|
|
|
٢١\١١\٢٠٢٠ پراکتیزەکردنی سیستەم.
ئارام ئازاد
جا ھەموو ئەوانەی کە باسکران با بھێنینەوە مەیدانی واقیع و بەرجەستەی خۆمان، میللەتی کورد ئەمڕۆ بەشێکە لەم یارییە بەتایبەت لەم چەند ساڵەی دوایی دەسەڵاتی کوردی بۆ ئەوەی چەندین بابەتی زۆر ھەنووکەیی و گرنگ لەبیر خەڵک بباتەوە، چەندین جار ئەم شێوازەی بەکارھێناوە جا ھەر لە دروستکردنی چەندین بابەت لەوانە پارە خەرجکردن لە تۆڕە کۆمەڵایەتییەکان و دروستکردنی چەندین کەسایەتی ساختە یا بە دروستکردنی ڕووداوی بە ئەنقەست یا بە درێژکردنەوە و گەورەکردنی رووداوێکی بارێکی رۆژانە، ئەوانە ھەموو مێشکی گەل بەرەو لایەکدا لاسەنگ دەکەنەوە کە بە دڵی ئەوانە. سەرلێشێواندن بەشێکە لەم شێوازە، کە رووداوێک روویداوە ئایا کێ ھۆکارە؟ ئایا پەیوەندی بە کێوە ھەیە؟ ئەی ھۆکاری روودانەکەی چیە؟ ئەگەر بە شێوەیەکی گشتیی ئەم پرسیارانە دروست ببن ئەوا دڵنیا بن کەسانێک ھەن کە پیشەیان شێواندنی ئەم جۆرە رووداوانەیە بە شێوەیەکی رێکخراو و پتریش لە رێی میدیاوە دەیکەن بۆ ئەوەی بگاتە ھەمومان ھەتا ئێرە شتێکی ئاساییە چونکە پیشەی ئەوانە، ئەوەی ئاسایی نییە ئەوەیە کە ئەم ڕوداوانە بە مەبەستی لێدانی چەندین کەسایەتی یا دەستە یا دامەزراوەی گەورە بەکارھێنراوە.
کێشەی بنچینەیی ئەوەیە خەڵک خۆی لەگەڵ ئەم گێژاوە ڕاھێناوە و ھەوڵی ئەوە نادا کە خۆی لێکدانەوەیەکی دروست و لۆژیکیی بۆ بکا چونکە دەرفەتی تێهزرینیان نەھێشتۆتەوە، بەڵام لەوە تێناگەن کە یەکێک لە بنچینەکانی میدیای لایەندار ئەوەیە (درۆ بکە، درۆ بکە،درۆ بکە، تا باوەڕت پێ دەکەن)ە. ئەی چی بکرێ بۆ ئەوەی بەسەر ئەم شێوازەدا زاڵ بین؟ بنچینەییترین خاڵ ئەوەیە کە مرۆڤ بەھای مرۆڤبوونی خۆی بزانێ بە بیرکردنەوەی تەندروست و لۆژیک و ھەبوونی ڕای گونجاو لە کاتی گونجاو بۆ ھەر بارودۆخ و هەڵوێستێک مەرج نییە دەریببڕێ بەڵام مەرجە کە ڕای ھەبێ، دێکارت دەلێ (من بیردەکەمەوە، کەواتە ھەم).
|
|
|
