|
٢٠\١٢\٢٠١٠
پڕۆتێستی
هونەرمەندان و رۆشنبیرانی خانەقین
دژ بە
سڕینەوەی مێژووی میزوبۆتامیا.
 بەمەبەستی
هەڵویست وەرگرتن و ناڕەزایەتی دەربڕین لەبەرامبەر هەوڵی داخستنی بەشی
شانۆ و مۆسیقا لە پەیمانگەی هونەرە جوانەکانی بەغدا و لابردنی
پەیگەرەکانی سەر شەقامەکانی بەغدا، ئیمڕۆ لە کاتژمێری 10ی بەیانی
قوتابیان و مامۆستایانی پەیمانگەی هونەرە جوانەکان و رۆشنبیرو
هونەرمەند و نووسەران و رێکخراوەکانی کۆمەڵگەی مەدەنی لەبەردەم
پەیمانگەی ناوبراو کۆبوونەوە.
ئەسماعیل موستەفا شەریف(عەمیدی پەیمانگە) وتی: ئەم پرۆتێستە دژ هەوڵی
درێژەپێدان بە(حملەی ئیمان)ییەکەی سەدام حوسین رێکخستووەو هاوپشتی
خۆمان بۆ هونەرمەندانی عیراق پیشان دەدەین.
سەبارەت بە هۆی ئەو بڕیارانە، مامۆستا ئەدیب ئەرکەوازی، وتی: سەرەتای
دەسەڵاتی هەر دیکتاتۆرێک بە کوشتنی رۆشنبیران و هونەرمەندان
دەستپێدەکات. ئێمە هەر لە ئێستا بەریان پێدەگرین.
هەروا مامۆستا سەعدون کاکەیی وتی: هۆلاکۆ وەک دڕندەترین دەسەت، هێشتا
رێزی لە هونەرمەندان گردو بە خاوەن(ئەقڵی زێڕین)ناویانی برد، کەچی
ئێستا ئەو بێڕێزە لەرادەبەدەرە لەگەل هونەرمەندانی عیراق دەکرێت.
مامۆستایەیەکی تری هونەرە جوانەکان(عەباس حەمید گەرمکی)ی رایگەیاند:
ناڕەزایەتییەکەمان دژ بە تێکدەرانی هونەرە، هونەر لە هەموو سەردەمەکان
ناسنامەی گەلەو رۆڵی گەورەی خۆی هەبووە بەتایبەتی لە میزوبۆتامیا.
هونەر مێژوو دەسەلمێنێ و بە نەمانی هونەر مێژوومان دەسڕێتەوە.
لەبارەی ئەگەری سەپاندنی بڕیارەکان لە بەغدا، سیروان نەورۆز، وتی:
مومکن نییە لەبەرامبەر ئەو سووکایەتی و جەهالەتە بێدەنگ ببین.
|
