|
١\٤\٢٠١٨
پرسیارە بێ
وەڵامەکان.
فەتاح حەسەن
بەرلەوەی هەنگ، بە
مرۆڤەوە با..
دەزانێ بۆ خۆشی دەمرێ؟
*
* *
ئەگەر مرۆڤە تەنهاکان،
پەییان
بە کۆدی تەنیایی یەکتر ببردایە
ژیان ئاوا بێتام دەبوو؟
*
* *
کامیان لەبەر دڵانە
ئەو راوچییەی
راوکردووت رانی کارمامزێکی
دەرخوارد دەدات
یان
ئەوی فێرە راوت دەکات؟
*
* *
گەر لە زمانی پەپوولەم دەزانی،
لێمدەپرسی
زیاتر ئاشقی گڕە یا.. رووناکیی؟
*
* *
کۆکردنەوەی ئاردی ناو دڕك
بە پێی پەتی ئاسانە،
یا..
ئاسوودەکردنی یار؟
*
* *
خونچە، کە، دەپشکوێ
دەبێت بە گوڵ
دەزانێ بۆنی خۆشتر دەبێ؟
*
* *
گەر گوڵەباخ، دڕکی نەبێ
جوانی و بۆنخۆشیی،
ئێستای دەبێ؟
*
* *
کەس گوڵی ناشرینی دیوە؟
هەموو گوڵێك جوانە
ئەدی بۆچی
لە دنیای عیشق دا
تەنها، گوڵەباخ
دیاری دەستی عاشقانە؟
*
* *
لە جێی کورتان
زین لە کەر نێی
دەبێتە ئەسپ؟
٢٠١٧
- دانیمارك / ڤالبی
ماڵپەڕی فەتاح حەسەن
|
