|
|
|
٢٨\١٠\٢٠٢١ ناڕەزایی بۆ دووبارە دانانەوەی سەربازگە لە گوندی تۆپزاوای کەرکوک.
ئەم ھەوڵەی سوپای عێراق، پێشێلکارییەکی زەقی بڕیارەکانی دادگای باڵای تاوانەکانی عێراق لە دۆسیەی ئەنفالە، کە تێیدا بڕیاری قەرەبوکردنەوەی مەعنەوی قوربانیانی دەرکردووە و پاراستنی ئەو سەربازگەیەش لە چوارچێوەی ئەو قەربووە مەعنەوییەدا دێت، کە یادەوەرییەکانی تاوانەکەی ھەڵگرتووەو دەبوایە ھەر لەدوای رووخانی رژێمی بەعس مۆنۆمێنتی ئەنفالکراوانی تێدا دروست بکرابایە. ئەگەرچی لە رابردوودا سەدان جار داوای بە مۆزەخانەکردنی ئەو سەربازگەیە کراوە، وەک مۆزەخانەیەکی قوربانیانی ئەنفال... وەلی مەخابن نە دەسەڵاتی عێراق و نە حکۆمەتی ھەرێم، بە تەنگ ئەم داواکارییەوە نەھاتوونە.
ئێمە لە رێکخراوەکانی بواری جینۆساید و ئەو کەسایەتیانەی لەم بوارە کاردەکەن، وێرای سەرکۆنەکردنی ھەوڵەکانی سوپای عێراق داوای راگرتنی ئەو ھەوڵە دەکەین بۆ دووبارە بە سەربازگەکردنی شوێنی ئەنفالکردنی گەلی کوردستان کە وەک پەڵەیەکی ڕەشی مێژووی دیکتاتۆری بەعسە بۆ لەبیرنەکردن و دووبارە نەبوونەوە و پاراستنی شوێنەکە وەک مۆنۆمێنت و بەبیرھێنانەوەی تاوانەکان بۆ نەوەکانی داھاتوو لە (سەربازگەی تۆپزاوا). ھاوکات بێدەنگی حکومەتی ھەرێم و پارت و لایەنە سیاسیە کوردییەکان لەمەڕ ئەو بابەتە سەرکۆنە دەکەین و داوا دەکەین شوێنی ئەنفالکراوان بپارێزرێت و گرنگی پێبدرێت بۆ بەزیندوویی ھێشتنەوەی یادەوەری ئازیزانمان نەک دووبارە بکرێتە سەربازگە، کە دەبێتە ھۆی کولاندنەوەی برینەکانی قوربانیان و ھێمایەکە بۆ بەردەوام بوونی ئەنفال.
لە کۆتایی جەخت دەکەینەوە دووبارە دانانەوەی سەربازگە لە تۆپزاوا پێشێلکارییە بەرامبەر بە مافی کەسوکاری قوربانیان و پێشێلکردنی زەقی قەرەبووکردنەوەی مەعنەوییە و بەرپرسیارێتی یاسایی و مێژوویی و ئەخلاقی دەکەوێتە ئەستۆی حکومەتی عێراق، چونکە کەیسی ئەنفال لە دادگای باڵای تاوانەکانی عێراقی بڕیاری جینۆسایدی وەرگرتووە.
١٨- کۆمەڵەی داکۆکی لە پرسی ئەنفال
|
|
|
ماوەیەکە
سوپای عێراق، سەرقاڵی دانانەوەی سەربازگەیە لە گوندی تۆپزاوا لە سنووری
پارێزگای کەرکوک، لە ھەمان سەربازگەی (تۆپزاوای پێشوو، کە دەیان ھەزار
ڕۆڵەی کورد لە پرۆسەی ئەنفالدا تێدا کۆکرایەوە و پاشان لە گۆڕی بە
کۆمەڵدا زیندەبەچاڵکران. سەڕبازگەی تۆبزاوە، ھێمای دەڕندەیی ڕژێمی
بەعسی فاشیست بووە. ھەر شوێن و جێگەیەکی ئەو سەربازگەیە، چیرۆکێکی
تراژیدیای ئەنفال و بەڵگەی ئەو تاوانە دەڕەندەیەیە کە دەرھەق بە گەلی
کورد ئەنجامدرا دەگێڕێتەوە.