په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٣٠\٣\٢٠١٣

    پایزۆک.

 

ئومێد قەرەنی

کاتێ دەمرم
بۆ دواجار گوێ لە پایزۆکێک دەگرم.
دواین نامە
لاى باسەرە جێدەهێڵم.

دەنووسم:
هیچ رووبارێک
نەڕژایە ژوورەکەم
تا گوێ بگرێ
تابووتە سەهۆڵییەکە چى دەڵێ؟

- بمبوورە
توانام خۆی ناشت
ئیدى چۆن جەستەى دۆلابار کۆکەمەوە؟
چۆن ئەودیوى پەنجەرەکەت
پرکەمەوە؟
چۆن بەر لەو هەموو هەڵخڵیسکانەى قەڵا بگرم؟

دەنوسم:
هەر چیم کرد
نە لە سەرابێک پەڕیمەوە و
نە لەم زەویەش دابەزیم.
_______________________________
پایزۆک: ئەو گۆرانییە کە منداڵە قەرەجەکان دەیڵێن لە کاتى گواستنەوەى هەواریاندا لە شوێنێکەوە بۆ شوێنێکى تر.
دۆلابار: مێردمنداڵێک بوو لە ساڵى (١٧٦٦) بە تاوانى شکاندنى پەیکەرێکى بچکۆلانەى مەسیح لە لایەن مەسیحیە توندرەوەکانى فەرەنسا سزادرا بە بڕینى هەر چوار پەل و زمانى.
باسەرە: مەبەست لێى ئەو بەرزاییانەیە کە با لێوەیانەوە هەڵدەکا.
 

 

omedqarane@gmail.com

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک