|
نامەیەک کراوە بۆ
هەردوو بەڕێز وەزیری ناوخۆی حکوومەتی هەرێمی کوردستان و پارێزگاری
سلێمانی سەبارەت
بە خۆپیشاندانەکەی ڕۆژی شەممە ڕێکەوتی
1-3-2008
ی شاری سلێمانی.
هەروەکو ئاگادار کراونەتەوە لە لایەن ئامادەکەرانی خۆپیشاندانەکەوە ،
ڕۆژی شەممە هەندێک ڕێکخراو هەڵدەستن بە ئەنجامدانی خۆپیشاندانێک دژ بە
هێرشی ڕژێمی شۆفینی تورکیا بۆ سەر کوردستان ، خۆپیشاندانەکە لە بەردەم
زانکۆوە دەستپێدەکات بۆ پارکی ناڵی ، هەرچەندە خۆپیشاندانەکە دژ بە
بەرژەوەندی هیچ لایەنێکی کوردی نییە ، لێ بە پێی زانیاریمان هەموو
هەوڵێک خرایە گەڕ بۆ وەرگرتنی ئیجازە وەلێ لە قۆناغی کۆتاییدا وەڵام
نەدرانەوە ، ئێمە لێرەوە دوو داواکاری دەخەینە بەردەستان :
- هیچ ڕێگرییەک لە بەردەم ئەنجامدانی ئەو خۆپیشاندانە درووست مەکەن.
- پاراستنی ئەمنیەتی خۆپیشاندەران لە ئەستۆی ئێوەو هێزەکانی ئاسایشی
کوردستانە .
ناوەندی چاک
28-2-2008
www.chak.be
www.chaknews.com
chak_org@yahoo.com
___________________________________________________________________________
(هەڵوێستنامەى ناڕەزایى)
کۆمیتەی کفری ناوەندی چاک دژ بە پەلاماری ڕژێمی شۆفینی تورکیا بۆ سەر
کوردستان.
''چۆن تازە فەرامۆشى دەکا کوردى عیراقى
زوڵم و ستەمى تورک و جەفا و جەور و نیفاقى''
جەماوەری کوردستان
کەسوکاری سەربەرزی شەهیدان
جەماوەرى سەر بەرزى کفرى و گەرمیان
ئاشتیخوازان لە هەر کوێیەکى دونیادان
هەرگیز داگیرکەرانی کوردستان چاویان بە خێرى ئەم نەتەوە ستەمدیدەیە
هەڵنەهاتووە، بۆیە هەرکاتێک بۆیان دەستى دابێ ویستوویانە لە ناومان بەن
و ئەنفالمان بکەن تەنانەت بە چەکی کۆکوژی قەدەغەکراویش بێت . ئەوەتا لە
کاتێکدا کە ئاشتى و ئاسایش باڵى بەسەر هەرێمى کوردستاندا کێشاوە ،
هێزەکانى دەوڵەتى کەمالى سنوورى پیرۆزى کوردستان دەبەزێنن و بە تۆپ و
تانک و زریپۆشەکانیانەوە دەیانەوێ ئەنفالمان بکەنەوە لە بەکارهێنانی
چەکی قەدەغەکراویش سڵ ناکەنەوە .
ئەم سنوور بەزاندنە سەربازییەى لە 21ى ئەم مانگەوە دەوڵەتى تورک بۆسەر
خاکى کوردستان دەستى پێکردووە و هێشتا درێژەى پێدەدا، بە قازانجى کەس
تەواو نابێت ، بەدەر لە بەرژەوەندییە شۆڤێنییەکانى خۆیان ، بەمەش ڕووى
دیموکراسیەت لە وڵاتەکەیاندا شەرمەزار دەکەن و هەروەک بە
بەردەوامبوویشن لەسەر ئەو کردەوانەیان، بارى ئاسایشى هەرێم و عیراق و
ناوچەکەش بە گشتى بەرەو خراپبوون دەڕوات .
مێژوو ئەوەى سەلماندووە کە کورد هیچ کاتێک و لە هیچ شوێنێکدا لە زەبر و
زەنگ نەتۆقیوە و سڵى نەکردۆتەوە، بۆیە دەوڵەتى تورک خەیاڵى خاوە، ئەگەر
پێیوابێ بەو شێوەیە چاوترسێنمان بکات، بەڵام ئێمە نەتەوەیەکین هەمیشە
ئارەزووى ئاشتیمان بەهێزەترە، تا ئەوەى حەزمان بە شەڕ و کوشتارکارى
هەبێ..
