|
|
|
٢١\٤\٢٠١١ کورد و ئیسرائیل.
ئێمە زۆر جار خۆمان خۆمان بەرەو هەڵدێر دەبەین بێ ئەوەی خۆشمان بزانیین چی دەکەین و چی ناکەین ئەمەش نیشانەی بێ پلانیی و بێ تێڕۆانینە بەرەو کارەکان و توانەوە لە ناویاندا.
توێژینەوەکە لەوە دەستپێدەکا کە ئیسرائیل بۆی دەرکەوت کە لە ساڵی 2020 رێژەی یەهودی و عەرەب لە قودسی داگیرکراو یەکسان دەبێتەوە و دەبێ لوبی یەهودی بۆ ئەوە کار بکا و بگەنە ئەنجام نەک وەک حکومەتەکەی ئێمە تا لیمان گیر نەبێ بیر لە چارەسەر ناکەینەوە تەماشا کەن ئێمە لە سالی 2007 دوو هەزار و حەوتین و کەچی ئەوان بۆ ساڵی دوو هەزار و بیست کار دەکەن کە چۆن گرەو ببەنەوە..
با بگەڕێنەوە سەر توێژینەوەکە و هەر لە
رۆشنایی ئەو توێژینەوە حکومەتی ئیسرائیل لە ماوەی یەک هەفتەدا بڕیارێکی
دەرکرد بۆ ئەو یەهوودیانەی کە زەوی ئیسرائیلیان بەجێهێشتووە و چوونەتە
دەرەوەی وڵات دەکرێ بگەڕێنەوە و لە بەرتی ئەو گەڕانەوە بۆ باوه‌شی خاک
ئەوا حکومەتی ئیسرائیل هەر خێزانێکی ئیسرائیلی گەڕاوە بڕی سەد و بیست
هەزار شەنگلی دەداتێ کە دەکاتە نزیکەی (40000) چل هەزار دۆلاری ئەمریکی
ئەمە بێ لەوەی ئەو کەسەی دەگەڕێتەوە بە ئارەزووی خۆی کوێی بووێ لێی
دانیشێ ئەوا حکومەت لەو جێگه‌یەی ئەو ئارەزوویەتی کۆشکی بۆ لێ دەدا و
هەموو پێداویستیەکانی خێزانیشی پێ دەبەخشێ بە مەرجێ ئەوانیش پابەستی
ئەوە بن کە جارێکی تر بیر لە بەجێهێشتنی ئیسرائیل نەکەنەوە و سەرباری
ئەوەش کە بۆ ماوەی چەند ساڵ لە باجی دەوڵەتی سەرفرازیان دەکا و بگرە بە
ئارەزووی خۆیان لە پانتایی ئیسرائیلدا بۆیان هەیە بگەڕێن و نیشتەجێ بن.
باشە خۆ ئیسرائیل هیچ هەڵبژاردنێکی لە پێشدا نییە لە ماوەی سیازدە ساڵەی داهاتوو کەچی بۆی کار دەکا هەرچی ئێوە تەنها ماوەیەکی کەمتان ماوە بۆ ئەوەی هەڵبژاردنێکی چاره‌نووسساز لە شارێکتاندا ئەنجام بدرێ ئا بەو جۆرە کاری بۆ دەکەن.. ئەوه مەبەستم ئیسرائیلە دەڵێ وەرەوە لە هەر کوێیەکی ئیسرائیل دەتەوێ دابنیشی ئەوا من کۆشکت بۆ لێدەدم کەچی ئێوەش ئەو هەمو کوردەتان هێنایەوە لە کەرکوکدا بێ ئەوەی بە کامی دڵی خۆیان لە جێگه‌یەکی باش و گونجاو زەویان بدەنێ کەچی وەکو نیزامی بەعسەکە هەموویانتان لە کونە رێوی تەپاند و ناوتان لێ نا پەنجا عەلی و فەیله‌ق و رزگاری و بارزان و هەر یەکەو سەد مەتر زه‌وی (تەجاوز)تان پێدا و دواتر نە خزمەتگوزارییەک و نە ئاوێک و نە کارەبایەک و هەمووتان لە بن چادردا کۆکردەوە و ناوتان نا ئاوارەکانی کەرکوک بگرە ئەوەندەی ئێوە بە چاوی سووکەوە تەماشاتان کردن لە لای خەڵکی کەرکوک ئەوانەی کەرکوکیان بە جێنەهێشت لە هەر بارودۆخێکدا ئەوا بە چاوێکی ترەوە تەماشا دەکرێن.
دوای چوار ساڵی رزگارکردن هێشتا منداڵانی ئاوارە لەسەر زەوی و لە بن چادردا دەخوێنن کەچی ئیسرائیلش پێش سیازدە ساڵ بیر لەوە دەکاتەوە ئەگەر ئاوارەکانیان بگەڕێنەوە چییان بۆ بکرێ، ئەوە نیشانەی یەک گرتنە لە لای ئەوان و پەرتەوازەییە لە لای ئێمە.. بەڵام گەر بمانەوی ستایشی خۆمان بکەین ئەوا ئێمە لە زۆر وڵاتی جیهان چاکترین وەک بەرپرسەکانمان دەێڵێن.
|
|
|
