په‌روین محه‌مه‌د فه‌ره‌ج     

پرسیار..داهێنه‌ره‌ و تێڕامان داهێنان..

یان پرسیارمان له‌ نوسه‌ر..ئه‌وه‌یه‌ بڵێین..چه‌ند جۆر نوسه‌ر هه‌ن..؟

نوسه‌ری یاخی..نوسه‌ری بێلایه‌ن..نوسه‌ری حیزب و پارته‌کان..نوسه‌ری سه‌ربه‌ست..نوسه‌ری چاونه‌ترس..نوسه‌ری خۆپارێز ..نوسه‌ری تێکده‌ر..نوسه‌ری ئاشتیخواز..نوسه‌ری هه‌ل..نوسه‌ری ڕوبه‌ڕپڕکه‌ره‌وه‌..نوسه‌ری ترسنۆک..نوسه‌ری تازه‌گه‌ر..نوسه‌ری کۆنپارێز..نوسه‌ری سه‌رنجڕاکێش.. نوسه‌رهه‌یه‌..هه‌ر ده‌پرسێ..هه‌یه‌ده‌شێوێنێ..هه‌یه ‌ده‌جوڵێنێ..هه‌یه‌..هه‌ر ده‌نوسێ بۆخاتری نوسین..هه‌یه‌..پڕده‌کاته‌وه‌..هه‌ن..نوسه‌ر هه‌ن خۆشیان و خوێنه‌ریش ته‌سلیم ده‌که‌ن..ته‌سلیم به‌ بێهوده‌یی..نوسه‌ریش هه‌ن له‌سه‌ر شانی نوسین ده‌نوسن..له‌دوای نوسینه‌وه‌....ده‌نوسن..هه‌ن ده‌رفه‌ت به‌خوێنه‌ر ناده‌ن..هه‌ن له‌ده‌می خوێنه‌ردا نوسین دروست ده‌که‌ن.. نوسه‌ر هه‌ن به‌رپه‌رچی ناله‌باریه‌کان ده‌ده‌نه‌وه‌.. هه‌شن ناله‌بارن.. نوسه‌ری مرۆڤ دۆست هه‌ن..هه‌شن خۆ ده‌گونجێنن له‌ته‌ک.. مرۆڤدا..هه‌ن به‌دوای وشه‌دا ده‌گه‌ڕێن وله‌ پاشکۆی وشه‌یه‌که‌وه‌ زۆر..زۆر ده‌ڵێن..هه‌ن که‌م ده‌ڵێن و زۆۆر زۆۆر ده‌ڵێن..هه‌ن زۆر ده‌ڵێن و هیچ به‌جێ ناهێڵن..هه‌شن که‌م ده‌ڵێن و زۆر زویر ده‌که‌ن.. هه‌ن هیچت پێ نابه‌خشن. هه‌ن به‌خشنده‌ن به‌نوسین. هه‌ن له‌گه‌ڵتا ..کۆکن..هه‌ن ناکۆک..هه‌ن نوسه‌ر هه‌ن کۆت ده‌که‌نه‌وه‌و هه‌ن په‌رش ،،،.بڵاو.. نوسه‌ر هه‌ن ده‌نوسن..چ ده‌نوسن تۆ وه‌ڵامیان به‌ره‌وه‌ تۆی خوێنه‌ر..نوسه‌ر هه‌ن وه‌ڵام ئه‌ده‌نه‌وه‌..

به‌پێی ئه‌وه‌ی ئه‌م جیهانه‌ شایسته‌ی خستنه‌سه‌رو لێده‌رکردنه‌..بریا ئاوه‌هاش نوسین و نوسه‌رانێک ده‌هاتنه سه‌ر روبه‌ری ئه‌ده‌ب و مێژوو..نوسه‌ری کورد له‌و نوسه‌رانه‌یان بونایه‌ که‌شایسته‌ی خوێندنه‌وه‌ن.. ئه‌وانه‌ش..ئه‌و به‌ناونوسه‌رانه‌ی هه‌ربۆ خاتری نوسین ده‌نوسن... ئه‌وانه‌ی زۆر ده‌ڵێن و هیچ به‌جێ ناهێڵن ..ئاخۆ نوسه‌رن تۆبڵێی بچنه‌ به‌ردیده ‌و..دڵێ خوێنه‌ران..ئیتر من خوێنه‌ر جێ ده‌هێڵم خۆی بڕیار و سه‌رنجه‌..
 

که‌واته‌ پرسیار داهێنه‌ره ‌و تێڕامان داهێنان.


ئه‌ڵمانیا