|
١٠\٤\٢٠١٢
پتر
لە ١٠٠٠ بیانی، کە لە ناویاندا گروپی ئەننانیۆسی ھاکەر و داگیرکردنی
ھیومان رایت ۆچ ھەیە،
پشتیوانی لە
چاودێری کوردۆساید دەکەن بۆ دادگایی تاوانبارانی ئەنفال.
 چاودێری
کوردۆساید لە ھەڵمەتێکی کەموێنەدا دژ بە جێبەجێنەردنی بڕیارەکانی
دادگای باڵای تاوانەکان و داڵدەدانی تاوانبارانی ئەنفال لە لایەن
ھەندێک وڵاتی ئەوروپیەوە ھەڵمەتێکی بەرفراوانی وێنە نەبووی دەستپێکرد ،تا
ئێستا پتر لە ١٠٠٠ کەس کە زۆربەیان بیانی و
چالاکڤانی سیاسی و مافی مرۆڤن لە سەرتاسەری جیھان پشتیوانیان لە
بانگەوازەکەی چاودێری کوردۆساید کردووە بۆ رزگار نەبوونی تاوانباران لە
سزادان ، لە ریزی پشتیوانیکەراندا ھەردوو گروپی ناسراوی جیھانی گروپی
ئەنەنۆسی ھاکەرو ئەکۆپی ھیومان رایت ۆچ و چالاکڤانانی ناسراوی دژ بە
جینۆساید و پارێزەرانی مافی مرۆڤ لە جیھاندا ھەیە .
لینکی واژۆ کردن و لایککردنی داخوازییەکە:
http://www.gopetition.com/petitions/support-to-take-genocide-committed-to-justice.html
دەقی بانگەوازەکە بە زمانی کوردی:
تاوانبارانی جینۆسایدی گەلی کوردستان
نابێ لە سزا رزگاریان بێ.
بۆ سەرجەم رێکخراوەکانی تایبەتمەند بە پرسی دادگایی تاوانبارانی جەنگ و
تاوانی دژ بە مرۆڤایەتی و تاوانی جینۆساید..
بۆ سەرجەم رێکخراوەکانی مافی مرۆڤ لە جیھاندا..
ھەرچەندە ئێمە پێمان وابوو تاوانبارانی جینۆساید لە عێراق لە دادگایەکی
نێو نەتەوەییدا دادگایی بکرابایان ، بۆ ئەوەی بڕیارەکانی دادگا
رەھەندێکی نێو نەتەوەیی ھەبوایا و بە پێوەرە جیھانییەکان حەقیقەتی
تاوانەکان بسەلمێنرایە و سزاکانیش وەک خۆیان جێبەجێبکرابایە ، رزگار
نەبوونی تاوانباران لە سزا رێگایەکی لەبارە بۆ دووبارە نەکردنەوەی ئەم
تاوانە گەورانە .
لە یۆلی ٢٠٠٧ ەوە دادگای باڵای تاوانەکانی عێراقی بڕیاری گرتن و
دادگایی کردنی ٤٢٣ تۆمەتباری دەرکردووە، جارێکی دیکە دادگای باڵای
تاوانەکان بە بڕیارێکی نوێ لە بەرواری ١٠-٨-٢٠١٠ بەژمارەی (رس/١٠/٨٣)
بڕیاری دەستگیر کردنی ٢٥٨ تۆمەتباری دەرکردووە کە لە سنووری ھەرێمی
کوردساندا دەژێن ، ھەرچەندە ھەندێک لەو تۆمەتبارانە ئێستا لە وڵاتانی
(( ھۆڵەندا ، ئاڵمانیا ، نەمسا ، سویسرا ، بەریتانیا ...) نیشتەجێن .
ئێمە لێرەوە داوا لە بەڕێزتان دەکەین :
١-پشتیوانی بکەن لە دادگاییکردنی سەرجەم ئەو تۆمەتبارانە ،بۆ ئەوەی
تاوانباران سزا بدرێن و بێ تاوانیش بگەڕێنەوە ناو کۆمەڵگا.
٢-داوا لەو وڵاتانە بکرێت کە تاوانباران و تۆمەتباران لە وڵاتەکانیان
نیشتەجێن ، نابێت ولاتانی دیموکراسی ببێتە ناوچەی ئارام و پارێزەری
تۆمەتباران و تاوانباران جینۆساید ، ئەرکی ئەو وڵاتانیە دادگایی ئەو
تۆمەتبار و تاوانبارانە بکەن.
لە کۆتایدا سوپاسی پشتیوانیتان دەکەین و ئامادەی پێدانی ھەر بەڵگەنامە
و دۆکۆمێنتێکین .
چاودێری کوردۆساید - چاک
www.kurdocidewatch.net
www.kurdocide.com
|
