|
|
|
٣\٢\٢٠١٣ راگەیاندنی کۆتایی پلینۆمی یەکەمی بزووتنەوەی جوتیارانی کوردستان.
وەک لەپێشتر رامان گەیاند بوو ژیانی سیاسی و کۆمەڵایەتی خەڵکی کوردستان ئاڵو گۆری بەرچاوی بەسەرداھاتوە و دۆخێکی نوێ بۆخەباتی سیاسی خۆی نمایش ئەکات لەو سۆنگەوە بۆئەوەی بزووتنەوەی جوتیارانی کوردستان خەباتی خۆی لەچێنێکی دیاری کراودا قەتیس نەکات و بە ھەنگاوێکی ژیرانەوە لەگەڵ رەوتی بەرە و پێش چوونی سیاسی و کۆمەڵایەتی کوردستان ھەنگاو بنێت دوای گفتوگۆی ورد و ھەڵسەنگاندنی ھەمەلایەنەی بارودۆخی ناو خۆی بزووتنەوەکەمان و وەرگرتنی بیرو بۆچونی ھاورێیانی ناو پلینۆم بەزۆرینەی دەنگ بریار درا لەمەو دوا ناوی بزووتنەوەی جوتیارانی کوردستان بگۆردرێت بۆ (بزووتنەوەی جوتیاران و زەحمەتکێشانی کوردستان )، ئەم ھەنگاوەی پلینۆم لە قۆناغی خەباتی ئێستای بزووتنەوەکەمان دەسکەوتێکی مەزن و تێخویندنەوەیەکی واقیعیانەیە بۆ بار و رەوشی سیاسی و کۆمەڵایەتی کوردستان.
لەلایەکی ترەوە پلینۆم بریاری دا دروشمەکانی بزووتنەوەکەمان وەک خۆی بمێنێتەوە و سەرکردایەتی کاتی لەئێستادا ھەڵنەبژێردرێتەوە تاکو بەستنی کۆنگرەی دووەم ئەرک و کاری بزووتنەوەکەمانی لەئەستۆی سەرکردایەتی ئێستا بێت،لێرەوە پلینۆم بانگەواز بۆسەرکردایەتی سیاسی کورد و حکومەتی ھەرێمی کوردستان دەکات لە خزمەت کردنی جوتیاران و زەحمەتکێشانی کوردستان رووی راستی خۆیان دەربخەن و چیتر بەمامەڵەی دووفاقی ھەژارانی وڵاتەکەمان نەکەنە قەڵغانی مەرامە وەختیەکانی خۆیان.
سەرکردایەتی کاتی بزووتنەوەی جوتیاران و زەحمەتکیشان بە ئیرادەیەکی سەربەخۆ و ژیاریەوە تێدەکۆشێت لە پێناو ژیانێکی شایستە بۆھەژاران و سەرجەم ھاونیشتمانیانی کوردستان لەم پێناوەشدا لەخەباتی سیاسی و مەدەنی بەردەوام ئەبێت وە داوا لە ھەموو حزب ولایەنە سیاسیەکانی کوردستان ئەکەین پشتیوانمان بن لەسەر خستنی خەباتی رەوای جوتیاران و زەحمەتکێشانی کوردستان.
|
|
|
