕەزایەتی دەستی
پێکرد و پۆلیسی گرتوخانەکە لەترسی خۆپیشاندەران زوبەزو دەرگا
گەورەکەیان داخست و هەڵسوڕاوێکی خۆپیشاندانەکەشیان بۆ ماوەیەکی کورت بۆ
پرسیارو زانیاری وەرگرتن لای خۆیان گلدایەوە و دوای هاتنەدەرەوەی ئەو
هەڵسوڕاوە خۆپیشاندەران ئاپۆرەیان داو دەستیان کردە چەپڵە ڕێزان.
رزگار ئەوەشی ووت" گرتوخانەی شاری ڕۆتەردام بەشی سێهەم و کۆتایی
ناڕەزایەتی پەنابەرانی بەرکەوت و بەو جۆرەی کە پەنابەران پێیان خۆشبوو،
بەو شێوەیەی کە بۆیان گونجاو بوو ناڕەزایەتی و توڕەیی و بێزاری خۆیان
لە زیندانیکردنی پەنابەران دەربڕی و لەسەر بەرزایی دەرەوەی گرتوخانەکە
خۆپیشاندەران پۆستەر و لافیتەکانیان بەرزکردەوەو بەزمانەکانی فەڕەنسی،
عەرەبی، هۆڵەندی، فارسی و کوردی وتەی تایبەت بە پەنابەران پێشکەشکرا ".
ڕزگار ساڵح لە خۆپشندانە وتەی پێشکەش کردو" هاوپشتی و هاوسۆزی بۆ
پەنابەران دەربری و هاوکات سەرکۆنەی سیاسەتی دژە پەنابەرانی حکومەتی
هۆڵەندەیبکرد".
شایەنی باسە لەو چەند زیندانەی باسکراو چەندینی تریش، حکومەتی هۆڵەند
هەزاران پەنابەر لە ناویشیاندا پیر، پەکەوتە، ژن و مناڵیان
زیندانیکردووە و بەنامرۆڤانەترین شێوە ئەشکەنجەی دەرونیان دەدرێ لە
پێناوی ئەوەی بێزارو وەڕس بن و ''خۆبەخشانە'' ڕازی بن بە
دیپۆرتکردنەوەیان.
خۆکوژی پەنابەرێکی رووسی لە گرتووخانەی شاری رۆتەردام.
لەلایەکی دیکەوە بەپێ هەواڵەکانی فیدراسیۆن " پەنابەرێکی ڕوسی چەند
مانگ لەمەوپێش لە گرتوخانەی شاری ڕۆتەردام، بەهۆی دیپۆرتکردنەوە بۆ
وڵاتەکەی مەترسی لەسەر ژیانی دروست دەبوو بەداخەوە خۆکوژی هەڵبژارد".
بەو هۆیەوە،"وەزارەتی کۆچ و کۆچبەران و حکومەتی هۆڵەندی ڕووبەڕووی
ڕەخنەی زۆر بونەوە بەڵام سەرباری هەموو ڕەخنەو ناڕەزایەتیەکان،
ئەوحکومەتە و وەزارەتەکەی کە لیبڕاڵەکان بەڕێوەی دەبەن تا ئێستا
دەستیان لەو سیاسەتە دژە پەنابەریە شل نەکردۆتەوە. بەپێچەوانەشەوە
ڕێکخراوەکانی هاوپشتی و بەرگریکەر لە پەنابەران زنجیرەیەک خۆپیشاندان و
ناڕەزایەتیان بۆ مانگی ئەوگەست خستۆتە ئەجێدای کارەوەو بەو هیوایەن
بتوانن زۆرترین هاوپشتی بەدەستبێنن بۆ فشار خستنە سەر حکومەت و
وەزارەتەکەی تا دەست لەو سیاسەتەی هەڵگرێت".
نەشوان سەعید و کۆچی دوایی لە ناکاو.
رزگار سالح ووتی "لە سێ هەفتەی ڕابردوودا، ئێوارەی پێنج شەممە، کاتێک
پەنابەر نەشوان سەعید خەڵکی شاری دهۆک و تەمەن 42 ساڵ لە بازاڕی شاری
لاهای/ دەنهاخ کوتوپڕ جەڵدەی دڵ لێیدەداو بەداخەوە گیانی لەدەستدا.
نەشوان ساڵ و نیوێک لەمەوبەر کاتێک کە مافی مانەوەکەیان لێسەندەوە لە
بری ئەوەی بۆ درێژکەنەوە و هەمانکاتیش خێزان و مناڵەکەی بەزۆر ڕەوانەی
کوردستان دەکەنەوە".
