١٨\١٠\٢٠١١

پاڵپشتیی بۆ یاسای به‌ره‌نگاربوونه‌وه‌ی توندوتیژیی خێزانیی.

به‌یان ناسیح     

لە ماوەی رابردوودا یاسای بەرەنگاربوونەوەی توندوتیژیی خێزانیی لە پەرلەمانی کوردستان به‌ زۆرینه‌ی ده‌نگ په‌سه‌ند کرا و لە رۆژنامەی فەرمی"وەقائیعی کوردستان" بڵاو کرایەوە. یاسایەکی لەم جۆرە هەنگاوێکی گەورەیە بۆ کۆمه‌ڵگای کوردستان.

 
لە بەرامبەر په‌سه‌ندکردنی ئەم یاسایەدا هیزێک له‌ به‌رامبه‌ری وه‌ستاونه‌ته‌وه ‌و به‌ناوی مه‌لا و رۆشنبیر و مامۆستا و کۆمه‌ڵێ خه‌ڵکی تره و که‌مپینی دژی په‌سه‌ندکردنی یاساکه‌یان ڕاگه‌یاندووه‌. بە بۆچوونی ئەوان ئه‌و یاسایه‌ که‌ لێدان و خه‌ته‌نه ‌و توندوتیژیی قه‌ده‌غه‌ ده‌کا له‌ دژی ئاینی ئیسلام و کولتوور و ره‌وشتی خه‌ڵکی کوردستانه‌.

دیاره‌ لێدان و توندوتیژیی بۆ گەورە بێت یان یان منداڵ، ژن یان پیاو گەورەترین زیان دەبەخشێ لە کەسایەتيیان و باوەڕ لە دەست دەدەن بە خۆیان و دەوروبەریان. کۆمەڵگایەکیش کە تاکەکانی لە ناو ترس و توندوتیژییدا بژین کۆمەڵگایەکی نادروستە و دەبێ گۆڕانی بەسەردا بێ. ناوەڕۆکی ئەم یاسایەش بەردی بناغەی ئەو گۆڕانه‌یه. تکایه‌ پاڵپشتیی خۆت بۆ ئه‌م هه‌نگاوه‌ گه‌وره‌یه‌ ده‌ربڕه‌ به‌ واژۆکردنی ئه‌م بانگه‌وازه:

http://www.PetitionOnline.com/yasaj8/petition.html 
 

ماڵپەڕی بەیان ناسیح