|
رۆژنامەرگەرى
ئازاد هەوێنى کۆمەڵگاى ئازادە.
رونکردنەوەیەک بۆ راى گشتى .
خەڵکى ئازادیخوازى کوردستان..
تێکراى خەمخۆرانى ئازادى رۆژنامەگەرى ..
 دواى
پەسندکردنى یاساى کارى رۆژنامەگەرى لەلایەن پەرلەمانى کوردستانەوە
لە بەروارى 11-12-2007 بە ناوەرۆکێکەوە کە مەترسیەکى جدى دەخاتە سەر
ئازادى رادەبڕین و رۆژنامەگەرى لە هەرێمى کوردستان ئێمەى
رۆژنامەنووسانى کوردستان ئەوانەى کە لە خوارەوە ئیمزامان کردوە لە
سۆنگەى بەرپرسیارێتى مێژووییمانەوە ئەم خاڵانەى لاى خوارەوە بۆ راى
گشتى رادەگەیەنین :
1-لەهەر کۆمەڵگەیەکى دیموکراتدا ئازادى رۆژنامەگەرى و رادەربڕین پرسێکى
پیرۆز و سازش هەڵنەگرە و بەهیچ بیانوویەک و لە ژێر هیچ ناونیشانێکدا
ناکرێت ئەوەندە بەرتەسک ببێتەوە کە لە مانا راستەقینەکانى
بەتاڵبکرێتەوە . دەسەڵاتى
سیاسیش لە
هەرێمى کوردستان ئەمرۆکە
زیاتر لە
هەرکاتێکى تر بانگەشەى
دیموکراسیەت و پارستنى
ماف و ئازادیەکان دەکات
لێرەوە هەرگیز
چاوەروانى هەنگاوێکى
یاسایی لەو
جۆرە نەبووین
کە ماف و ئازادیەکانى
رۆژنامەنووسان بخاتە بەردەم مەترسیەکى راستەقینەوە .
2- ئەوپەرى نیگەرانى خۆمان دەردەبڕین کاتێک دەبینین کەسزاکانى گرتنى
رۆژنامە نووس و پێبژاردنێکى یەکجار قورس و داخستنى رۆژنامە و
کۆکردنەوەى لە بازاردا هاتۆتە ناو پرۆژە یاسای کارى رۆژنامەگەرى لە
هەرێمى .
3- لەپەنجاو نۆهەمین ساڵیادى جارى گەردوونى مافەکانى مرۆڤ دا چاوەروانى
ئەوە بووین کەپەرلەمانى کوردستان گۆرانکارى گەورە لە هەنگاوەکانى و
لەیاساکان و لە عەقڵیەتى داڕشتنى یاساکان ومیکانیزمەکانى بکات
بەئاراستەیەک کە لەرووى یاساییەوە زۆرترین ماف و ئازادیەکان بەپێى
ستاندەرە جیهانیەکان بۆ هاوڵاتیانى کوردستان لەنێویشیاندا بۆ
رۆژنامەنووسان دەستەبەر بکات .کەچى بەدڵگرانیەکى زۆرەوە و بەپێچەوانەى
ئەرکى دیموکراسیانەو مێژوویانەى خۆى ماف و ئازادیەکانى بەرتەسک کردەوە
.
4-گەلى کوردستان گەیشتۆتە خاڵێک و گەرانەوەشى لێناکرێت کەئەزمونێکى
تارادەیەک دیموکراسى هەیە لێرەشەوە پێویستە کە یاساکان چەند هەنگاوێک
پێش واقع بکەون نەک هەوڵبدەن واقع و پێشکەوتنە دیموکراسیەکانى خەڵکى
کوردستان بۆدواوە بگێڕنەوە جونکە چەندەى ئیشکالیەت لە یاسادا هەیە
ئەوەندە ش ئیشکالیەت لە جێبەجێکردنى یاسادا هەیە . بەڵام کاتێک
ئیشکالیەت دێتە ناو یاساى کارى رۆژنامەگەرییەوە ئەوا مەترسیەکە زۆر
گەرورەترە .
5- داواکارین لەبەرێز سەرۆکى هەرێمى کوردستان کە واژۆ لەسەر ئەو
یاسایەنەکات کە هەرگیز لەئاست واقع و چاوەروانیەکانى ئەمرۆى خەڵکى
کوردستاندا نیە .
6- دواکارین پەرلەمانى کوردستان بەزووترین کات چاو بەیاساى کارى
رۆژنامە گەریدا بخشێنێتەوە و ئەو یاسایە بەشێوەک هەموار بکات کە بەپێى
ستاندەرە جیهانیەکان ماف و ئازادی رۆژنامەگەرى دەستەبەر بکات .
7- دواکارین کە سەندیکاى رۆژنامەنووسانى کوردستان و تێکراى
رۆژنامەنووسان بەزووترین کات دەستەبەکاربن لە پێناو هەڵوەشاندنەوەى ئەو
یاسایە و دارشتنەوەى بەشێوەیەک کە خزمەت بە ئازادى رۆژنامەگەرى و
پرۆسەى دیموکراسى بکات لە کوردستان .
