راگەیاندنەکەی مەکتەبی ئەمیندارەکەی یەکگرتووی ئیسلامی و سەدام حوسین!

سه‌لام عه‌بدوڵا  
 

راگەیاندنی مەکتەبی ئەمینداری گشتی یەکگرتووی ئیسلامی لە 15/7/2009وەڵامی نووسراوی حزبی چارەسەری دیموکراتی کوردستان داوەتەوەو عوزرەکەیان وەک هەڵویستەکەیان لەبەرامبەر(د. ت. پ)وحزبی دەسەڵاتدار لە تورکیا، قەباحەتە. لە راگەیاندنی ناوبراودا لەبیریان چووە کە هەر رێزنانێک لە دڕندەیەک وەک سەدام و حزبەکەی، لەلایەن سەرجەم ستەمدیدەکانی کوردستان و ئێراق، شوێنی نەفرەت و نەعلەت بووەو لەبارەیەوە هیچ پاساوێک لە خاوەنەکانی قبووڵ نەکراوە. دۆستایەتییەکەی سەڵاح لەگەل(ئەکەپە)و پێهەڵدان بە ئەداکەی لە حوکمڕانی، وەک ئەوە وایە چاشێک یان کەسێکی بێویژدان چاو لە تاوانە بێوێنەکانی سەدام و حزبەکەی بپۆشێ و بڵێ(ئەوە نییە لە کوردستان حوکمی زانی دراوەو کوردان مەجلیسی تەشریعی و تەنفیزی و رۆژنامەو رادیویان هەیە)!

راگەیاندنەکەی ئەمینداری گشتی لە خاڵی سێهەمیدا قورەکەی ئەوەندە تر بۆ خۆیان خەستتر کردووە، مەبەستم ئەوەیە، دوپاتکردنی دۆستایەتیان لەگەل حزبەکەی ئەردۆغانە و تەنانەت لەبیریشیان نەچووە ئاماژە بە داواکردنی هاوکاریکردنیان بکەن و بە پڕوییەکەوە دونووسن"ئیرادەی باشی ئەکەپە بۆ چارەسەری نەتەوەیی لە تورکیا". ئەمە لە کاتێکدا دەنووسن، ئەکەپە بە حزب و سوپا و راگەیاندن وەک دەسەڵاتی هەر ژەنەڕاڵێکی تورکیا لە جەنگ و کوشتن و دەستگیرکردنی کوردستانیان کورتیان نەهێناوە!

دووبارە دەڵێم: دەنگدان بە(یەکگرتووی ئیسلامی)تاوانە!