|
٣\٣\٢٠١٤
ئۆجالان:
ژ بۆ من ئازادیا ژنێ ژ ئاخ و چاندێ گرینگترە.
''لێگەرینا
ژیانا ئازاد بگرن بنگەھا ژیانا خوە.''.
 ئامەد
(دھا) - رێبەرێ ''پکک''ێ ئابدوڵا ئۆجالان دەربارێ ٨ێ ئادارێ رۆژا ژنێن
جیھانێ دە پەیام وەشاند و وھا گۆت: "تو چرۆک وەک چرۆکا کۆلەداریا ژنێ و
ئازادیا ژنێ من ھم ب خەمخواری، ب ھێرس ھم ژی ب کەفخوەشی، شانازی و جۆش
و پەرۆش باندۆر ناکە. دڤێ بریارێن جەوھەرییێ ژنێ ھەبە. دڤێ مال و
ئاڤاھیێن ژنانێن ژیانا ئازاد ھەبە. دڤێ جیھ و وارێ کو ھوون بکاربە
بریارا ژیانێ بدن ھەبە. لێگەرنا ژیانا ئازاد بگرە بنگەھا خەباتێن خوە.
گیلی نەکن ئافرینەر بن. دەما ٣ ئان ژی ٤ ژن ھاتن گەل ھەڤ چارەسەریێ
ھلبەرینە. باوەریێ ب ژنبوونا خوە بینن."
رێبەرێ ''پکک''ێ ئابدوڵا ئۆجالان ب بۆنەیا ٨ێ ئادارێ رۆژا ژنێن جیھانێ
پەیام وەشاند. رێبەرێ ''پکک''ێ ئابدوڵا ئۆجالان د ھەڤدیتنا داوییا کو ب
شاندەیا بدپ'ێ و ھدپ'ێ رە کر دە ژ بۆ ٨ێ ئادارێ رۆژا ژنێن جیھانێ پەیام
نڤساند د پەیامێ دە ب رێزێن ھەستیار دەنگ ل ژنان کر و د ھەمان دەمێ دە
بنگەھا رێھەڤالتیا کو ب ژنان رە ئاڤاکریە ڤەدبێژە. ئۆجالان ب سەرگۆتارا
"رێھەڤالێن ژنێن رێزدار!" دەستپێدکە و وھا دبێ: "ژ بۆ من ئازادیا ژنێ ژ
ئاخ و چاندێ گرینگترە. پێوستە مرۆڤ ببە ئازادخوازێ ژنێ. پێوستە ژن
ئازادببن. دڤێ ھون خوە ئازادبکن."
''شۆرەشا کو ژنێ ئازاد نەکە شۆرەش نینە''.
ئۆجالان دیار کر کو ژ بۆ ژن بێ ئازاد کرن پێوستە ھەولدانێن مەزن بێ
دایین و وھا گۆت: "ژ بەر کو گەلێ ژن تێدە ئازاد نەبە ئازاد نابە. ژ بەر
کو شۆرەشا کو ژنێ ئازاد نەکە شۆرەش نینە. رێخستنا کو ژنێ ب رێخستن نەکە
رێخستن نینە."
''ئازادبوونا ژنێ
تێکۆشینا ساکنە یە''.
ئۆجالان د پەیاما خوە دە وھا گۆت: "جیھێ وە مالا وە نینە. دڤێ ھوون ل
ھەر دەرێ بە. دڤێ ھوون خوەدی گۆتنێ بن، دڤە ژن ل ھەر دەرێ ب ئاخڤن. گەر
تێکۆشینا ئازادیا ژنێ نەبوویا ژنان وەک کۆلە ژیانا خوە بەردەوام دکر.
گەلەک ژنێن گەرناس و لەھەنگیێن شەھید ھەنە ھەموو ژی گەلەک ھەژابوون.
ئەز ھەموو رێھەڤالێن خوەیێ ژنیێ کو شەھید کەتنە ب رێزداری ببیرتینم.
ژنا ساکینە میناکە. ئازادبوونا ژنێ تێکۆشینا ساکنەیێیە. دڤێ ھوون
ھێسابێ ساکینە بپرسن و دەربخن ھۆلێ."
''تو چرۆک وەک چرۆکا کۆلەداریا ژنێ و ئازادیا ژنێ...''.