هەواڵەکان سەبارەت بە مەرگی نەشوان دەڵێن"لێسەندنەوەی مافی مانەوەو
ناردنەوەی مناڵ و خێزانەکەی، سەرەرای خراپی باروگوزەرانی خۆی، نەشوان
دەخاتە ژێر گوشارێکی دەرونی قورسەوە و کاردانەوەیەکی خراپ لەسەر
تەندروستی ئەو دروست دەکات. سەرباری ئیرادەی بەهێزی نەشوان و مانەوە
بەبێ مۆڵەت و درێژە دان بەناڕەزایەتی لە ساڵێک لەمەوبەرەوە، بەداخەوە
کۆچی لەناکاو دەبێتە چارەنوسی نەشوان و بێبەشی دەکات لە شاد بوون بە
وەرگرتنەوەی مافی پەنابەری و شاد بوونەوە بە خێزان و مناڵەکەی و
کەسوکاری. ناوبراو دەبێتە قوربانی سیاسەتێک کە حکومەتی هۆڵەند دور لە
هەموو پرەنسیپێکی مافی مرۆڤ و پەنابەران بەسەر پەنابەرانیدا سەپاندووە.
نەشوان چەند ڕۆژی ڕابردوو بە هاوکاری چەند کەسایەتی دڵسۆزی پەنابەران و
مرۆڤ دۆست لە هۆڵەند توانیان ئامادەکاری ناردنەوەی بۆ جێبەجێکەن و
ئێستا چەند ڕۆژێکە تەرمی نەشوان گەیشتۆتەوە دەست کەسوکاری لە شاری دهۆک.
مەراسیمێک بۆ پرسەو ماتەمینی و ڕێزلێنان لە نەشوان.
نۆێنەری فیدارسیۆن ووتی"ئێوارەی دووشەممە، ٦ی
مەی، بۆ ڕێزگرتن لە گیان و یادکردنەو نەشوان، ڕێپێوانێکی کورت ماوە و
مەراسیمێک لەو پارکەی کە چەند مانگ ناوبراو لێی ژیا، سازدرا. شایەنی
باسە ژمارەیەکی بەرچاو لە پەنابەران و خەڵک و مرۆڤدۆستان و
هاوپشتیکەرانی پەنابەران ئامادەی مەراسیمەکە بوون و سەعات حەوتی ئێوارە
دوای ڕێ ڕۆشتنەکە ئامادەبوان کۆبونەوە و دوو دەقە بۆ گیانی نەشوان
بێدەنگ ڕاوەستان و دواتر لەلایەن ئامادەبوانەوە گوڵ لە شوێنێکی
سیمبولیک کە بە وێنەی ناوبراو مۆمی داگیرساو ڕازابووە، دانرا".
پاشان وتاری پرسەو ماتەمینی لەلایەن ئەندام و هەڵسوڕاوی ڕێکخراوی ئافا
''ئەنتی فاشیست'' پێشکەشکراو دوابەدوای ئەوەش ڕزگار ساڵح "سەرەخۆشی و
ماتەمینی بۆ کەسوکار و ئامادەبوان ڕاگەیاند. لە درێژەی وتەکانیدا ڕزگار
قسەی لەسەر بارودۆخی خراپی پەنابەران لە هەریەک لە وڵاتەکانی ئەوروپاو
کوردستان کردو ئاماژەی بەوەش کرد کە نەشوان یەکەم و دوایەمین قوربانی
ئەو سیاسەتە نیە و ڕەخنەی لە لایەنە پەیوەندیدارەکانی حکومەتی هەرێمی
کرد لە کەمتەرخەمی و پشتگوێ خستنی پەنابەران".
لە کۆتایدا ژمارەیەک کەسێکی تر بە زمانەکانی عەرەبی، هۆڵەندی
قسەوباسیان پێشکەشکرد و چەند پارچە هۆنراوەیەکی یادەوەری و ماتەمینی
پێشکەشکرا. دوای زیاتر لە کاتژمێرێک لە بەڕێوە چونی مەراسیمەکە
پەنابەران دڵنیایانکردەوە کە بەردەوامدەبن لە درێژەدان ناڕەزایەتی و
خەباتکردن تا بەدەستهێنانی مافەکانیان.
فیدراسیۆنی سه‌راسه‌ری په‌نابه‌رانی
عێراقی
________________________________________________
IFIR:PO.BOX1575، ILFORD، IG1 3BZ، LONDON
ifir@hotmail.co.uk,
00447856032991, 07895976547
Fax:
08715288651,
www.federationifir.com
|
