|
١٩\٥\٢٠١٢
رەخنە و سەرنجێک
بۆ دوو کەمپینی داکۆکیی لە ئازادیی.
قادر نادر
خۆپیشاندانەکەی ٨ی ئەم مانگە لەشاری هەولیر
، کاردانەوەی جیاوازی لێ هاتە ئاراوە ، کەلێرەدا ووشەکان لەسەر سیناریۆ
و کاتی خۆپیشاندان و شیوازی توندوتیژی خۆپیشاندەران ناکەینە باس
وناوەرۆکی ئەم چەند دێرە. بەئاستی ئەوەی دەمەوێت قسە لەسەر کاردانەوەی
هەموو ئەو دەنگە ئازادیخوازو مرۆڤ دۆستانە بکەین کەهەوڵی پێشگرتنی
پێشێلکاری مافی مرۆڤ و ئازادی رادەربرین لە دەرەنجامی ئەو
خۆپیشاندانەوە دەکەن.
ئازادی و مافی مرۆڤ بەپێێ جارنامەی مافی مرۆڤ، ناتوانرێ لەلایەن هیچ
ناوەندێکی سیاسی و مرۆیی و ئایدیەلۆجیەوە ، بەئارەزویی خۆی پۆلێن ڕێژی
بکات و بەندێک لەبەندەکانی وەربگریت ، ئەوانی تر دەربکات ، یان
بەپێوەری بەرنامەی پارت و ناسین و ناسراوی نوسەرو کەسایەتیەکە مامەلە
بات . بەداخەوە لەماوەی رابردوو چ لەلایەن میدیای ئەهلی و ئۆپزسیۆنەوە
کەدوومینبەری گرنگن ، تارادەیەک بەو هاوکیشەیە لەداکۆکی لەمافی مرۆڤ و
ئازادی رادەرىڕینی چالاکوانە مەدەنیەکان لەگەڵ سەرنوسەرو
ڕۆژنامەنوسەکانی خۆیان بەیەک هاوسەنگ مامەڵە و داکۆکی لێ نەکرد؟
لەدوای خۆپیشاندانەکە ی ٨ی مای ، سێ کەمپین بۆ داکۆکی لەئازادی
ڕادەڕبرین دەستی بەکار کردوە ، دوانیان کەسانی هەلگری چەپ ، سەرپەرشتی
کەمپینەکە دەکەن ، بەداخەوە بەهەناسەیەکی ئایدیەلۆجی چەپانە
کەمپینەکەیان دەخولیتەوە . ئەوان هەموو داخوازیەکەیان لەیەک خالدا
چرکردۆتەوە کەپەرلەمان ئەو یاسایە دەرنەکات ( بەناوی سوکایەتی
بەپیرۆزیەوە سزای خەلک بدرێت ) کەئیسلامیەکان وەک پێشنیاز بۆ پەرلەمانی
ناردوە ، راستە ئەم پێشنیازە مەترسیدار و دژی بەندەکانی جارنامەی مافی
مرۆڤە ،دەبێت پێشی بگرین و رسوا ی بکەین . بەلام لەتەک ئەمەش ناکریت تۆ
کەسیکی چەپ بی و خۆت پی داکۆکیکاری مافی مرۆڤ بزانی ، قسە لەسەر ئازارو
ئەشکەنجە و فراندنی خەلك بەنیوەشەو نەکەی بائەو کەسانە هاوڕای
بیروبۆچون یان دژیشت بن ! ؟ ئەمە ناراستگۆیی و نەخوێنەوارێتیە بەرامبەر
خەبات بۆداکۆکی لەئازادی سیاسی و بیروڕا؟
مرۆڤێک خۆی پی داکۆکیکەری ئازادی و مافی مرۆڤ بیت دەبێت وەک ئیلهام و
قوتابخانە سەیری ڕێکخراوێکی وەک ئامنستی ئەنتەرناسیۆنال بکات، کاتێک
کەدژ بەلەسیدارەی سەدام و عەلی حەسەن مەجید و ئەشکەنجەی ئەندامانی
قاعیدە وەستایەوە و ئیدانەی کرد. ئەمەیان بۆ داکۆکی لەبەعس و قاعیدە
نەکرد ، بەئاستی ئەوەی ئەوان داکۆکی لەبەرنامەی خۆیان دەکەن ؟ بۆیە
گرتن و ڕفاندن و ئەشکەنجەی خۆپشاندەران ئەگەر ئیسلامیش بن ئەوا دەبێت
مرۆڤی ئازادیخواز ئیدانەی بکات کەبەداخەوە هەردوو کەمپینەکەبەدیریکێش
باسیان نەکردوە .، رەنگبێت تیایان داهەبێت دلخۆشێش بێت بەئازاردانیان .
کەلێرەدا نمونەیەکی هەلەی خۆم دەهێنمەوە ، سالی ١٩٩٣ یەکیتی گورزێکی
جەرگبڕی لەبزوتنەوەی ئیسلامی دا ، زۆربەی چەپەکانی کوردستان لەهەولیر
دلخٶس بوین ، بەلام سالێکی تێنەپەراند ئەمە بووە کەلتوور ، یەک لەدوای
یەک ئەوانیش خرانە ناو هەمان میتۆدەوە ئیتر لە تیرۆرەوە بۆ داخستنی
بارەگا رەفتاریان لەگەڵ کردن.
ماڵپه‌ڕی قادر نادر
|
