پاش بیست ساڵ

نیشانه‌ی چه‌کی کیمیاوی له‌ نه‌خۆشێکدا سه‌ری هه‌ڵدا.

چاكنيوز- لوقمانی حاجی که‌ریم

ڕێکه‌وتی 17/06/08 له‌ وڵاتی به‌ریتانیا ، شاری مانچستێر و له‌ (Oldham Hospital) نوێ ترین لێکۆڵینه‌وه‌ی پزیشکی له‌سه‌ر نه‌خۆشێکی کورد کراوه‌ ، ده‌رکه‌وتووه‌ که‌ مادده‌ی کیمیاوی قه‌ده‌غه‌کراو له‌ ناو خوێنه‌که‌یدا هه‌یه‌ ، ئه‌م نه‌خۆشه‌ هه‌ستی به‌هیچ شتێك نه‌کردووه‌ ، به‌ڵام له‌ لێکۆڵینه‌وه‌یه‌کی پزیشکییه‌وه‌ له‌لایه‌ن دکتۆری تایبه‌تی خۆیه‌وه‌ کراوه‌ که‌ (چیکن پۆت) له‌ ده‌موچاو و سینگی هاتووه‌ ، ده‌رکه‌وتووه‌ که‌ خڕۆکه‌ سپییه‌کانی ناو خوێنه‌که‌ی که‌م ده‌کات به‌ ڕێژه‌ی له‌ 10% و قه‌باره‌شیان له‌ 1% گه‌وره‌ ده‌بێت ، پاش ئه‌وه‌ی نێردرا بۆ نه‌خۆشخانه‌ی ئۆڵدهام و به‌هۆی ده‌رهێنانی خوێن له‌ مۆخی پشتی ، ده‌رکه‌وت که‌ کاریگه‌ری چه‌کی کیمیاوی قه‌ده‌غه‌کراوی له‌سه‌ره‌ و له‌ ئاینده‌شدا ده‌بێته‌ هۆی په‌یدابوونی په‌ڵه‌ی سوور له‌له‌شیدا ، یان ئینفێکشنی له‌ش و لار .

شایانی باسه‌ ئه‌م نه‌خۆشه‌ که‌ ناوی (کاوه‌ی حاجی که‌ریم) ه‌ و دانیشتووی بازیان بووه‌ له‌ گوندی کڵاشکه‌ران سه‌ر به‌ شاری سلێمانی ، ڕاسته‌وخۆ به‌ر هێرشی کیمیاوی نه‌که‌وتووه‌ ، به‌ڵکو پاش دوو مانگ سه‌ردانی جێگایه‌کی کردووه‌ که‌ به‌ر هێرشی ئه‌و چه‌که‌ که‌وتووه‌ له‌ ناوچه‌ی گۆپته‌په‌.

بۆیه‌ ئاگاداری ته‌واوی خه‌ڵکی کوردستان ده‌که‌ینه‌وه‌ که‌ هه‌وڵی پشکنینی خۆیان بده‌ن له‌هه‌ر ڕێگایه‌که‌وه‌ بێت ، ئه‌م چه‌که‌ نه‌گریسه‌ی حکومه‌تی دڕنده‌ی عێراق به‌کاری هێنا دژی گه‌لی کورد ڕه‌نگه‌ ساڵه‌ها کاریگه‌ری به‌جێ بهێڵێت له‌دووای خۆیه‌وه‌.

www.chaknews.com

www.chak.be