پێشوازیی شاندی PAK

له‌ رێکخراوی نۆروێژی پارێزگاری کردن له‌دۆزی کورد.

PAZADIK:سه‌عات 20:00 رۆژی چوارشه‌ممه‌12 به‌فرانباری 2707 رێکه‌وتی 2 ژانویه‌ی 2008، به‌ڕێز حسه‌ین یه‌زدانپه‌نا جێگری سه‌رۆکی پارتی ئازادیی کوردستان به‌یاوه‌ریی هه‌ڤاڵان شه‌ماڵ پیران کۆردیناتۆری کۆمیته‌ی ناوه‌ندی و هامنۆ نه‌قشبه‌ندی سکرتێری مه‌جلیسی گشتیی PAK، پێشوازییان کرد له‌شاندێکی رێکخراوی نۆروێژی پارێزگاری کردن له‌دۆزی کورد به‌سه‌رۆکایه‌تی پارێزه‌ر ڤیدار بیرکه‌لاند.

   سه‌رۆکی شاندی ناوبراو مه‌به‌ستی سه‌ردانه‌که‌یانی ئاگادارکردنی پارتی ئازادیی کوردستان له‌ئامانج و چالاکییه‌کانیان و تێگه‌یشتن له‌باروودۆخی هه‌نووکه‌یی رۆژهه‌ڵاتی کوردستان و خه‌باتی پارتی ئازادیی کوردستان، راگه‌یاند.  

   له‌وتووێژێکی دوو سه‌عاتیدا، کۆمه‌ڵێک پرس و بابه‌تی پێوه‌ندیدار به‌دۆزی کورد خرایه‌به‌ر باس. له‌کۆتایی چاوپێکه‌وتنه‌که‌دا هه‌ردوولا له‌سه‌ر درێژه‌دان به‌پێوه‌ندییه‌کانیان و هاوکاری له‌سه‌ر مه‌سه‌له‌کانی جێی بایه‌خی هه‌ردوولا پێیان داگرت.

پارتی ئازادیی کوردستان

کۆمیته‌ی راگه‌یاندن

13 به‌فرانباری 2707

3 ژانویه‌ی 2008