لەکۆتاییدا رایدەگەیەنین کە شانازیمان و لەهەمانکاتدا بەردەوامى
پشتیوانى ناوەندەکانى بڕیارى دنیا و گەلانى مرۆڤدۆست و دیموکراسى خواز
بەندە بەرادەى رێزگرتنمان لە ماف و ئازادیەکانى مرۆڤ لەهەرێمى کوردستان
لەپێشى هەموو شیانەوە مافى ئازادى رۆژنامەگەرى .لێرەشەوە هەر هەوڵێک بۆ
بەرتەسک کردنەوەى ئازادى رۆژنامەگەرى لەکەدارکردنى ناوبانگى خەڵکى
کوردستان و ئەزموون و پرسە رەواکەیەتى و ئایندەى خەڵکى کوردستان بە
قورسى باجەکەى دەدات .
بەڵێ بۆ رۆژنامەگەریەکى ئازاد .....بەڵێ بۆ یاسایەکى مۆدێرن.
رۆژنامەنووسانى کوردستان
هەولێر
12-12-2007
لیستی ناوەکانی رۆژنامەنووسە ناڕازییەکان لە
یاسای رۆژنامەگەری لە هەرێمی کوردستان:
1- على کریم – نووسەر و رۆژنامەنووس
2- رێبین رسوڵ اسماعیل - نووسەر و رۆژنامەنووس
3- د.فرهاد پیرباڵ- مامۆستاى زانکۆ و رۆژنامەنووس
4- دڵزار حسن – رۆژنامەنووس لە کوردستان راپۆرت
5- د.جرجیس گلى زادە – نووسەر و رۆژنامەنووس
6- هەڵگورد سەمەد-گۆڤاری لڤین، نووسینگەی هەولێر
7- کەوگەس عبد الرحمن – رۆژنامەنووس لە کوردستانى نوێ
8- نەبەز گۆران – رۆژنامەنووس
9- لقمان محمد - نووسەر و رۆژنامەنووس
10- بێوار چۆمانى – رۆژنامەنووس لە هاوڵاتى
11- فرهاد گۆمەشینى - رۆژنامەنووس لە کوردستانى نوێ
12- تەها عبدالله - رۆژنامەنووس لە کوردستانى نوێ
13- سعودهاشم - رۆژنامەنووس
14- حمدامین خدر - رۆژنامەنووس لە پروشە -رانیە
15- امید عبدالرحمن - رۆژنامەنووس
16- هندرین شیخ - رۆژنامەنووس
17- شێروان شێروانی-رۆژنامەنووس-ئاکرێ
18- دانا رەزگەیی-رۆژنامەنووس-سۆران
19- بێستوون عوسمان-رۆژنامەنووس
20- دیار عەزیز شەریف-رۆژنامەنووس
21- لوقمان شێروانی-نووسەر و رۆژنامەنووس
22- نەجات ئەحمەد-رۆژنامەی هاوڵاتی، هەولێر
23- دەشتی سەباح-رۆژنامەی رۆژنامە، بەرپرسی نووسینگەی هەولێر
24- ئەژین عەبدولخالق-رۆژنامەی رۆژنامە
25- کارزان کەریم-رۆژنامەنووس
26- عەلی سدیق-رۆژنامەنووس
27- عیسا عبدالقهار-رۆژنامەی جەماوەر
28- شێرکۆ سەردار-رۆژنامەی جەماوەر
29- سەهین نوعمان دەروێش-پەیامنێری سەتەلایتی نەورۆز
30- بورهان قادر-رۆژنامەنووس
31- ئیبراهیم عەلی-گۆڤاری لڤین، نووسینگەی هەولێر
32- کامەران محمد-رۆژنامەنووس،کۆیە
33- زیاد رشاد - رۆژنامەنووس لە رۆژنامەى یەکگرتوو
34- دلێر محمد-رۆژنامەنووس
35- فەرهەنگ قەرەنی-رۆژنامەنووس
36- فهمى حمە توفیق - رۆژنامەى یەکگرتوو
37- محمد جەمشیدی-رۆژنامەنووس
38- توانا عمر - رۆژنامەنووس لە رۆژنامەى ئاوێتە
39- تارق حسین - رۆژنامەنووس
40- کاوە عبدالله - رۆژنامەنووس لە پروشە-رانیە
41- عبدالواحد عبدالکریم - رۆژنامەنووس
42- نیگار حمە على - رۆژنامەنووس و هەڵبەستوان
43- جبار احمد - رۆژنامەنووس
44- فرهاد حسن – گۆڤارى شەقام
45- هیمن مامند – رادیۆى نەوا
46- حسن مینە - رۆژنامە نووس
47- هدى زنگنە - رۆژنامەنووس
48- کوردستان حسن – رۆژنامەنووس
49- ریدار بەکر ئەحمەد رۆزنامەنوس لەکۆفارى خیزان و رۆزنامەى ئاسۆ
50- محمد على ولى – نووسەر و رۆژنامەنووس – کەلار
51- لەنجە عەبدوڵڵا- رۆ1نامەی میدیا
|
