ئاوێنه‌کان

هه‌موو کاتێ

په‌یامنێری حه‌قیقه‌ت نین

نهێنی بوون له‌وه‌دایه‌

به‌چ چاوێ

سه‌یری تابلۆی ژیان ئه‌که‌ی

چاوێ که‌نیوه‌ په‌رداخی

بوون و نه‌بوون چۆڵ ئه‌بینێ

یان هێنده‌ شه‌رابی به‌ختی

 تێدایه‌ بۆ قومێکی تر

قومێکی پڕ نه‌شئه‌ی ئومێد

به‌گه‌وره‌یی خواوه‌ندی هێز

هێزی دڵێ

تابواری ترپه‌ی هه‌بێ

 مل له‌چه‌قۆی مردن ئه‌سوێ و

به‌نینۆکه‌ سوره‌کانی چنگی قه‌ده‌ر

ختوکه‌ی دێ

به‌سه‌زمانن ، ئه‌وانه‌ی خۆر

به‌بێژنگی ته‌م ئه‌بێژن

به‌سه‌زمانن ، ئه‌وانه‌ی بۆ

کۆچی پوشێ له‌پاییزدا

دوا تۆفانی ئه‌شک ئه‌ڕێژن.

20086/