به‌ندی عه‌لی

  چ بونه‌وه‌رێکی سه‌یرین

ئێمه‌ی مرۆڤ

تێکه‌ڵه‌یه‌ک له‌قومی بێباکی که‌نار

چه‌مه‌ لیخنه‌کانی ئه‌مڕۆ و

چڵه‌ ریحانه‌یه‌کی ووشکی یادگار و

گابه‌ردێکی به‌جێماوی ئه‌شکه‌وته‌که‌ی

شه‌وانی چاخه‌به‌ردینه‌ و

 گۆچانێک له‌پرسی ڕزیو ؛ 

ئێمه‌ی هێلکه‌ 

له‌که‌یه‌وه‌ تروکاوین 

چۆن دروست بووین

 بۆ کوێ ئه‌چین

 ئه‌م هه‌موو ڕه‌نگه‌ جیاوازه‌

کێ پێی به‌خشیین

ئه‌دی بۆچی ، له‌یه‌ک ناگه‌ین

ته‌نانه‌ت گه‌ر

هه‌موو به‌یه‌ک زمان بدوێین

له‌گشت ئه‌مانه‌ش سه‌یرتر

وای پێ ئه‌چێ ، تا فه‌نابوون

وه‌ڵامێکی ڕوون و ڕه‌ها

!.. هه‌ر نه‌بیستین

زستانی 2009