|
١٦\٤\٢٠١٧
پتر لە ٣٥٠
میوانی بیانی لە ٦٦ وڵات لە فیستیڤاڵی جیھانیی فەجر بەشداریی دەکەن.
مەنسوور جیھانی
 پتر
لە ٣٥٠ میوانی بیانی لە ٦٦ وڵاتی جیھان لە سی و پێنجەمین خولی
فیستیڤاڵی جیھانیی فیلمی فەجر لە شاری تاران بەشداریی دەکەن.
لەم بارەیەوە "عەلیرەزا شوجاع نووری" وتەبێژیی سی و پێنجەمین خولی
فیستیڤاڵی جیھانیی فیلمی فەجر رایگەیاند: میوانانی بیانی ئەم فیستیڤاڵە
لە ٣١ وڵاتی کیشوەری ئاسیا، ٢٣ وڵاتی ئەورووپی، ٦ وڵاتی کیشوەری
ئەفریقی، ٥ وڵاتی کیشوەری ئەمەریکا و ئوستوڕاڵیا پێکدێن کە لەم
ناوەندەدا لە ٢٤ وڵاتی ئیسلامیش میوانمان ھەیە.
گوتیشی: میوانانی بیانی سی و پێنجەمین خولی فیستیڤاڵی جیھانی فیلمی
فەجر چەند گرووپ، لەوانە: دەرھێنەران، سیناریۆنووسان، ئەکتەران، دیمەنە
تایبەتە وێنەییەکان، بەرھەمھێنەران، بەرپرسانی فیستیڤاڵەکان و ھەروەھا
کڕیاڕانی فیلم لە خۆدەگرن.
ئەم ئەکتەر ناودارەی سینەمای ئێران ئاشکراشیکرد: بەشێک لە میوانانیش لە
بەھرەمەندە فیلمسازییەکان پێکدێن کە تەمەنیان لە خوارووی ٢٧ ساڵدایە کە
نیوەی ئەم ڕێژەیە لە وڵاتی ئێرانن واتە ٥٥ کەس لە ھەموو پارێزگاکانی
ئێران و ٥٥ کەسی دیکەش لە وڵاتانی موسوڵمانی ناوچەکە و کیشوەری ئاسیا و
وڵاتانی دیکە دەستنیشان کراون کە لە بەشی "دارولفنوون" بەشداریی دەکەن.
"عەلیرەزا شوجاع نووری" لە کۆتاییدا سەبارەت بە دوایین باروودۆخی یانەی
سی و پێنجەمین خولی فیستیڤاڵی جیھانی فیلمی فەجریش گوتی: تا ئێستا پتر
لە ١٥ ھەزار کەس لەم یانەیەدا ناونووسییان کردووە، ئەم ڕێژەیە روو لە
زیادبوونە و پێش بینی دەکرێت ئەندامانی یانەکە لە رزێرڤکردنی بلیت و
داشکان و ھەروەھا لە بەرنامەکانی فیستیڤاڵ بە شێوەی تایبەت کارئاسانیان
بۆ بکرێت.
بەڕێوەبەرایەتی ڕاگەیاندنی گشتیی فیستیڤاڵی
جیھانیی فیلمی فەجر
ماڵپه‌ڕی مه‌نسوور جیهانی
|
