|
٢٨\٨\٢٠١٠
پێشوازی
مه‌رگ.
کامه‌ران
هه‌ڵوه‌دا
ئه‌گه‌ر وابێت
و مردن
په‌رده‌ی رازی گه‌ردوون دادڕێ
ده‌رگه‌ی ئه‌ودیوی دنیام بۆ بکاته‌وه
ئه‌گه‌ر وابێت و مردن
تارماییه‌کان بتارێنێ
ئێستاش و دوێنێم
ئاڵقه‌ڕێز،
خه‌ون و خولیاشم بشواته‌وه
چۆنی میوانداری ناکه‌م
ده‌رگه و ده‌لاقه و په‌نجه‌ره‌م له‌سه‌ر پشتن
به ئاواتم
ئاوڕێکم لێداته‌وه...
ئازادی.
ئازادی
کاڵایه‌کی ئاودامانی ره‌نگاوڕه‌نگه
له سه‌دان جار، جارێک
خه‌یاتی چاره‌نووس بۆمان ده‌دروێت
ئه‌و یه‌ک جاره‌ش
یان نیشتمانمان هێند کورته باڵایه
گه‌ز و نیوێک له دوویه‌وه ده‌خشێت،
یان هه‌ر شایانی خۆیه‌تی و
ئێمه‌‌ین یه‌خه‌ی پێ
داده‌دڕین
وه‌ک گه‌نجێکی برسی شێت
و وێت!
ماڵپه‌ڕی
کامه‌ران هه‌ڵوه‌دا
|
