|
٤\١٢\٢٠١٠
قوتابخانەی کوردی
لە باغلەری کوردستان بەرز و پیرۆز بێ!
کوردستانیان!
قوتابخانەی کوردی هاتە دامەزراندن!
 ئیمڕۆ
لە باغلەری ئامەد هەنگاو بەرەو کۆتاییهێنان بە سەرشۆڕکردن و
بێکەرامەتکردنی کوردستانیان نرا!
ئێستا کەناڵی رۆژتیڤی رایگەیاند کە بە پشتیوانی (کوردی دەر)لە(باغلەر/ئامەد
20کەس دەستیان بە خوێندن کرد بە زمانی کوردی و هەروا لە ناوەندی حزبی
ئاشتی و دیموکراسی، ناوەندنی کلتووری جگەرخوێن و لە ناوچەی ئەرخەنییە،
ناوەندی کلتووری هیلال دەستکرا بە خوێندن بە زمانی کوردی).
سەرەتای سەخت و زەحمەت دانراو ئێمە پیرۆزبایی لەم هەنگاوە مەزنە دەکەین،
چاوەڕوانین لە سەرجەم شارو شارۆچکەکانی باکوور هاوکات هەمان هەنگاو
دابنرێ و بەو ئومیدە لە شارو شارۆچکەو گوندەکانی رۆژهەڵات و رۆژئاوا
هەمان هەنگاو دابنرێ.
کوردستانیان!
ئێستا دامەزراندنی قوتابخانە بە زمانی کوردی:
گۆڕی یەک بە یەکی شەهیدەکانمانە،
ئاڵای کوردستانە،
پەیامی ئاشتی و تەباییە،
حزب ورێکخراوەکان و
لوولەی چەکەکانە،
دایمەزرێنین و بەرگری لێ بکەین!
پاشەکشێ خۆکوشتنە... تۆش هەر کێیەک و هەر پلەو پایەیەکت هەیە، ئەم
سەنگەرە بگرەو بە قەڵەم بەرزڕاگرتنت، بەرەی ئەقڵ و حیکمەت و پەیامی
یەکسانی مرۆڤ لە ماف وئەرک، دووپات بکەوەو بێبەشکردنی منداڵی کوردستان
لە خوێندن بە زمانی دایکی هەر ئێستا بکە بە رابردوو!
بەرز و پیرۆز بێت دەستپێشخەری دامەزراندنی قوتابخانە بە زمانی کوردی لە
باغلەر لە ئامەد!
کەمپینی هەر ئێستا خوێندن بە زمانی کوردی پێتە دامەزراندن
3\12\2010
|
