په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

پۆلێکی تر له‌ئه‌نفال.

 

به‌ندی عه‌لی

بۆ هاتنه‌وه‌ی ته‌رمی ١٥٠ ئه‌نفالکراوی گه‌رمیان.

 

   به‌یانیت باش ئه‌ی نیشتمان

ئه‌ی خه‌وی ئه‌فسانه‌ی ڕه‌های

شه‌وی پڕ ئه‌سێره‌ی کشاو

له‌ئاسمانی سه‌ر بیابانی غه‌دره‌وه

به‌ره‌و ناخی ناخی گه‌ردوون

به‌یانیت باش

ئه‌ی باوه‌شی گه‌رمی ئه‌مه‌ک

ئه‌ی له‌پی نه‌رمی به‌زه‌یی

ئه‌ی مه‌نبه‌عی ڕووباری سۆز

ده‌شتی بێ پایانی وه‌فا

به‌یانیت باش

ئه‌وه‌ دیسان پۆلێ مه‌لی گه‌رمیانیی

له‌ جانتای سه‌فه‌ری مه‌رگا گه‌ڕانه‌وه

ئه‌وه‌ دیسان یادگاری سوێر

مشتێ خوێی کرد

به‌سه‌ر کۆنه‌زامی غه‌درا

به‌یانیت باش ئه‌ی نیشتمان

ئه‌ی پیری خنکاو له‌گۆمی

مه‌نگی سه‌برا

به‌یانیت باش.

 

2008پاییزی