بۆیە ئەمڕۆ ئێمە وەک کۆمیتەى کفرى ناوەندى چاک.. لە ئامێزى گەرمیانى
سووتماک کراوەوە، هەڵوێستى ناڕەزایى خۆمان لەهەمبەر ئەو داگیرکارییە
سەربازییەى تورکیا دەردەبڕین و داواکارین هەرچى زووە قەرەبووى زیان
لێکەوتووان بکرێتەوە و ئەو هێزە سەربازییانەش کە هاتوونەتە نێو خاکى
کوردستانەوە بگەڕێنەوە بۆ وڵاتى خۆیان و دەوڵەتى تورکیش لەوە بەرپرسیار
بکرێ، کە لەم هێرشانەیدا چەکگەلێکى قەدەغەکراوی بەکارهێناوە.
دواجار دەڵێین: ڕێگەى شەڕ و خوێن، هیچ چارەسەرییەکى بۆ کێشەکان نییە و
ژیانى مرۆڤانەش لە زەبرو زەنگدا جێگەى نابێتەوە ، دەبێت کێشەی کورد لە
باکووری کوردستان بەشێوەی دیالۆگ چارەسەر بکرێت ، ئەنفال و
کیمیابارانمان ناوێتەوە .
سەربەخۆیى بۆ کوردستان
کۆمیتەى کفری
ناوەندى چاک
www.chak.be
www.chaknews.com
chak_org@yahoo.com
27-2-2008
___________________________________________________________________________
کوردانی هۆڵەندا
ڕۆژی شەممە 1-3
دژ بە
تورکیالە شاری دەنهاخ خۆپیشاندان دەکەن.
هەرچەندە ئێمە پێشتر ڕامان گەیاندبوو ڕۆژی هەینی 29-2-2008 کاتژمێر 1 ی
پاشنیوەڕۆ لە بەردەم باڵوێزخانەی ئامەریکا لە شاری دەنهاخ خۆپیشاندان
ساز بکەین ، پێمان باش بوو ئەگەر ژمارەی بەشداربووان کەمتریش بێت لە
ڕۆژی دەوامی فەرمیدا ناڕەزایەتییەکە ئەنجامبدەین ، هەروەها باوەڕیشمان
وایە تورکەکان لە لوتبەرزیدا وەک جارانی پێشوو وەڵاممان نادەنەوە ، لە
سەروی ئەمانەوە لە هەستکرنمان بە بەرژەوەندی گشتی و داواکاری دڵسۆزان
بۆ یەکخستنی هەردوو خۆپیشاندانەکەی هۆڵەندا ، بۆیە بڕیارمان دا
خۆپیشاندانەکەمان هاوکات بکەین لە گەڵ خۆپیشاندانی ئەوڕێکخراوانەی ڕۆژی
شەممە کاتژمێر 1 ی پاشنیوەڕۆ لە بەردەم باڵوێزخانەی تورکیا ئەنجامی
دەدەن .
لێرەوە بانگەوازی هەموو لایەک دەکەین لەو خۆپیشاندانە جەماوەرییە بە
یەک دەنگ و یەک ڕەنگ بەشدار بن .
شەممە 1-3-2008
کاتژمێر 1 ی پاشنیوەڕۆ
شوێن : دەنهاخ بەردەم باڵوێزخانەی تورکیا ، لە سەنتراڵ ستاسیۆنەوە چەند
خولەکێک دورە .
کۆمەڵەی پێشمەرگە دێرینەکانی کوردستان- کۆمیتەی هۆڵەندا
ناوەندی گەشەپێدانی کەرکووک
کۆمەڵەی خوێندکارانی کوردستان
ناوەندی کوردی لە زوتەرمیر
کۆمەڵێک ڕۆشنبیر لە هۆڵەندا
ناوەندی چاک www.chaknews.com
___________________________________________________________________________
رێپێوانی دژ به ده‌ستدرێژیه‌کانى تورکیا بۆسه‌ر هه‌رێمی کوردستان.