ئۆجالان پەیاما خوە وھا بەردەوام کر: "دیرۆکا کۆلەداریا ژنێ د چاندا
رۆژھلاتا ناڤین دە ڤەشارتیە. دەرکەتنا وی ژی ل سەر ڤێ ئاخێیە. دێ نە ب
رێبازا مێر بە. تو چرۆک وەک چرۆکا کۆلەداریا ژنێ و ئازادیا ژنێ من ھم ب
خەمخواری، ب ھێرس ھم ژی ب کەفخوەشی، شانازی و جۆش و پەرۆش باندۆر ناکە."
ئۆجالان گرینگیا ژ بۆ ئازادیا ژنێ ژی ب ڤان گۆتنان ئانی زمان: ''ت
چیرۆک، قاسی تێکۆشینا ئازادیا ژنێ، باندۆر ل من ناکە. چاندا کاپیتالیزم،
تێکبرنا ژنێ ئەساس دگرە. دڤێ ژن ل ھەمبەری چاندا ئیستسمارکرنێیا
کاپیتالیزمێ خوە-پاراستنا جەوھەری ئەساس بگرن.''
ئۆجالان بال کشاندیە سەر قرکرنا ژنان ژی و ل ھەمبەری ڤێ ژی، بانگا
خورتکرنا تێکۆشینێ ل ژنان و تەڤاھیا جڤاکێ کر.
''لێگەرینا ئازادیێ بکن بنگەھا خەباتێن خوە''.
ئۆجالان ل ھەمبەری پرسگرێکا بێکاری و ئابۆرییا ژنا ژی و گۆت: "ژ بۆ ژن
کاربە د جڤاکێ دە ب باندۆر ببە، دڤێ د ژیانا ئابۆری دە جھ بگرە و
کۆمونێن ئابۆرییێن خوە ئاڤا بکە. ئۆجالان ژ بۆ ئازادیا ژنان، پێوستیا
بریارداریا ژنان دەستنیشان کر و گۆت: دڤێ جھێ وەیێ ھوون کاربن ژیانا
خوە بریداردار بکن ئەھبن. لێگەرینا ئازادیێ بکن بنگەھا خەباتێن خوە. ژ
گلیکرنێ زێدەتر، ئافیرینەریێ ئەساس بگرن. ئەگەر ھوون وسا بکن، ھوونێ
کاربن خوە ژ کۆلەتیا ٥ ھەزار سالی رزگار بکن.
ئۆجالان ب بیر خست کو پرسگرێکا ژنێ، پرسگرێکەکە سیاسیە و وھا گۆت: ب
ئەڤینیێ سیاسەتێ بکن. پەرگالا ھەڤسەرۆکاتیێ ل ھەر دەرێ ئاڤا بکن. ئەڤ
ریا وەکھەڤی و ئازادیێیە. پیڤانا ئازادی و ناسنامەیا ژنێ ئەساس بگرن.
''سەمبۆلا تێکۆشینێ ٣ ژنەن کوردن''.
ئۆجالان تێکۆشینا ئازادیا کورد، وەکی شۆرەشا ئازادیا ژنێ نرخاند و وھا
گۆت: وەکھەڤی و ئازادی ب ئازادیا ژنێ مومکونە. شۆرەشا مە شۆرەشا ژنێیە.
ئەم گھشتنا نیڤێ رێ. ژ بیر نەکن،یا گرینگ نە داویا رێ،یا گرینگ مەشا ب
جۆش، کۆلەکتیفی و ئازادیێیە. ئۆجالان سەمبۆلێن تێکۆشینا ئازادیا ساکینە
جانسز، فیدان دۆگان و لەیلا شایلەمەز ب بیر ئانین و وھا پەیاما خوە
داوی کر: "ئەم تێکۆشینا ئاشتی و چارەسەریێ د شەخسێ ڤان ھەڤالان دە
دیاری ھەموو شەھیدێن ئازادیێ دکن. ژ بۆ ژنان، گۆتنێن مە داوی نەبوونە.
ب ڤێ بیر و باوەریێ، ھەموو ژنان و ھەڤالان ب ئەڤینداریا مەزن سلاڤ دکم
و ٨ێ ئادارێ رۆژا ژنێن کەد ژی پیرۆز دکم.
١\٣\٢٠١٤
ماڵپەڕی
دیها
|
