|
٢٤\١٢\٢٠١٠
پەرلەمانتارانی
لیستی کوردستانیی یان ئەندامانی مەجلیس
تەشریعی نوێ.
قادر نادر
ڕەنگ بێت ئەو مانشیتە هەستی زۆر
پەڕلەمانتاری کوردستانیی بریندار بکات و
بەتۆمەت و بێویژدانیەکی زۆر گەورە لێک بدەنەوە . بەتایبەتی کەهەندێکیان
لەنزیکەوە دەناسم...بەڵام هەرچەند سەیری رەفتار و دەست بەرزکردنەوە
بەردەوام و بێهەلوێستی پەڕلەمانتارانی ئەو لیستە لەبەغدا و کوردستان ،
بۆ بریارەکانی حزب نەوەک نەتەوە بەرامبەر دەیان و سەدان تاوان و ناپاکی
و بێ یاسایی بەرپرسان و هەوڵدان بۆ فەساد و زەلیل و تێکشکاندنی کەسیتی
کۆمەڵگای کوردی بەدەست ئەو ٢ پارتە دەکەم ، وە بەپێچەوانەی ئەو
بەرپرسیارەتیە مێژویەی لەسەر شانیانە و سوێندە دەستوریەیە خواردیان ،
کار دەکەن . ناتوانم درۆ لەگەل ویژدانی خۆم بکەم . چونکە هەردو گروپ (کوردستانی
و تەشریعی ) لەپیناوی رازیبونی دڵی حزب و سەرۆک و کورسی و موچەکانیان ،
بێدەنگ و دەست بەرزکەرەوەی سیاسەتە پڕ لەتاوانەکانی سەدام وبارزانی
وتاڵەبانین
تاکە جیاوازیەکیان ئەوەیە ئەندامانی تەشریعی لەبڕی دۆلار دیناری
سویسڕیە ، و لەبڕی کڕنۆش بۆ حزب و قائید ی
عروبە ، کوردیە . بۆیە لێرەدا داوا لەپەڕلەمانتارانی لیستی کوردستانی
لەهەموو قۆناخەکان بەتایبەتی ئەوانەی هاوڕێمن یان دەیاناسم ئەگەر
توانیویانە بۆ یەک جار هەلوێستێکی بوێرانە لەبەردەم میدیاکان دژ بەحزب
و سەرۆکەکانیان لەسەر دەیان تاوان کردوە یان یەکێکیان توڕی لە کورسی و
دۆلار داوە . دەستی کێشاوەتەوە ، مانی گرتوە . ئیدانەی هەلوێستی
حزبەکەی کردوە لەسەر دزینی داهاتی بەترێلە دۆلار و بە هەولدانیان بۆ
فەساد وزەلیل کردنی کۆمەلگا لەڕیگای دەسەڵات تاداوای لێبوردنیان لێ
بکەم . بەلام بەدەستە خۆم نیە کاتێک دەبینم لەناو دەیان هەلوێستی ١٦
مانگەی تەنیا ئەم خولەی پەڕلەمان ، لەتیرۆری ڕۆژنامەنوسان ، دزینی
بودجەی خەلکی کوردستان بۆ حزب و پۆڵی بەرپرس ، دڕیژەدان بەبێیاسایی
بەرپرسان و هەتککردنی دادگا و یاسا بەدەست حزب و پۆلێ بەرپرس دەرکردنی
یاسای دژە دیموکراسی دەنگ وڕەنگیان لەسەنگەری گەلەوە نیە ، کەچی دێن
قسە و بایکۆتی دانیشتنی پەڕلەمان دەکەن ، لەسەر وشەی جێندەر ؟ وە تەنیا
ئەوە بەسوکایەتیەکی گەورە دەزانن نەوەک سەدان تاوانی تری پارتی ویەکێتی
، کە لە ڕێگای
دەست و دەمە بەناو یاسایەکەی ئەوان بۆتە پردێک بۆ جێبەجێکردنی تاوان و
ناپاکی بەرپرسان .
نوێترین تاوانی لیستی کوردستانیی دەرهەق بە
خەلکی ئازادیخوازی کوردستان دەنگدانیان بوو بە یاسای خۆپیشاندان
کەبەپیی ئەو زانیاریانە ی باس دەکرێت تەنیا لەم لیستە دوو
ئەندامیان دژی ئەو یاسایە دەنگیداوە ( رەفیق سابیر و دانا سەعید سۆفی )
ئەگەرنا بەکۆی دەنگیانەوە دەستە ناپاک و کۆیلەبونی خۆیان بۆ مەکتەب
سیاسی پارتەکەیان دوپات کردۆتەوە . وەبەپێ هەمان زانیاری لیستی ئازادی
و عەدالەت و زەحمەکێشانەکەی قادر عەزیز وحەمەی حاجی مەحمود ئەوانیش وەک
کۆیلەی تالەبانی و بارزانی دژ بەبەرنامە و دروشمەکانی خۆیان هاوشیوەی
لیستی کوردستانی دەنگیان بە و یاسایە مەترسیدارە داوە ؟ . پرسیار بەندە
ئەوەیە هەموو ئەو پەرلەمانتارانەی لیستی کوردستانی هەست ناکەن ئێوە بەو
دەست بەرزکردنەوانە گەورەترین تاوان و پالپشتی لە دز و گەندەڵ و
سیستەمیکی نادیمکراسی دەکەن ؟ هەست ناکەن ئێوەش وەک کۆنە ئەندامانی
مەجلیس تەشریعی و تەنفیزین ؟ هەست ناکەن ئەگەر ئێوە واژوی یاسایەکەی
خۆپیشاندانتان نەکردایە هەرگیز بارزانی نەیدەتوانی بیکاتە بەیاسا ؟
لەیادتان نەچیت هەر کەسیک سبەی لەسەر ئەو یاسایە گیرا یان شەهید کرا
ئەوا دەستە ناپاکەکانی ئێوە بەشدارە تیایە .
ئاخر هەر دوێنی بوو خەلکتان لە
گۆران و یەکگرتوو هان دەدا کە لەگەل
بەعسیەکان لە قاهیرە و موسل دانیشتون و
پەیوەندیان لەگەل موتەلەگ و نوجێفی هەیە ؟ کەچی .ئەوا هەمومان باوەش و
موچەکەی تالەبانی و نجێفیمان بینی چۆن لەپێناوی کورسیەکەی باوەشیان
بەیەکد اکرد ؟ هەردوێنیش بوو براکانتان لەهەمان لیست دەنگیان بە
هەلگرتنی سزا بەسەر موتەلەگ و هاوڕێیە بەعسیەکان دا؟
لەیادتان نەچیت ئەمڕۆ لەپێناوی ٤٠ هەزار دۆلاری ئۆتۆمۆبیل و خانووەکی
نایابی پلەیەک لە هەولێر دەستتان بەرز
دەکەنەوە وەک کۆیلە زەلیلن لەبەردەم پۆلێ بەرپرسی تاوانبار و ناپاک .
وەلێ سبەی مێژوو هەیە هەموو ئەو دەست بەرزکردنەوانەو وتەکانتان دەداتە
بەر هەلسەنگاندنی بەو سوێندە دەستورریەی خواردتان . ئافەرین بۆ ئەو
پەرلەمانتارەی ناکەوێتە بەر نەعلەتی مێژوو نەوەکانی داهاتوو .بڕۆن بڕۆن
..ئەزمون لە کەرامەتی نەتەوەیی و بوێری و
خۆشەویستی بۆ نیشتمان لە بەدەتەوە فێربن .
ماڵپه‌ڕی قادر نادر
|