جه‌ماوه‌ری به‌شه‌ره‌فی شاری سلێمانی وه‌ک
ده‌زانرێت ئۆپه‌راسیۆنی ده‌وله‌تی تورکیا بۆسه‌ر هه‌رێمی کوردستان به
ئامانجی داگیرکردن و زینده‌به‌چاڵکردنی
سه‌روه‌ریه به ده‌ستهاتووه‌کانه
هه‌ر بویه هه‌ردوو
نوسینگه‌ى ناوه‌ندى
چاک له سلیمانى و بروژه‌ى
به‌مه‌ى به
هاوکارى چه‌ندین ریکخراوى جه‌ماوه‌رىی
و
مه‌ده‌نى
تر بو شه‌رمه‌زارکردنى
ده‌ستدریژیه ناره‌واکانى
سوباى تورکیا بو سه‌ر هه‌ریمى
کوردستان ، روژى شه‌ممه
به‌روارى 1 3
2008 رێپیوانیکى هیمنانه له کاتزمیر 30 : 1
ى دواى نیوه‌رو له به‌رده
م زانکوى سلیمانى ساز ده‌کات تاوه‌کو
بارکى نالى .
به‌شداریکردنتان هه‌لویستیکى
نیشتمانیه .
ده‌سته ى ئاماده‌کارى
ریبیوان
دژ به ده‌ستدرێژیه‌کانى
سوباى تورکیا.
___________________________________________________________________________
بانگەوازێک بۆ
جەماوەری شاری سلێمانی بۆ بەشداریکردن لە خۆپیشاندانی ڕۆژی شەممە 1-3
جەماوەری ئازادیخوازی شاری سلێمانی شاری هەڵمەت و قوربانی
خوێندکاران ، قوتابیان ، ڕۆشنبیران ، نووسەران ،ڕۆژنامەنووسانی تێکۆشەر
، ئازادیخوازان
دایکان و خوشکان
پارت و لایەنە سیاسی و جەماوەرییەکان
ڕژێمی شۆفینی تورکیا لە سیاسەتی نکۆڵیکردن لە بوونی کورد و توانەوەی
نەتەوەکەمان لە باکووری نیشتمانەکەمان کوردستان بەردەوامە ، لە مێژووی
گەلەکەمان هەموو کات ئێوە لە پێشەوەی بەرخودان و بەرگری بوونە ،
داواتان لێدەکەین هەموو بە یەک دەنگ و یەک ڕەنگ بەشداری لە خۆپیشاندانی
ڕۆژی شەممە بۆ ناڕەزایەتی دژ بە پەلامار و داگیرکاری تورکیا بکەن ، با
هەموو پێکەوە بانگ بکەین نا بۆ داگیرکاری تورکیا ، بەڵێ بۆ چارەسەری
ئاشتیانەی کێشەی کورد لە باکووری کوردستان ، بەڵێ بۆ دەرچونە دەرەوەی
هەموو سوپاو سەربازگەکانی تورکیا لە سەر خاکی باشووری کوردستان .
ڕۆژی شەممە ڕۆژی سەلماندنی یەکڕیزی نەتەوەکەمان و هاوپشتی ئێوەیە لە
بزاڤیر ِزگاریخوازی باکووری کوردستان دژ بە داگیرکاری وڵاتەکەمان.
ناوەندی چاک نووسینگەی سلێمانی و پڕۆژەی پەمەیی و کۆمەڵێک لایەن و
ناوەند ڕۆژی شەممە 1-3 -2008 لە بەردەم زانکۆی سلێمانیەوە بۆ پارکی
ناڵی خۆپیشاندانێکی جەماوەری ساز دەکەن ، داواتان لێدەکەین هەموو
پشکداری لەو خۆپیشاندانە بکەن و پەیوەست بن بە ڕیزەکانیەوە ، با هێزی
خۆمان دژ بە داگیرکردنی نیشتمان و پێشێلکردنی سەروەرییەکەی بهێنینە
مەیدان ، تەنها ئیرادەی نەتەوەو یەکڕیزی کوردە دەتوانێت خەونی
تۆڕانییەکان لە زیندە بەچاڵکردنی ویستەکانمان تێک بشکێنێت .
بژی یەکڕیزی کورد
بژی جەماوەری خۆڕاگری شاری سلێمانی
ناوەندی چاک
28-2-2008
www.chaknews.com
www.chak.be
|
