له‌نێوده‌ریای سپیی چاوتا

تێکشکانی که‌شتییه‌ هه‌نگوینییه‌کانی

عیززه‌تی نه‌فسێ ئه‌بینم

به‌ده‌ست گێژاوی به‌خته‌وه‌

واخه‌ریکه‌

هێدی هێدی نغرۆ ئه‌بێ

ئه‌ی نه‌وره‌سی وێڵ و سه‌رگه‌ردانی که‌نار

ده‌پێم بڵێ

نیشتیمانه‌ ئه‌فسانه‌که‌ی خه‌یاڵی تۆ

چ ڕه‌نگێکه‌

تاکو منیش .. منی بێزار

له‌کۆڕه‌وو سواڵ و سه‌فه‌ر

له‌وه‌ستانی به‌ر په‌نجه‌ری ژووره‌کانی

کۆشکی مۆڵه‌تی مانه‌وه‌و

 له‌چاوه‌ڕوانیی به‌هه‌شتی دیموکراسی و

گێڕانه‌وه‌ی یادگاره‌ سوتاوه‌کانی

نیشیمانی گڕو سه‌قه‌ر

کاڵایه‌کت بۆ دروستکه‌م

پڕ به باڵای خه‌ونه‌کانت.

 یولیی 2008