ڕاگەیاندنی پێکهێنانی :
کۆمیتەى دژی هەڕەشەکانی تورکیا بۆسەر کورستان لەئوسترالیا .

ژماره‌(١) - ٩\١١\٢٠٠٧

ماوەی چەند هەفتەیەکە جارێکی تر حکومەتی تورکیا دەستی داوەتە هەڕەشەی لەشکر کێشی وتۆقاندنی خەلکی مەدەنی و بێتاوانی کوردستان بیانۆی ئەمجارەشی بوونی پەکەکەیەلەناو کوردستان کەهەموو لایەک دەزانین ئەمە تەنها بیانۆیەکی لاوازە .
بۆیە بەگیانی هەست کردن بەلێپرسیارێتی بەرامبەر بەژیان و سەرو سامانی خەلکی بێتاوان و شان بەشانی بزووتنەوەناڕەزایەتیەکانی تر هەم لەکوردستان و هەم لەدەرەوە ، ڕەوەندی کوردی لەشاری سیدنی/ئوسترالیا ڕۆژی یەکشەممە 4/11/2007 کۆبوونەوەیەکی فراوانی سازدا بەمەبەستی هەڵوێست وەرگرتن دژی ئەو هەڕەشە و لەشکرکێشیە .
پاش لێدوانێکی تێروتەسەل لەسەر ئەم بارودۆخە و بەمەستی دەربڕینی ناڕەزایەتی هێمنانە ولەچوارچێوەی یاسادا تا ئەوکاتەی حکومەتی تورکیا پاشگەز دەبێتەوە لەهەڕەشەکانی خۆی ، کۆمیتەیەکی 11 کەسیان هەڵبژارد .
ئەم کۆمیتەیە کۆمیتەیەکی سەربەخۆیە وبۆ پشتگیری کردن لەخەلکی کوردستان و ناڕەزایی دەربڕین بەرامبەر هەڕەشەکانی تورکیا کارەکانی ئاراستە دەکا .
ڕۆژی 5/11/2007 کۆمیتەکە یەکەم کۆبوونەوەی خۆی سازدا ولەسەر کۆمەلێک شێوازی ناڕەزایەتی دەربڕین و کۆکردنەوەی پشتیوانی بۆ خەلکی کوردستان ڕێککەوت و هەرئێستا لە هەوڵی ئەوەدایە کەیەکەم هەنگاو لەڕێکخستنی بزووتنەوەی ناڕەزایەتیدا ساز بدات .
جا لێرەدا ئێمە بانگەوازی سەرجەم ڕەوەندی کوردی لە ئوسترالیا وگشت لایەن و کەسایەتی ئازادیخواز دەکەین کەبەهەر جۆرێک بۆیان دەکرێ پاڵپشتی کارەکانی کۆمیتەکەمان و ئامانجە ڕەواکانی بکەن .

کۆمیتەی دژی هەڕەشەکانی تورکیا بۆسەر کوردستان لە ئوسترالیا
09/11/2007
cattok_au@hotmail.com

========================================

کۆمیتەی دژی هەڕەشەکانی تورکیا بۆسەر کوردستان لە ئوسترالیا :

ڕاگەیاندنی پێکهێنانی و بانگەوازيك .

10 Nov 2007

بانگەواز

بە مەبەستی دەربڕینی دەنگی ناڕەزایی و ڕێگەگرتن لەئەنجامدانی هەر جۆرە هەڕەشەیەک بۆدەستدرێژی کردن لەڕێگەى لەشکرکێشى لەلایەن دەوڵەتی تورکیاوە بۆسەر کوردستان ، داواکارین لەسەرجەم ڕۆڵەکانى ناو ڕەوندى کوردیمان و هەموو ئازادیخوازێک کەمافى بەرگریکردنمان بەڕەوا بزانێ بۆبەشداری کردن و ئامادەبوون لەخۆپیشاندانی هێمنانەى ڕۆژى هەینی 16/11/2007 کاتژمێر 12ى نێوەڕۆ تاکو 2ى پاش نیوەڕۆ لەبەردەم کونسولخانەی تورکیا لەوێستگەی (ئیچکلیف) بەم ئەدرێس و کات و مێژووەى خوارەوە:

Address: Edgecliff - Rail station
Turkish Consulate General، Sydney
66 Ocean Street
Woollahra NSW 2027
Date: 16/11/2007 Friday
Time: 12 am – 2 pm

بۆ زانیاری زیاتر تکایە پەیوەندی بەم ژمارانەوە بکەن :
 

09/11/2007