١\١١\٢٠١٣

پەرلەمانتارانی ئەڵمانی و فیدراسیۆن و ئۆڕتە

دژ بە لەسێدارەدانی ١٨ زیندانی سیاسیی لە ئێران دەوەستنەوە.

لە راگەیەندراوی رۆژنامەوانی: لەسێدارەدانی ١٨ زیندانی سیاسی لە ئێران نایەتە قەبوڵکردن.

لە ئێران لە ٢٦ ی ئۆکتۆبەر بەگشتی (١٨) زیندانی سیاسی لەگرتووخانە جیاوازەکاندا لەسێدارەدران ، لەناویاندا حەبیبوڵڵا گوڵپەری (تەمەن ٣٠) ساڵ و ڕەزا ئیسماعیلی (تەمەن ٣٥ ساڵ) هەبوون ، دوو سیاسەتمەداری کوردی سەربە (پارتی ژیانی ئازاد) ئەو دووگیراوە پێنج ساڵ لەمەوبەر بەهۆی ئەشکەنجەدان و دانپیادانانی ناڕەوا و بەبێ بوونی پارێزەری بەرگریکاری پێوویست بەتاوانی موحارەبە حوکمی سێدارەیان بەسەردا سەپێنرا . هەروەها دوای حوکمبوونیان لەزیندان دووبارە بەردەوام ئەشکەنجەدراون . ناوی لەسێدارەدروانی تر هێشتا نەزانراوە ، کە بەڕگەز( بەلوج)ن.

حەبیبوڵڵا گوڵپەری پور لە ورمێ لەسێدارەدرا ، جەنازەکەی تا ئێستا نەدراوەتەوە بنەماڵەکەی . ڕەزا ئیسماعیلی لە سەڵماس - ورمێ لەسێدارەدرا ، دوای لەسێدارەدانی لەلایەن هێزەکانی ئاسایش دەخرێتە ناو گۆڕێک ، دواتر خزم و کەسی توانیان جەنازەکەی لەگۆڕەکە دەربهێنن و بیبەنەوە بۆ زێدی خۆیان ، لەسەر جەستەیدا شوێنەواری ئەشکەنجەی سەخت بەدیکرابوو ، ئیسماعیل دوای ئەوەی سزای لەسێدارەدانی بۆ دەرچوو ، دواتر ئەو سزایە بۆ ٢٥ ساڵ زیندانیکردن گۆڕدرا، ئێستاش بەدەر لەهەموو یاسا نێودەوڵەتیەکان لەسێدارەدرا.

ڕێکخراوەکانی مافەکانی مرۆڤ بەقوڵی ناڕەحەتی خۆیان دەربڕی ، بەپێی ڕاپۆرتەکان لەمانگی نۆڤێمبەر هەردوو زیندانی سیاسی زانیار مورادی و لوقمان مورادی سزای لەسێدارەدانیان بەسەرداجێبەجێدەکرێ ، ئەو دوو گیراوەش بەهەمانشێوە لەئەنجامی ئەشکەنجە و دانپیدانانی ناڕەوا و دادگایکردن بەبێ بوونی پارێزەر و بەرگریکاری پێوویست ، بەتاوانی دژایەتی کردنی خودا (موحارەبە) سزای لەسێدارەدانیان بەسەردا سەپێنرا ، بەهۆی ئەشکەنجەدانیان بارودۆخی تەندروستیان خراپە . بەهەمانشێوە چوار کوردی سوننە لەوادەیەکی نزیکدا پلانی ئەگەری لەسێدارەدانیان هەیە.

حەسەن ڕۆحانی سەرۆکی نوێی ئێران ، لەهەڵبژاردنەکاندا پەیمانیدابوو کاربکات لەسەر دانپیادانان بەمافەکانی کەمە نەتەوەکان و هەوڵدان بۆ دیالۆگ لەگەڵ کەمینەکانی ئایینی و کولتوری و پێشخستنی ڕێچکەی یاساییەکان . لەسێدارەدانی زیندانیانی سیاسی کورد و بەلوج ، لێدانێکی نامرۆڤانەیە و ئاماژەیەکی کاولکەرە بەئاڕاستەیەکی چەوت . ئێران پێویستە لەبری ئەوە لەسەر کولتورە دەوڵەمەند و جیاوازەکان کاربکات ، بەپڕاکتیک ئەشکەنجەی سیستەماتیک کۆتایی پیبهێنێت و بنچینەی کۆمەڵگا دیموکراتیزە بکات.

ئێمە ئەشکەنجە و لەسێدارەدان وەکو هۆکار بۆ چارەسەری کێشەکان ڕەتدەکەینەوە.

ئێمە بانگەواز لە حکومەتی ئێرانی دەکەین پلانی لەسێدارەدانی زانیار مورادی و لقمان مورادی جێبەجێنەکات.

٣٠\١٠\٢٠١٣

- ئولا یێلپکە، ئەندام پەرلەمانی ئەڵمانیا، لیستی پارتی چەپ (دی لینکە)
- هاڕاڵد ڤاینبێرگ، ئەندام پەرلەمانی ئەلمانی ، لیستی پارتی چەپ (دی لینکە)
- باربارا کاردەنیس، پەرلەمانتاری هەرێمی هێسن، پارتی چەپ (دی لینکە)
- ماریۆن پادوا، ئەنجوومەنی شاری نۆرنبێرگ، پارتی چەپ (دی لینکە )
- یەلماز کابا، ئەندامی بەرێوەبەری هەرێمی نیدەرزاکسن، پارتی چەپ (دی لینکە)
- مارتین دۆلزەر، کۆمەڵناس
- فیدراسیۆنی زیندانیانی سیاسی کوردستان
- رێکخراوی نەهێشتنی ئەشکەنجە و لەسێدارەدان - ئۆڕتە