|
٢٢\٤\٢٠١١
پاراستنى گیانى
دکتۆر فایەق گۆڵپى و سەرجەم گیراوەکان
لە ئەستۆى هێزە
چەکدارەکانى یەکێتى دایە.
بۆ راى گشتى کوردستان..
 رەشبیگیریەکانى
هێزە چەکدارەکانى یەکێتى و هیزەکانى ناوخۆى حکومەت لەسنورى پاریزگاى
سلێمانى پێى ناوەتە قۆناغێکى مەترسیدارو ئەوەى ڕۆژێک لەڕۆژان دەنگى
بەڕوى ئەو دەسەڵاتەدا بەرزکردبێتەوەو داواى چاکسازى و بنبڕکردنى
گەندەڵى کردبێت ، ئەمرۆ بەشێوەیەکى شلگیرانە لەلایەن هێزەئەمنى و
سەربازیەکانى یەکێتیەوە بەشوێنیدا دەگەرێن و لەئاکامى ڕەشبگیریەکانى
ئەو هێزانەدا تائیستا دەیان کەس گیراون کەلەنێوانێندا خەڵکانى پسپۆرو
مامۆستاى زانکۆو کەسایەتى سیاسیى و رۆنشبیرو خویندکار و رۆژنامەنوسانى
تێدایە.
ئێمە لەرێکخراوى چاودێرى کوردۆساید - چاک
بەتوندى دەستگیرکردنى ئەو کەسایاتیانە پرۆتستۆدەکەین و داواى
ئازادکردنى دەسبەجێى گیراوەکان دەکەین و هێزەسەربازى و ئەمنیەکانى
یەکێتى بەرپرسیاردەکەین لە پاراستنى گیانى گیراوەکان و ئەندامى چالاکى
ریکخراوەکەمان "دکتۆر فایەق محه‌مه‌د گۆڵپى ".
------------------------------------------------------------------------------------------
بەناوى پاراستنى
ئاسایشەوە هێمنى خەڵک مەشێوێنن.
بۆ راى گشتى کوردستان..
بەهۆى توندتیژیەکانى ڕۆژانى ڕابردوکە تا ئیستاش بەردەوامى هەیە لەلایەن
هێزە ئەمنیەکانەوە لەسنورى پاریزگاى سلێمانى و شارو شارۆچکەکانى
سەربەئەو پاریزگایە ، کوردستان بەرو دۆخێکى نائارامى دەبات و رۆژانە
مافەکانى مرۆڤى کوردى لەلایەن هیزەکانى حیزبە وە پێشێل دەکرێت و بەرو
ئاقارێک دەبرێت کە قابیلى قبوڵکردنیە.
ئێمە لەرێکخراوى چاودێرى کوردۆساید_چاک بەتوندى پرۆتستۆى هەمو توندو
تیژیەک دەکەین و داوکارین چیدى بەناوى پاراستنى هێمنی و ئاسایشەوە لەوە
زیاتر هێمنى شارەکان نەشێونرێت و بەناوى یاساوە سەروەریەکانى یاسا
پێشێل نەکرێت و ئەو هێزانەى کە لەلایەن دەسەلاتدارانى سنورى پارێزگاى
سلێمانیەوە لەشارەکاندا بڵاوەیان پێکراوە بگرێندرێنەوە بۆشوێنەکانى
خۆیان و دەسەڵات و لایەنە نەیارەکانى دەسەلات کیشەکانیان لەرێگەى
دیالۆگ و گفتوگۆى شارستانیانەوە چارەسەربکەن و داواکارین کە
دەسەڵاتدارانى کوردستان بەدەم سەرجەم داخوزازیەکانى خەڵکى ناڕازى
کوردستانەوە بێن و ماوەیەکى دیارى کراو بۆچارەسەرکردنى گرفت و کیشەکان
دابنین و لەوەزیاتر سیاسەتى چەوت پەیرەونەکەن.
گرتنى رۆشنبیران و رۆژنامەنوسان و خەڵکى سیڤل لەلایە ن هێزەئەمنیەکانى
دەسەلاتەوە مەحکوم دەکەین و کاردانەوەى دەسەلات لەئاکامى خۆپیشاندان و
نارازایەتى خەڵکى کوردستان بەم شێوە دڵ ڕەقیەى ئیستا ، فەراهەمکردنى
ئازادى و باوەربون بەدیموکوراسیەت لەلایەن حکومەتى هەرێمەوە دەخاتە ژێر
پرسیارێکى گەورەوە.
رێکخراوى چاودێرى کوردۆساید - چاک
www.kurdocide.com
kurdocide@hotmail.com
|
