|
٢٤\١٢\٢٠١٠
نه‌مردم
مردم.
فهرهاد که‌ریم
1
گەڕانەوە
دەرکران
ئێرەیە گۆڕ...
2
هەستمەوەو دانیشم دەمرم بڕۆم و
راوەستم دەمرم بنووم و
هەڵسم دەمرم تەنها مردن میهرەبانە و
لەبیرمان ناکا
بەشی هەموومان دەکا ئامێزی مردن
لە ئامێزی مردن دەمرین و دەمرم...
3
لە گۆڕ بووم و نەمردم
گەمەکانمان گۆڕ گۆرانێ بوو
مردن نییه
دایکم نەوەی گۆڕستانە
لە گۆڕ داین و نەمردین
رۆژی لە دایکبوون و
مردنمان نییه
گۆڕمان هەیە و
نەمردین و نەمردم.
ئاو
با من راڕا.
1
با بێرە تێپەڕی
وێنەیەکی لەگەڵ نەگرتم بۆ بیرەوەریی
رەنگە با من بم و
گوتبم واز لە خۆم بێنە نوستووە...
2
گەر با بێرە داهاتەوە
بە ئاوم گوتووە لە خەوم هەڵسێنێ
و
بە با بڵێ بمباتەوە.
3
ئاو منم
یا خۆم با
بە ئاو بڵێم هاوسەرم بە
یا بە با.
4
بێ با سەما ناکەم
بێ ئاویش ماچ
ئەوە منم گۆرانی دەڵێم یا خەو دەبینم.
5
دێرەبەبایە سێکسەهۆلیکە با
دەبێ بۆی بچیتە ژوان و خۆتی بۆ رووتکه‌یتەوە
ئاو.
6
ئاو با من
راڕا
راڕا من
با ئاو من راما.
7
تەمەنی ئاو درێژترە یا با
لە نێوان ئاوبادا
تەمەن زۆر من.
ماڵپه‌ڕی فهرهاد که‌ریم
|
