|
|
|
پێڵاوهاویشتن دوورە لە ره‌وشتی رۆژنامەنووسیی.
مونتەزەرى پێڵاوهاوێژ لای خۆی دەرچووى راگەیاندنى زانکۆیە و ماوەى پێنج ساڵە لەبوارى ڕاگەیاندن کار دەکات، رەفتارى راگەیاندنکارێک لەو شێوەیە، عروبەکان بەشانازییەوە لە تەلەفزیۆنى ئەلجەزیرەدا تەپڵ و هوتاهافیان لێدەدا کە نەوەیەکیان توانیوویەتى پێلاو بگرێـتە سەرۆکێکى وڵاتێکى گەورەى جیهان، پرسیارو گومان لێرەدا دروست دەبێت، ئایا ئەو پێڵاوهاوێژە گەر رۆژنامەنووس نەبووایە رێگاى کاروانى دەکەوتە ئەو جێگایە؟. ئەو رەفتارەى دوور لە کارى رۆژنامەنووسیی بنواندایە، بێگومان نەخێر هەمیشە رۆژنامەنووس بە پەیامنێرى نێوان دەسەڵات و گەل ناوزەند دەکرێت، کەسێک بەو شێوە بێت، دەبێت گەلەکەى چیبێت.
هەقە شەرم دامان بگرێت کە کورد دابەش بووە بەسەر نەتەوەیەکى خێڵەکى و دوور لە بەها ره‌وشتییه‌کان کەوا نوێنەرێکیان ئاوا ڕەفتار بکات، هیچ گومان لەوەدا نییە کە بۆش و بلێر و ئەحمەدى نەژاد و ئەسەد و ئۆردوگان پیاوى چەنگن لەژێر دەسەڵاتدارییەتى ئەواندا بەملیۆن ئینسان بوونەتە قوربانى بەملیۆن منداڵ بێنازى دایک و باوکایەتى بوون، تائێستا چەندین ملیۆن مرۆڤ ناتوانێت بەزمانى خۆى قسەبکات و بخوێنێت، بەڵام پێڵاوگرتن کە لەرێگاى رۆژنامەنووسێکەوەبێت، ئەمە دوورە لەرەفتارى رۆژنامەنووسی بەراستى گەر هاوڵاتییەکى ئاسایی بوایە تا ئاستێک بەڵام رۆژنامەنووسیی پیشیەکى جیاوازترە، کرداریکى لەم شێوەیە کە نەتەوەکەى هەڵپەرکێ و بەزم و بالۆرەى بۆ بگێڕێت دیارە هەمیشە لەچوارچێوەیەکى دیارکراوى تەسکدا بیر دەکەنەوە و ئه‌وه به‌ڵگه‌ی ئه‌وه‌یه که عروبە خۆى و ئایدۆلۆژیا و بیرکردنەوە کۆنەپەرەستەکانیان، بەکەڵکى ئەوە نایەن مرۆڤ سوودیان لێ‌وەرگرێ.
|
