ڕونکردنەوەیەک لە ڕادیۆى پەروانەوە .

پشتیوان که‌ریم               
بەرپرسى تەکنیکى ڕادیۆى پەروانە لە شارەزور

بەرلە چەند ڕۆژێک تەلەفیزیۆنى کۆمەڵ و سایتى" ناۆخۆ" ى سەربە ئیسلامیەکان هەواڵێکیان بڵاوکردەوە کە گوایە ڕدیۆى پەروانە لە شارەزور پەخشى خۆیى وەستاندوە و داخراوە ، دواى بڵاوبنەوەى ئەم هەواڵە ئێمە هەردو لایەنى ناوبراومان لە نادروستى هەواڵەکە ئاگادارکردەوە و پێمان ڕاگەیاندن کە ئەو هەواڵەى بڵاویانکردۆتەوە دورە لە ڕاستیەوە ، وە ئێمە بێدەنگیمان هەڵبژارد بە لەبەرچاوگرتنى ئوێوڵى ڕاگەیاندن ، چونکە پێمانوابوو کە تەلەفیزیونى کۆمەڵ و سایتى "ناوخۆ"خۆیان بەرپرسیارن بە ڕاستکردنەوەى هەواڵێک کە بەنادروست بڵاویانکردۆتەوە ، بەڵام دواى ئەوەى لەو ماوەیەدا هیچ یەکێک لەو لایەنانە هەواڵە نادروستەکەى خۆیان ڕاست نەکردەوە بەپێویستمانزانى ئەم ڕونکردنوەیە بدەین :
ڕادیۆى پەروانە بێجگە لە ماوەى پەخشى ئەزمونىخۆى کە بەشێوەیەکى ئاسایى لەکاردابوە ، لەهەمانکاتدا لەیەکەمین ڕۆژى کردنەوەى ڕدیۆکەوە وەک پەخشى بەردەوامى خۆى لەسەرئەرکى کۆمەڵێک لە لاوانى مەدەنى و ئازادیخوازى شارەزور پەخشەکانى بەردەوام بوە ولەناو خەڵکى ئازادیخوازو پێشکەوتنخوازى شارەزوردا جیگاى خۆى هەیەو سەعاتێکیش ڕانەوەستاوە ، بەڵام وادیارە ئەولایەنانەى چاویان بە جیگاوڕێگاى ڕدیۆکەمان لەشارەزور هەڵنایەت ئەیانەوێت لەڕێگەى بڵاوکردنوەى هەواڵى ناڕاست و پێچەوانەوە هەوڵى لاوانى خۆبەخشوپێشکەتنخوازى شارەزور لە ئەزمونێکى مەدەنیدا کەمبکەنەوە و لەهەوڵى لەباربردنیابن ، بۆیە ئێمە لە راِدیۆى پەروانە جارێکى تر ئەوهەواڵانە بەدرۆ دەخەینەوە کە باس لە وەستانى ڕدیۆکەمان یان داخستنى دەکات ، لەهەمانکاتدا بانگەوازى خەڵکانى مەدەنی و پێشکەوتوخواز دەکەین پشتیوانى رادیۆکەمانبن بۆزیاتر بەرەوپیشچونى تا بتوانێت هەرچى زیاتر خزمەت بە ڕەوتى پێشەکەوتنخوازى ناوچەکە بگەیەنێت .