پیرۆزبایی !!!

کۆسار ئه‌مجه‌د حه‌مه‌که‌ریم

پیرۆزباییه‌کی فێنک فێنک ده‌که‌ین له‌ (مه‌سعود بارزانی - وه‌ک سه‌رۆکی هه‌ردوو بنه‌ماڵه‌ی بارزانی و تاله‌بانی) و ( که‌مال که‌رکوکی - وه‌ک سه‌رۆکی په‌رله‌مانی حیزب) و ( به‌رهه‌م ساڵح - وه‌ک سه‌رۆکی حکومه‌تی شاری سلێمانی) و (کاندیده‌ براوه‌کانی لیستی ته‌وره‌که‌ - وه‌ک کۆمه‌ڵه‌ فه‌رمانبه‌رێکی (نه‌وشێروانی رێژه‌ی نه‌گۆر - ٢٢ له‌سه‌ر ٧) و (جه‌لال تاڵه‌بانی - وه‌ک (ئه‌گه‌ر کرا) سه‌رۆکی کارتۆنیی داهاتووی کۆماری ئێراقی عه‌ره‌بیی و ئیسلامیی). هیوادارین له‌و چوار ساڵه‌شدا بتوانن پتر و پتر بانکه‌ ئاشکرا و شاراوه‌کانیان پڕتر بکه‌ن و میلله‌تیش (مه‌مره‌ و مه‌ژی) بژیێنن و کێشه‌ی که‌رکوک و ناوچه‌ دابڕکراوه‌کانیتر و سه‌ربه‌خۆیی کوردستانیش با هه‌ر (با)ی لێبدا !

پیرۆزباییه‌کی گه‌رم گه‌رمیش ده‌که‌ین له‌ (هه‌موو مه‌یخۆره‌وان و ئه‌وانه‌ که‌ له‌ مانگی ره‌مه‌زان به‌رۆژوو نابن) چونکه‌ یاسا بڕیاری داوه‌ نه‌توانن به‌ ئاشکرا بخۆن و بخۆنه‌وه بۆ ئه‌وه‌ی شانشینه‌ دیموکراسیی و عه‌لمانیی و دادپه‌روه‌ره‌که‌مان له‌که‌دار نه‌بێ ! ‌ هه‌روا پیرۆزباییه‌کی جوان جوانیش ده‌که‌ین له‌ (ژنانی کوردستان) چونکه‌‌ ره‌مه‌زانه‌ و ناتوانن به‌ ئازادیی سه‌ریان کۆت بکه‌ن و خۆیان بڕازێننه‌وه‌ بۆ ئه‌وه‌ی حکومه‌ت و کۆمه‌ڵگا‌ مۆدێرنه‌که‌مان تووشی (فیسق و فه‌ساد)یی نه‌بن!