|
٢١\١٠\٢٠١٠
پشتگیریی
و دەستخۆشیی
لە
بنەمالەی قوربانیانی دەڤەری پشدەر دەکەین.
 ئەمڕۆ
لەدەڤەرێکی تری کوردستان هاوشێوەی بنەمالەی قوربانیانی کۆیە ، بنەمالەی
قوربانیانی پشدەر جاری کەمپین و نارەزایەتیان دژ بە جەلادێکی تری
کۆمەلکوژی کورد و دەڤەرەکەیان ( عەباسی بایز ئاغا) و ( براهیم کانەبی )
راگەیاند ئەو دوجەلادەی کەلە دادگاکانی عێراق و کوردستان ٧ سالە بریاری
گرتن و لێپێچێنەوە لەبەردەم دادگایان بۆ دەرکراوە ، وەلێ ئەفسۆس ماڵی
لەبەرامبەر پەرلەمانی کوردستانە و شاهانەش ژیان دەگوزەرێنی و لەچەندین
دیداریشدا بەراشکاوی رای دەگەینێت تا سەرۆکی هەرێم ( بارزانی) نەلێت
ئەو ناچێتە بەردەم دادگا. لەکاتێکدا ٤٧ داوای یاسایی لەسەرە
چاودیری کوردۆساید هەروەک قۆناخەکانی پێشوی لەگەل بنەمالەی قوربانیانی
دەڤەری پشدەر خۆی بە پالپشتی سەرەکیان دەزانێت و بەهەموو هێزو توانای
مەعنەوی و کۆمیتەکانی پشتگیری داخوازیە رەواکانیان دەکات و داواش دەکات
دەسەلاتی کوردی بەگشتی و بەرپرسانی پارتی ویەکێتیش بەتایبەتی ڕیز
لەیاسا بگرن و سەرجەم تاواننبارانی گەلکوژی کورد لەبڕی ڕیزگرتن و
پلەدانی سیاسی و ئیداری ، ڕاپێچی دادگاکان بکەن با یاسا و دادگا
یەکلاکەرەوەی تاوان و بێ تاوانیان بێت. وەلێرەشەوە بەبەڕیز پاڕیزگاری
هەولێر دەلێن فەرموو ئەوە تاوانبارێک کە ٤٧ داوای یاسایی لەدادگاکانی
کوردستان لەسەر تۆمار کراوە کەچی لەپایتەخت دادەنیشی و تەسلیم بەدادگای
بکە بۆ ئەوەی هەست بکەین یاسا لەپایتەخت لەسەر هەموو تاکێکە
لەکۆتایش دەست خۆشی لەو هەلوێستە بوێرانە و مەیدانیانەی خەلکی دەڤەری
پشدەر دەکات کەهاوشیوەی بنەمالەی قوربایانی کۆیە هاتونەتە مەیدان
وەهەرلێرەشدا رای دەگەیەنین کەچاودێری کوردۆساید خەریکی گفتوگۆو ئامادە
سازیە لەئەورپاو کوردستان بۆ ئەنجامدانی نارەزایەتی و چالاکی نواندن بۆ
پشتگیری و پالپشتی داخوازی بنەمالەی قوربانیان کەخۆی لەدادگایی
جەلادانی گەلکوژی نەتەوەکەمان دەبینێتەوە.
چاودێری کوردۆساید /
چاک
٢٠١٠\١٠\٢٠
www.kurdocide.com
kurdocide@hotmail.com
|
